Кыщпэкдэсхэм пашэныгъэр яубыд
2016-05-18
- Санкт-Петербург къалэм иджыблагъэ щекIуэкIа «Школа здоровья — 2016» урысейпсо зэпеуэм пашэ щыхъуащ Бахъсэн районым хыхьэ Кыщпэк къуажэм и курыт еджапIэр. Абы къыхуагъэфэщащ зэхьэзэхуэм зэрыщытекIуам щыхьэт техъуэ щIыхь тхылъыр.
- Школым и лэжьакIуэхэм зэпеуэм ягъэхьащ еджакIуэхэм я узыншагъэр хъумэнымкIэ методикэ лэжьыгъэхэр, программэхэр, социальнэ проектхэр.
- Зэпеуэм кърикIуахэр зэхалъхьэжа нэужь, «Образовательная организация — территория здоровья — 2016» Iыхьэм Кыщпэк курыт еджапIэм къыщыхуагъэфэщащ «За отличные успехи в области здоровьесбережения участников образовательного процесса» медалыр.
- Бахъсэн муниципальнэ щIыналъэ администрацэм и Iэтащхьэ Сыжажэ Хьэсэн зэпеуэр къызэзыгъэпэщахэм къабгъэдэкI фIыщIэ тхылъыр къыхуагъэхьащ, щIэблэр узыншэу къэгъэхъуным ехьэлIа лэжьыгъэм хэлъхьэныгъэшхуэ зэрыхуищIым папщIэ.
- Абазэ Лерэ.
- Бахъсэн муниципальнэ щIыналъэ администрацэм
- и пресс-IуэхущIапIэ.