Нобэрэ пщэдейрэ
2019-04-04
- Мэлыжьыхьым и 4,махуэку
- Интернетым и дунейпсо махуэщ
- Лагъымым къыпкърыкI шынагъуэмрэ щIым а Iэщэ лIэужьыгъуэр къыхэхыжынымрэ ятеухуа щIэныгъэ цIыхухэм етыным и дунейпсо махуэщ
- 1719 гъэм Урысейм Ладогэ кIэнауэр, Волхов, Нева псыхэр зэпызыщIэр, ухуэн щыщIадзащ.
- 1785 гъэм инджылыз инженер Картрайт Эдмунд щэкI зэрызэIуащэ, лъакъуэкIэ бгъэлажьэ хъу станокыр къызэригупсысам щыхьэт техъуэ тхылъыр иратащ.
- 1850 гъэм Лос-Анджелес (США) къалэ хъуащ.
- 1866 гъэм революционер Каракозов Дмитрий Урысейм и пащтыхь Александр ЕтIуанэр иукIыну хэтащ.
- 1932 гъэм США-м щыщ биохимик Кинг Чарльз Глен С витаминыр къихутащ.
- 1933 гъэм Къэбэрдей-Балъкъэрым и тхакIуэхэм я оргбюро къызэрагъэпэщащ.
- 1945 гъэм Дзэ Плъыжьым Венгриер хуит къищIыжащ.
- 1945 гъэм советыдзэхэм Братиславэ (иджыпсту ар Словакием и щыхьэрщ) къалэр фашистхэм къыIэщIагъэкIыжащ.
- 1947 гъэм Граждан авиацэм и дунейпсо зэгухьэныгъэм лэжьэн щIидзащ.
- 1949 гъэм Вашингтон къыщызэрагъэпэщащ НАТО зэгухьэныгъэр. Абы хыхьат США-р, Бельгиер, Великобританиер, Голландиер, Даниер, Исландиер, Италиер, Канадэр, Люксембургыр, Норвегиер, Португалиер, Франджыр.
- 1973 гъэм Нью-Йорк и Манхэттэн щIыпIэм къыщызэIуахащ Дунейпсо сату центрыр. Абы хыхьэ унэхэм я нэхъ инитIыр, дэтхэнэри къати 110-рэ хъур, 2001 гъэм фокIадэм и 11-м къагъэуауэ щытащ.
- Инджылыз тхакIуэ цIэрыIуэ Рид Майн къызэралъхурэ илъэс 201-рэ ирокъу.
- Совет актрисэ цIэрыIуэ, СССР-м и цIыхубэ артисткэ Быстрицкая Элинэ и ныбжьыр илъэс 91-рэ ирокъу.
- Совет кинорежиссёр, сценарийхэр зытхыу щыта, РСФСР-м и цIыхубэ артист, Лениным и цIэр зезыхьэ саугъэтыр зрата Тарковский Андрей къызэралъхурэ илъэс 87-рэ ирокъу.
- Совет усакIуэ-уэрэдус цIэрыIуэ, УФ-м и цIыхубэ артист Резник Илья и ныбжьыр илъэс 81-рэ ирокъу.
- Адыгэхэм я къекIуэкIыкIам теухуа лэжьыгъэ куэд зи Iэдакъэ къыщIэкIа, тхыдэ щIэныгъэхэм я доктор, профессор Кокиев Георгий къызэралъхурэ илъэси 123-рэ ирокъу.
- Абхъаз Республикэм и етIуанэ президенту щыта, АР-м и ЛIыхъужь Бэгъэпщ Сергей къызэралъхурэ илъэс 70 ирокъу.
- УсакIуэ, Адыгэ Республикэм щэнхабзэмкIэ щIыхь зиIэ и лэжьакIуэ Емыжь МулиIэт къыщалъхуа махуэщ.
