|
|
Март, 2023
Бгылъэ жылэхэм я Iуэху зыIутым зыщегъэгъуазэ
2023-03-30
- Шэджэм щIыналъэм щыIащ икIи Шэджэм-2 — Булунгу гъуэгущIэм и ухуэныгъэр здынэсар зригъэлъэгъуащ КъБР-м и Iэтащхьэ КIуэкIуэ Казбек.
Псоми еджэн…
Зыхыхьэхэр: КъБР-м и Правительствэм
ЛIыхъужьхэм – дамыгъэхэр
2023-03-30
- Урысей гвардием КъБР-м щиIэ къудамэм Урысей Федерацэм и Лъэпкъ гвардием и дзэхэм я махуэм ехьэлIауэ къызэригъэпэща гуфIэгъуэ махуэшхуэм КъБР-м и Iэтащхьэ КIуэкIуэ Казбек хэтащ. Ар къызэIуихащ Урысей гвардием КъБР-м щиIэ къудамэм и унафэщI Васильев Сергей.
Псоми еджэн…
Зыхыхьэхэр: Хэха
Балъкъэрхэм я махуэшхуэр ягъэлъапIэу
2023-03-30
- КъБР-м и Музыкэ театрым концерт гукъинэжкIэ щагъэлъэпIащ Балъкъэр лъэпкъым и къэщIэрэщIэжыныгъэм и махуэр.
Псоми еджэн…
Зыхыхьэхэр: Хэха
И хъуэпсапIэхэр нэрылъагъу хъуну
2023-03-30
- Лъэпкъ Iуэху зепхуэн папщIэ IэщIагъэрэ щIэныгъэрэ, зэфIэкIрэ IэнатIэрэ я закъуэкъым узыхуейр, абы щIыгъупхъэщ гууз-лыузыр, укъызыхэкIам и сыт хуэдэ Iуэхуми гудзакъэ хуиIэныр. А псори зыхэлъщ нобэ зи ныбжьыр илъэс 50 ирикъу Къардэн Хьэсэн. Ар спортым и мастерщ, Урысей Федерацэм щIыхь зиIэ и тренерщ, «Акрополь» щэнхабзэ-зыгъэпсэхупIэ IуэхущIапIэм, «Кавказская пленница» этнорестораным я унафэщIщ.
Псоми еджэн…
Зыхыхьэхэр: Хэха
Театр сценэр къаруушхуэщ
2023-03-30
- УФ-м и Театр лэжьакIуэхэм я зэгухьэныгъэм и правленэм и щIыналъэ къудамэр я дэIэпыкъуэгъуу, гъатхэпэм и 27-м республикэм и театрихым — Горький Максим и цIэр зезыхьэ Урыс къэрал драмэ театрым, Кулиев Къайсын и цIэр зезыхьэ Балъкъэр къэрал драмэ театрым, ЩоджэнцIыкIу Алий и цIэр зезыхьэ Къэбэрдей къэрал драмэ театрым, Музыкэ театрым, Гуащэ театрым, Нэгъуей Мухьэдин зи унафэщI «Фатум» уней театрым я актёрхэмрэ лэжьакIуэхэмрэ Театрым и дунейпсо махуэр гукъинэжу ягъэлъэпIащ.
Псоми еджэн…
Зыхыхьэхэр: Щэнхабзэ
Зи пщIэр къалъыта Бажэ Дотий
2023-03-30
- И ныбжьыр илъэс 65-рэ зэрырикъур нобэ егъэлъапIэ Аргудан къуажэм къыщалъхуа, Нарткъалэ щыпсэу политик, жылагъуэ лэжьакIуэ цIэрыIуэ Бажэ Дотий.
Псоми еджэн…
Зыхыхьэхэр: ДифI догъэлъапIэ
ЦIыкIураш
2023-03-30
- Бажэмрэ джэджьеймрэ
- Пщэдджыжь дыгъэм мэз дахэшхуэр къыдэушащ. Абы уэрэдкIэ щызэпеуэу щIадзащ бзу цIыкIухэм. Ауэрэ, мэзыр зэрыщыту къызэщIэушэри, щхьэж и Iуэху пэрыхьэжащ. Псом яужь и гъуэм къипщащ бажэ кIэлъэфыр.
