Мы махуэхэм
2018-10-04
- Жэпуэгъуэм и 4, махуэку
- Псэущхьэхэр хъумэным и дунейпсо махуэщ
- ЦIыхубэм я дежкIэ Хьэрш лъэхъэнэм щыщIидза махуэщ, Астронавтикэм и дунейпсо федерацэм 1967 гъэм игъэувауэ. 1957 гъэм жэпуэгъуэм и 4-м СССР-м дунейм щыяпэу ЩIым и IэрыщI спутникыр хьэршым иутIыпщащ.
- Урысейм и Дзэ-Хьэрш къарухэм я махуэщ
- УФ-м и МЧС-м граждан зыхъумэжыныгъэмкIэ и дзэхэм я махуэщ
- 1904 гъэм къызэрагъэпэщащ «Гётеборг» (Швецие) футбол командэр.
- 1910 гъэм Португалиер республикэ зэрыхъуам теухуа унафэ къащтащ.
- 1916 гъэм и лъабжьэр ягъэтIылъащ Романов-на-Муроме къалэм. Совет властыр ува нэужь абы и иджырей цIэр — Мурманск — фIащащ. 1985 гъэм абы Къалэ-ЛIыхъужь цIэр фIащащ.
- 1921 гъэм РСФСР-м и Къэрал банкыр къызэрагъэпэщащ.
- 1976 гъэм Ипщэ Уралым щыяпэ еджапIэ нэхъыщхьэр — Челябинск дэт къэрал университетыр — къызэIуахащ.
- 1986 гъэм «Iуащхьэма-хуэ лъапэ» къэрал лъэпкъ паркыр къызэрагъэпэщащ.
- Франджы усакIуэ, политик, «Интернационал» гимным и псалъэхэр зытха Потье Эжен къызэралъхурэ илъэс 202-рэ ирокъу.
- Совет режиссёр, актёр, сценарийхэр зытх, СССР-м и цIыхубэ артист, Урысей Федерацэм и Къэрал саугъэтыр зрата Хуциев Марлен и ныбжьыр илъэс 93-рэ ирокъу.
- Журналист, «Адыгэ псалъэ» газетым и лэжьакIуэ Къумахуэ Аслъэн и ныбжьыр илъэс 61-рэ ирокъу.
- «Адыгэ псалъэ» газетым жэуап зыхь и секретарь Къаншокъуэ Эллэ къыщалъхуа махуэщ.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, уэшх тIэкIу къыщешхынущ. Хуабэр махуэм градус 17 — 21-рэ, жэщым градуси 8 — 12 щыхъунущ.
- Жэпуэгъуэм и 5, мэрем
- ЕгъэджакIуэм и дунейпсо махуэщ
- УФ-м и уголовнэ розыскым и лэжьакIуэм и махуэщ
- Адыгэ Республикэр къыщызэрагъэпэща махуэщ
- Таджикистаным и къэралыбзэм и махуэщ
- 1914 гъэм япэу уэгум щызэзэуащ. Абы щызэрихьэлIат франджыхэмрэ нэмыцэхэмрэ я кхъухьлъатэ зырыз.
- 1917 гъэм Владикавказ, Налшык округхэм я лIыкIуэу Советхэм я II урысейпсо съездым ягъэкIуат Киров Сергей.
- 1929 гъэм СССР-м щыяпэу Ленинград къыщызэIуахат макъри щIэту фильмхэр щыбгъэлъагъуэ хъуну кинотеатр.
- 1991 гъэм СССР-м Дунейпсо валютэ фондым дэлэжьэным теухуауэ япэ зэгурыIуэныгъэр ирищIылIащ.
- Урысей актрисэ, СССР-м и цIыхубэ артисткэ, Урысейм и Къэрал саугъэтыр тIэунейрэ зыхуагъэфэща Чуриковэ Иннэ и ныбжьыр илъэс 75-рэ ирокъу.
- Актёр цIэрыIуэ, кинорежиссёр, Урысей Федерацэм, Приднестровье Молдавие Республикэм я цIыхубэ артист Михайлов Александр и ныбжьыр илъэс 74-рэ ирокъу.
- Таджикистан Республикэм и президент (1992 гъэм къыщыщIэдзауэ) Рахмонов Эмомали и ныбжьыр илъэс 66-рэ ирокъу.
- Адыгэ Республикэм къыщалъхуа совет спортсмен цIэрыIуэ, спортым щIыхь зиIэ и мастер, 1976 гъэм Монреаль (Канадэ) щекIуэкIа Олимп джэгухэм дзюдомкIэ чемпион щыхъуа Невзоров Владимир и ныбжьыр илъэс 66-рэ ирокъу.
- Генерал-лейтенант, УФ-м и ВВС-м и командующэм и къуэдзэу щыта, техникэ щIэныгъэхэм я кандидат, Урысей Федерацэм дзэ хуэIухуэщIэхэмкIэ щIыхь зиIэ и IэщIагъэлI Быж Айтэч и ныбжьыр илъэс 68-рэ ирокъу.
- Тхыдэ щIэныгъэхэм я доктор, КъБКъУ-м и профессор, КъБР-м и Къэрал саугъэтым и лауреат, ДАХ-м и тхьэмадэу 2006 — 2009 гъэхэм лэжьа, республикэм гуманитар къэхутэныгъэхэмкIэ и институтым и унафэщI Дзэмыхь Къасболэт и ныбжьыр илъэс 61-рэ ирокъу.
- Совет волейболисткэ, 1980 гъэм Москва щекIуэкIа Олимпиадэм чемпионкэ щыхъуа Ахэмын Еленэ къыщалъхуа махуэщ.
- КъШР-м щIыхь зиIэ и журналист, «Ногай давысы» газетым и редактор нэхъыщхьэ Атуовэ Алтынай къыщалъхуа махуэщ.
- Шэшэн Республикэм и Iэтащхьэ (2007 гъэ лъандэрэ), Урысейм и ЛIыхъужь Кадыров Рамзан и ныбжьыр илъэс 42-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык уфауэ щыщытынущ, уэшх къыщешхынущ. Хуабэр махуэм градуси 8 — 9, жэщым градуси 2 — 3 щыхъунущ.