ЛIыгъэм и дерсхэр ирагъэкIуэкI
2022-05-12
- УФ-м и Лъэпкъ гвардием и управленэу КъБР-м щыIэм ведомствэм щIэмыт и хъумакIуэ къудамэм и лэжьакIуэхэм-рэ дзэ къулыкъур езыхьэкIхэмрэ лIыгъэм и дерс драгъэкIуэкIащ Бахъсэн къалэм дэт, ЩоджэнцIыкIу А. и цIэр зезыхьэ курыт еджапIэ №2-м гвардейцхэм я нэIэ тету иIэ классым щIэсхэм.
- ХьэщIэхэр кадетхэм яхутепсэлъыхьащ Хэку зауэшхуэм и илъэсхэм «Совет Союзым и ЛIыхъужь» цIэр зыхуагъэфэща ди лъахэгъухэм, апхуэдэуи я ведомствэм къулыкъур щезыхьэкIа, и къалэныр игъэзащIэу хэкIуэда сержант нэхъыжь Джэху Альберт и къекIуэкIыкIам.
- «Нобэ къулыкъу зыщIэхэм, Хэку зауэшхуэм и илъэсхэм я пщэ къыдэхуа гугъуехьышхуэхэм лIыгъэ яхэлъу пхыкIа ди нэхъыжьхэм я фэеплъым пщIэ хуащIу, лIыгъэ яхэлъу ягъэза- щIэ ди республикэмрэ къэралымрэ мамырыгъэр щыхъумэным хуэунэтIа я къалэныр», — жиIащ ведомствэм щIэмыт хъумакIуэ IэнатIэм и лэжьакIуэ, полицэм и лейтенант нэхъыжь Надзырэ Азэмэт.
- ЗэIущIэм и кIэухыу школым и унафэщIым Урысей гвардием и лIыкIуэхэм фIыщIэ яхуищIащ къытщIэхъуэ щIэблэр хэкуп- сэу гъэсэным жыджэру зэрыхэтым папщIэ.
- Дыгулыбгъу Жантинэ.