-
Псоми еджэн…
Зыхыхьэхэр: Хэха
Балъкъэр лъэпкъым и къэщIэрэщIэжыныгъэм и махуэм теухуауэ
2023-03-28
- КъБР-м и Iэтащхьэ КIуэкIуэ Казбек цIыхухэм зэрехъуэхъур
- Къэбэрдей-Балъкъэрым и цIыхухэу пщIэ зыхуэсщIхэ!
- Гъатхэпэм и 28-м ди республикэм егъэлъапIэ Балъкъэр лъэпкъым и къэщIэрэщIэжыныгъэм и махуэр. Ар тхыдэм и пэжымрэ захуагъэмрэ зэтегъэувэжыным и дамыгъэу жыпIэ хъунущ. Балъкъэр лъэпкъыр щхьэ-хуимыту я щIыналъэм зэрырахуам къыдэкIуа гугъуехь псори къызэринэкIри, и хэкум къигъэзэжауэ гъащIэм и лъэныкъуэ псоми ехъулIэныгъэхэр щызыIэригъэхьэу мэпсэу, и лъэпкъ щэнхабзэр, псэкупсэ хъугъуэфIыгъуэхэр ихъумэу.
Псоми еджэн…
Зыхыхьэхэр: Хъуэхъу
Насыпыншагъэм къызэфIигъэщIакъым
2023-03-28
- 1995 гъэ лъандэрэ гъатхэпэм и 28-р ди республикэм щыдогъэ-лъапIэ Балъкъэр лъэпкъым и къэщIэрэщIэжыныгъэм и махуэу. А лъэпкъым ехьэлIауэ захуагъэр тепщэ щыхъужа а махуэшхуэр гъэувыным лъабжьэ хуэхъуащ 1957 гъэм СССР-м и Совет Нэхъыщхьэм и Президиумым къыдигъэкIауэ щыта Указыр. Абы ипкъ иткIэ къащтащ «Къэбэрдей АССР-р Къэбэрдей-Балъкъэр АССР-у зэхъуэкIыным и IуэхукIэ» республикэ хабзэр. Апхуэдэу зэфIагъэувэжащ балъкъэр лъэпкъым и къэралыгъуэр.
Псоми еджэн…
Зыхыхьэхэр: Хэха
Егъэджэныгъэр езыгъэфIакIуэ Iэмалхэр
2023-03-28
- КъБР-м и Iэтащхьэ КIуэкIуэ Казбек хэтащ республикэм ит егъэджэныгъэ IуэхущIапIэхэм я унафэщIхэм я зэхуэсым. ЗэIущIэр къыщызэIуихым, Iэтащхьэм жиIащ «Урысейм илъэсым и егъэджакIуэ», «Урысейм илъэсым и гъэсакIуэ», «Илъэсым и IэщIагъэлI» урысейпсо зэпеуэхэмрэ щIыналъэ Iыхьэхэмрэ щытекIуэхэмрэ увыпIэфI къыщызыхьхэмрэ КъБР-м и Iэтащхьэм и саугъэтыр иратыну Унафэ зэрищIар.
Псоми еджэн…
Зыхыхьэхэр: КъБР-м и Правительствэм
Къумахуэхэ я унагъуэ дахэр
2023-03-28
- Лэскэн ЕтIуанэ къуажэм дэт курыт школыр сыт щыгъуи районым япэ итхэм яхэтащ, ноби аращ. Школым щеджахэм яхэтщ еджагъэшхуэхэр, щIэныгъэ зэмылIэужьыгъуэхэм я докторхэр, кандидатхэр, профессор Iэзэхэр, академик цIэрыIуэхэр. Апхуэдэхэщ, псалъэм папщIэ, Къумахуэ зэшхэу Башир, Мухьэдин, Мурадин, Къумахуэ Владимир, Шагъыр Iэмин, Мэремыкъуэ Арсен, Елей Валерэ. ЩIэныгъэхэм я кандидатщ жылэм щыщ цIыху 15. Ди тхыгъэри зытеухуар Лэскэн ЕтIуанэм и цIэр фIыкIэ зыгъэIу егъэджакIуэ Iэзэхэщ: Къумахуэхэ Феликсрэ Ритэрэ я унагъуэ дахэрщ.