- КъБР-м цIыхухэр егъэджэнымкIэ, щIэныгъэмрэ щIалэгъуалэм я IуэхухэмкIэ и министр, философие щIэныгъэхэм я доктор, профессор, УФ-м цIыхухэм щIэныгъэ нэхъыщхьэ егъэгъуэтын и IэнатIэм щIыхь зиIэ и лэжьакIуэ Къумыкъу Iэуес и ныбжьыр илъэс 53-рэ ирокъу.
- Актёр, теленэтынхэр езыгъэкIуэкI Нагиев Дмитрий и ныбжьыр илъэс 52-рэ ирокъу.
- БэнэкIэ хуитымкIэ дунейпсо чемпион Нартокъуэ Аслъэн и ныбжьыр илъэс 39-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градуси 7 — 8, жэщым градуси 3 — 5 щыхъунущ.
- Мэлыжьыхьым и 5, мэрем
- Къалмыкъ Республикэм и Конституцэм и махуэщ
- Корее Ипщэм щагъэлъапIэ жыгхэр хэсэным и махуэр
- Къэзахъстаным Iэпхъуэшапхъуэ Iуэхухэр зи нэIэ щIэт и полицэм и махуэщ
- 1241 гъэм Невский Александр и дзэм Чудскэ гуэлым и деж нэмыцэдзэр щызэтрикъутащ.
- 1905 гъэм Курп Ищхъэрэ къуажэм и мэкъумэшыщIэхэм зыкъаIэтащ.
- 1941 гъэм фашист Германиемрэ Италиемрэ я дзэхэр Югославиемрэ Алыджымрэ ятеуащ.
- 1941 гъэм СССР-мрэ Югославиемрэ Iэ традзащ зэныбжьэгъуным, зыр адрейм темыуэным теухуа зэгурыIуэныгъэм.
- 1942 гъэм Гитлер Адольф унафэ ищIащ и дзэхэм я къару нэхъыщхьэхэр Кавказым и щIыдагъэр зыIэрагъэхьэным хузэщIагъэуIуэу абыкIэ къаунэтIыну.
- 1943 гъэм Налшык дагъэ щыщIахуу дэт завод №1-р зэфIагъэувэжащ.
- 1955 гъэм Инджылызым и премьер-министр къулыкъум текIащ Черчилль Уинстон. Ар илъэс 50-м щIигъукIэ политикэм хэтат.
- 1977 гъэм СССР-м къыщIэгъэкIын щыщIадзащ ВАЗ-2121 автомобилыр — «Нива» — зыфIащар.
- 1980 гъэм СССР-мрэ Афганистанымрэ я унафэщIхэм Iэ традзащ советыдзэм щыщ гупхэм я къулыкъур Афганистаным щрахьэкIыным теухуа зэгурыIуэныгъэм.
- 1992 гъэм Босниемрэ Герцеговинэмрэ унафэ къащтащ Югославием къызэрыхэкIым теухуауэ.
- 1993 гъэм УФ-м и Правительствэм и унафэкIэ къызэрагъэпэщащ «Лукойл» щIыдагъэ компаниер.
- Австрием щыщ дирижёр цIэрыIуэ Герберт фон Караян къызэралъхурэ илъэси 111-рэ ирокъу.
- Совет актрисэ, УФ-м щIыхь зиIэ и артисткэ Кустинская Наталье къызэралъхурэ илъэс 81-рэ ирокъу.
- БзэщIэныгъэлI, филологие щIэныгъэхэм я доктор, профессор, ЩIДАА-м и академик ПIаз Сергей и ныбжьыр илъэс 63-рэ ирокъу.
- Къалмыкъ Республикэм и унафэщIу щыта, Дунейпсо шахмат федерацэм и президенту лэжьа Илюмжинов Кирсан и ныбжьыр илъэс 57-рэ ирокъу.
- Урысей спортсменкэ, дуней псом боксымкIэ и чемпионкэ Рогозинэ Наталье илъэс 43-рэ ирокъу.
- Урысей биатлонист цIэрыIуэ, дунейми Олимп Джэгухэми я чемпион Волков Алексей и ныбжьыр илъэс 31-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 13 — 15, жэщым градуси 5 — 7 щыхъунущ.