2016-11-19
- Клевцов М. М. «Къэбэрдей-Балъкъэр Республикэм и пащхьэ щиIэ
- фIыщIэм папщIэ» орденыр етыным и IуэхукIэ
- Къэбэрдей-Балъкъэр Республикэм и
- Iэтащхьэм и Указ
- Республикэм и социально-экономикэ зыужьыныгъэм куэд зэрыхищIыхьам икIи жылагъуэ лэжьыгъэм жыджэру зэрыхэтым къыхэкIыу «Къэбэрдей-Балъкъэр Республикэм и пащхьэ щиIэ фIыщIэм папщIэ» орденыр етын Клевцов Михаил Михаил и къуэм.
- Къэбэрдей-Балъкъэр Республикэм и Iэтащхьэ КIуэкIуэ Юрий
- Налшык къалэ
- 2016 гъэм щэкIуэгъуэм и 18-м
- №144-УГ
- Клевцов М. М. Къэбэрдей-Балъкъэр Республикэм и къэрал, жылагъуэ лэжьакIуэщ, КъБАССР-м, РСФСР-м щIыхь зиIэ я агрономщ. 1974 — 1986 гъэхэм Май районым щыIэ «Красная нива» колхозым и унафэщIу лэжьащ икIи къызэгъэпэщакIуэ гъуэзэджэу зэрыщытыр абы щыгъуэ къигъэлъэгъуащ. КъБР-м и Совет Нэхъыщхьэм и депутату, КъБР-м ЩIымкIэ и къэрал ко- митетым и унафэщIу щытащ.
- ГуащIэдэкI Бэракъ Плъыжь орденыр, «Урысейм щIы Iуэхухэр убзыхунымкIэ щIыхь зиIэ и лэжьакIуэ» бгъэхэIу дамыгъэр къратащ, СССР-м и ВДНХ-м и жэз, дыжьын, дыщэ медалхэр къыхуагъэфэщащ.
- Тэрч къэзакъхэм я Тэрч-Балъкъ къудамэм и япэ атаману хахащ. Клевцов Михаил и жэрдэмкIэ Котляревскэ станицэм 1979 гъэм къыщызэрагъэпэщауэ щыта музейр нобэр къыздэсым урысей станицэхэм я музей нэхъыфI дыдэхэм ящыщщ.