Псоми еджэн…
Зыхыхьэхэр: Хэха
ЩIэныгъэм къыхураджэ
2023-03-28
- Iимам Абу-Хьэнифэ и цIэр зезыхьэ Кавказ Ищхъэрэ Ислъам университетым студентхэм щахутепсэлъыхьащ терроризмэм пэщIэтын зэрыхуейм. Зэхуэсыр КъБР-м Лъэпкъ Iуэхухэмрэ жылагъуэ проектхэмкIэ и министерствэм къызэригъэпэщат, «КъБР-м экстремизмэмрэ терроризмэмрэ щыпэщIэтын» къэрал щIыналъэ программэм хыхьэу.
Псоми еджэн…
Зыхыхьэхэр: Хэха
Усэ зыщIыгъу гъатхэ!
2023-03-28
- Гъатхэмрэ усыгъэмрэ зэIэпэгъущ. Дунейр къощIэращIэ, псэщIэ къыхохьэ, зэпхыдэIукIыурэ макъ щIэщыгъуэхэр къегъуэт. А макъым псалъэу хохьэ усыгъэр! Мис а дунейм гур щопсэху, щопIейтей, щогъагъэ! Гъатхэмрэ усэмрэ зэщIыгъумэ — къаруущIэщ. Абыхэм цIыхупсэр къыхуагъэуш псэуным, дзыхами гугъэ иратыжыф.
Псоми еджэн…
Зыхыхьэхэр: Щэнхабзэ
ЦIыхухэм ящIэр тфIэгъэщIэгъуэнщ
2023-03-28
- Илъэс зыбжанэ ипэкIэ «Адыгэ псалъэ» газетым иIащ «Хэт сытым елэжьрэ?» зи фIэщыгъэ рубрикэ. Абы дэ я гугъу щытщIырт творческэ цIыхухэм, псом хуэмыдэжу тхакIуэхэмрэ усакIуэхэмрэ ящIэ-ялэжьым, абыхэм я къалэмыр къызыхуащтэм, щIэщыгъуэу зэман гъунэгъум дунейм къытехьэну дызыпэплъэ хъунухэм. Сэ мурад сщIащ а хабзэ дахэр, зэрыхъукIэ, къэзгъэщIэрэщIэжыну икIи зи Iуэху къэзгъэлъэгъуэну сыхуейр тхэхэм я закъуэкъым, атIэ театр лэжьакIуэхэми, сурэтыщIхэми, дыщэкIхэми, нэгъуэщI IэщIагъэ гъэщIэгъуэнхэм ирилажьэхэми я деж сынэсыну. ФфIэгъэщIэгъуэну, ффIэщIэщыгъуэу зыгуэр къыхэвгъуатэмэ, си гуапэщ.
Псоми еджэн…
Зыхыхьэхэр: Хэха
ГъащIэр къыуигъэпсалъэм хуэдэщ
2023-03-28
- Котляровхэ Викторрэ Мариерэ я тхылъ тедзапIэм иджыблагъэ адыгэбзэкIэ къыщыдэкIащ «ГъащIэ гъуэгуанэ» фIэщыгъэ дахэр зыгъуэта усыгъэ тхылъ гъэщIэгъуэныр. ЩыIэныгъэ, лъагъуныгъэ, цIыхугъэ, псэм и къабзагъэ, гумащIагъэ — дунейм тетыху цIыхум къилъыхъуэ, зэпымычу зыгъэпIейтей, и гурыщIэхэр къызэщIэзыгъэу-шэ мы Iуэхугъуэхэращ усэ зэужьым курыхыу яIэр, ар зи IэдакъэщIэкI усакIуэми и гузэхэщIэхэм къежьапIэ яхуэхъуар.
Псоми еджэн…
Зыхыхьэхэр: ТхылъыщIэ
|