ШкIэжь Дамир дыдэвгъэIэпыкъу
2020-07-23
- Сэ си цIэр Дамирщ. Илъэсий сохъу. Илъэсрэ ныкъуэ ипэкIэ лейкоз узыфэр сиIэу къахутащ. Си адэ-анэм ар гущIыхьэ ящыхъуащ, сэ узыр зыхуэзгъэшэчу сопсэу. Узыр зыгъэундэращхъуэ мастэр къысхамылъхьэу пункцие сащIащ, ауэ сэ зэи сыгъакъым. Гугъэ, гушхуэныгъэ къысхилъ-хьэу си адэр сытым дежи сщIыгъут. Унэм къыщыспэплъэрт си анэмрэ си къуэш нэхъыщIэ цIыкIу Iэдэмрэ.
- НэхъыфI сыкъэхъужри, сыузыншэу, къызэрыгуэкI сабийхэм хуэдэу жыгхэм сыдэпщейуэ, си ныбжьэгъухэм садэджэгуу, гъащIэм сыщыгуфIыкIыу сыпсэу хъуну къыщызжаIэм, псчэн щIэздзащ. Ар узым дезгъэкIуэкI бэнэныгъэщIэм и щIэдзапIэт. Узым къытригъэзэжат. Си бгъэм шыкъыр (опухоль) хэту къагъуэтащ. Хуиту сыбэуэфыркъым къыщыскIухькIэ, сыщыжейкIэ, сыщыпсэукIэ…
- Си адэ-анэм Истамбыл дэт «Медиполь» сымаджэщым къыщызагъэIэзэну сыкъашащ. Мыр сыт и лъэныкъуэкIи зыхуей хуэгъэза- уэ къызэгъэпэща сыма-джэщщ, ауэ я Iуэхутхьэбзэхэр пщIэншэкъым, уасэхэр лъапIэщ. Си адэ-анэр мылъкукIэ абы пэлъэщынукъым, абы къыхэкIыу сыныволъэIу: лышх узыфэм сытекIуэнымкIэ, псэууэ сыкъелынымкIэ фыкъыздэIэпыкъу! Сэ сылъэщщ! Узыфэ минхэр зыхуэзгъэшэчыфынущ, си гъащIэм адэкIэ къыпищэну сщIэ-
- мэ. Сымаджэщым сом мелуани 10 еттын хуейщ. СыныволъэIу а ахъшэр зэхуэтхьэсынымкIэ фыкъыддэIэпыкъуну. Сэ ин сыхъумэ, доху-
- тыру седжэнущ, узыфэ псоми сапэщIэту сылэжьэнущ.
- Донор схуэхъунущ си къуэш нэхъыщIэ цIыкIу Iэдэм. Абы и ныбжьыр илъэсрэ ныкъуэрэ хъуауэ аращ, ауэ абыи сэ схуэдэу лIыгъэ хэлъщ.
- ПщIэ къыфхуэзыщI ШкIэжь Дамир.
- Ди жагъуэ зэрыхъунщи, Дамир и узым зеубгъу, ар щIалэ цIыкIум и теплъэмкIи нэрылъагъу хъуащ. ШкIэжь Дамир дэIэпыкъуэгъу хуэхъуну хуейхэм Сбербанкым и картэм ахъшэ ирагъэхь хъунущ: 4817 7602 4990 8017. Картэр Дамир и анэ ШкIэжь Мадинэ Хьэсэн и пхъум и цIэкIэ тхащ.