Къалэм псэщIэ къыхагъэхьэу
2022-05-05
- Гъатхэм дунейр дощIэращIэ. Гъэм и зэман нэхъ дахэ дыдэ зыхужыпIэкIэ ущымыуэну пIалъэм ирохьэлэ къалэм дэт псыутххэр щыщIагъэнэжри. Мэлыжьыхьым и 27-м, гуфIэгъуэ щытыкIэм иту ЗэгурыIуэныгъэм и утым и деж ахэр къыщызэIуахыжащ.
- Иужьрей илъэсхэм дызыхэт гугъусыгъум иригъэзэша цIыхухэр уэру къызэхуэсат. Абыхэм я нэгум иплъагъуэрт гуфIэгъуэрэ дэрэжэгъуэрэ, щIэщыгъуэ гуэр я псэукIэм къызэрыхэхуам гурыфIыгъуэ хахыу. Утыкум щызэблэкIырт художественнэ самодеятельностхэм хэт артист цIыкIухэр. Лъэпкъ зэмылIэужьыгъуэхэм я къафэхэр зэрагъэзащIэм къинэмыщIауэ, адэ-мыдэкIэ щыплъагъурт къызыхэкIам и фащэр иригушхуэу зыщыгъ нэхъыжьыфIхэри ныбжьыщIэхэри.
- Правительствэм и Унэмрэ ЩоджэнцIыкIу Алий и цIэр зезыхьэ Къэбэрдей къэрал драмэ театрымрэ я зэхуаку дэт утыкум ита артист ныбжьыщIэхэм еплъхэм я гупэр театрым и лъэныкъуэмкIэ гъэзати, псыутххэр зэрыщIагъанэу, ар занщIэу я нэгум къыIуидзат. Iуэхум Iэгуауэшхуэр хуаIэтат, щIэщыгъуэ гуэркIэ абы зэрыщы- гугъри я нэгум къыумыджыкIыуи къанэртэкъым.
- Зэманыр хэкIуэтэху утыкум щызэхуэсахэр зэбгрыкIыжакъым. Зыгуэр кIуэжми нэгъуэщI зыгуэрхэр къакIуэурэ жэщыбг хъуху цIыхуншэ хъуакъым ЗэгурыIуэныгъэм и утыр.
- Гъагъэ, ефIакIуэ, Налшык!
- БЛИЙ Даянэ.
- Сурэтхэр Къарей Элинэ трихащ.