2017-12-19
- БэнэкIэ хуит
- Ислъэмей щIалэхэм я ехъулIэныгъэ
- Усть-Кинельск къалэм дэт Самарэ къэрал мэкъумэш академием и спорткомплексым мы махуэхэм щекIуэкIащ СССР-м спортымкIэ и мастер Сурков Сергей и фэеплъу къызэрагъэпэща бэнэкIэ хуитымкIэ ХХ урысей- псо ныбжьыщIэ зэхьэзэхуэ. Абы хэтащ Ислъэмей жылагъуэм щыIэ «Вымпел» спорт клубым и гъэсэнхэр икIи медаль зэмылIэужьыгъуэу 5 къахьащ.
- Щыбэна гупхэм нэхъ лъэщу къыщыщIэкIащ Улымбащ Аслъэнбэчрэ (кг 35-рэ) Емзэш Ислъамрэ (кг 42-рэ). Дыжьын медалыр зыIэригъэхьащ зи хьэлъагъыр килограмм 35-м нэблагъэ Шыгъэлыгъуэ Айдэмыр. А гуп дыдэм ещанэ щыхъуащ Шыгъэлыгъуэ Къантемыр. Иджыри зы жэз медаль къихьащ килограмм 42-рэ зи хьэлъагъ Къуэдзокъуэ Му-рат.
- «Техникэ нэхъыфI» къызэригъэлъэгъуам папщIэ саугъэт щхьэхуэ къыхуагъэфэщащ Емзэш Ислъам.
- Спортсмен ныбжьыщIэхэр ягъасэ тренерхэу Елмэс Аслъэнрэ Мэршэнкъул Тимуррэ.
- КЪЭХЪУН Бэч.
- Алыдж-урым бэнэкIэ
- Мамбэт Михаил и цIэкIэ
- Шэджэм къалэм дэт Спортым и уардэунэм щекIукIащ район администрацэм и япэ Iэтащхьэу щыта Мамбэт Михаил и фэеплъу къызэрагъэпэща алыдж-урым бэнэкIэмкIэ еханэ республикэ зэхьэзэхуэ.
- Абы хэтащ КъБР-м и щIыналъитхум къикIа бэнакIуэ 60-м щIигъу. Зэпеуэхэр щекIуэкIащ я хьэлъагъ елъытауэ ягуэша гуп 11-м. Псори зэхэту саугъэт фондыр сом мин 60 хъууэ щытащ.
- Зэхьэзэхуэр къыщызэIуахым хэтащ КъБР-м и Парламентым и депутатхэр, щIыпIэ унафэщIхэр, спорт зэгухьэныгъэхэм я Iэтащхьэхэр, Мамбэтым и унагъуэмрэ Iыхьлыхэмрэ.
- ЗэIущIэ дахэ къагъэлъэгъуэну, я спорт зэфIэкIхэм хагъэхъуэну спортсменхэм ехъуэхъуащ Шэджэм щIыналъэ администрацэм и Iэтащхьэ ТекIушэ Артур, Севастополь къалэм и Балаклавскэ районым и Советым и унафэщIым и къалэнхэр зыгъэзащIэ Бабошкин Ев-гений, КъБР-м спортымкIэ министрым и къуэдзэ Хэжь Заур, КъБР-м и Парламентым и депутат Мэремыкъуэ Арсен, Мамбэт Михаил и щхьэгъусэ Фузэрэ и къуэш Валерийрэ.
- АдэкIэ зэхьэзэхуэхэм щIадзащ. Гуп зэпеуэм пашэ щыхъуащ Шэджэм щIыналъэм и бэнакIуэхэр. Абыхэм къакIэлъокIуэ Дзэлыкъуэ районым и лIыкIуэхэр. Шэ-рэдж щIыналъэм къикIа спортсменхэр ещанэщ.
- Зэхьэзэхуэм щытекIуахэмрэ къыщыхэжаныкIахэмрэ кубокхэр, медалхэр, щIыналъэ администрацэм и грамотэхэр, Мамбэт Михаил и унагъуэм ягъэува ахъшэ саугъэтхэр иратащ.
- МЭЗКУУ Къан.
- Спартакиадэм хохьэ
- Урысейм Тезырхэр егъэпшынынымкIэ и федеральнэ къулыкъум и IуэхущIапIэу КъБР-м щыIэм щекIуэкIащ тутнакъэщхэм я лэжьакIуэхэм я спартакиадэм хиубы-дэу къызэрагъэпэща баскетболымкIэ зэхьэзэхуэ. Абы хэтащ командэу 8
- КIэух зэпеуэхэр щызэхэтащ Налшык къалэм и «Гладиатор» спорт IуэхущIапIэм. Зэхьэзэхуэм бжьыпэр щиубыдащ ИК-3-м и гупым. ЕтIуанэ увыпIэр лъысащ Управленэм и аппартым и командэм, ещанэ хъуащ уголовнэ-гъэзэщIакIуэ инспекцэм баскетболистхэр.
- ТекIуахэм щIыхь тхылъхэр иратащ.
- — Мыпхуэдэ Iуэхухэр хуэунэтIащ УИС-м и лэжьакIуэхэр спортым дегъэхьэхыным. Ахэр сыт и лъэныкъуэкIи псыхьауэ щытын, я зэфIэкIым хагъэхъуэн хуейщ я къалэнхэм пэлъэщын папщIэ, — жиIащ Управленэм ОК-мрэ РЛС-мрэ я IэщIагъэм хуэгъэхьэзырынымкIэ и гупым и инспектор Дэхъу Мурат.
- КъБР-м щыIэ УФСИН-м и пресс-IуэхущIапIэ.