Мы махуэхэм
2017-12-21
- Дыгъэгъазэм и 21, махуэку
- Илъэсым къриубыдэу махуэр щынэхъ кIэщIщ, жэщыр щынэхъ кIыхьщ
- 1891 гъэм США-м и Спрингфилд къалэм дунейм щыяпэу баскетболымкIэ зэхьэзэхуэ щекIуэкIащ. А джэгу- кIэ лIэужьыгъуэр къигупсы- сат физкультурэмкIэ егъэджакIуэ Нейсмит Джеймс.
- 1899 гъэм Санкт-Петербург къыщыдэкIащ «Огонёк» журналым и япэ номерыр.
- 1913 гъэм «New York World» америкэ газетым дунейм щыяпэу кроссворд къытехуащ.
- 1944 гъэм ВКП(б)-м и обкомым унафэ къищтащ Дзэлыкъуэ, Куба, Налшык, Шэджэм, Прималкэ, Урожайнэ, Лэскэн районхэм газет къыщыдэгъэкIыным теухуауэ.
- 1991 гъэм Къэзахъстаным и къалащхьэ Алма-Ата Азербайджаным, Армением, Белоруссием, Къэзахъстаным, Къыргъызым, Молдовэм, Урысейм, Таджикистаным, Туркменистаным, Узбекистаным, Украинэм я Iэтащхьэхэм Iэ щытрадзащ Къэрал Щхьэхуитхэм я Зэгухьэныгъэм и хабзэхэр щыубзыхуа Декларацэм.
- 1994 гъэм Урысей телевиденэм и академием илъэс къэс ят «ТЭФИ» саугъэтыр игъэуващ.
- Парт, къэрал лэжьакIуэ, генералиссимус, Совет Союзым и ЛIыхъужь, Социалист Лэжьыгъэм и ЛIыхъужь, 1924 — 1953 гъэхэм СССР-м и унафэщIу щыта Сталин (Джугашвили) Иосиф къызэралъхурэ илъэси 138-рэ ирокъу.
- Дзэзешэ цIэрыIуэ, Совет Союзым и Маршал, Совет Союзым тIэунейрэ и ЛIыхъужь Рокоссовский Константин къызэралъхурэ илъэси 121-рэ ирокъу.
- Совет драматург, журналист, дзэ корреспондент, Сталиным и саугъэтыр зрата Вишневский Всеволод къызэралъхурэ илъэси 117-рэ ирокъу.
- ТхакIуэ, щIэныгъэлI Елмэс Iэулдин къызэралъхурэ илъэс 85-рэ ирокъу.
- Театрымрэ киномрэ я актрисэ цIэрыIуэ, РСФСР-м и цIыхубэ артисткэ Аросевэ Ольгэ къызэралъхурэ илъэс 92-рэ ирокъу.
- УФ-м и Къэрал Думэм и УнафэщIым и къуэдзэ, «Урысей зэкъуэт» Урысейпсо политикэ партым и Совет Нэхъыщхьэм и секретарь Неверов Сергей и ныбжьыр илъэс 56-рэ ирокъу.
- Къэрал къулыкъущIэ, УФ-м финансхэмкIэ и министрым и къуэдзэу лэжьа, щIэныгъэ зэгухьэныгъэхэм я федеральнэ агентствэм и унафэщI Котюков Михаил и ныбжьыр илъэс 41-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык уфауэ щыщытынущ, уэшх къыщешхынущ. Хуабэр махуэм градуси 2 — 3, жэщым градус 1- 2 щыхъунущ.
- Дыгъэгъазэм и 22, мэрем
- Энергетикым и махуэщ
- Урысей Федерацэм и Пенсэ фондыр (1990 гъэм) къыщызэрагъэпэща махуэщ
- Украинэм и дипломатие къулыкъум и лэжьакIуэхэм я махуэщ
- 1790 гъэм Суворов Александр зи пашэ урысыдзэм Измаил тырку быдапIэр къищтащ. Уэсман пащтыхьыгъуэмрэ Урысеймрэ Яссы къалэм (а зэманым Молдавием щыщу щытащ, иджы Румынием хохьэ) 1791 гъэм дыгъэгъазэм и 29-м щызэращIылIауэ щыта зэгурыIуэныгъэм ипкъ иткIэ быдапIэр Тыркум иратыжауэ щытащ.
- 1857 гъэм Урысей империем и Пощт департаментым унафэ къищтащ япэ пощт маркэхэр къэралым къыщагъэсэбэпыным теухуауэ. Япэ урысейпсо пощт маркэм щаитI и уасэт, и тиражыр мелуанищ хъурт.
- 1920 гъэм Советхэм я VIII съездым къыщащтащ Урысейр электрификацэ щIы-ным теухуа къэрал планыр (ГОЭЛРО).
- 1938 гъэм Африкэм и ипщэ щIыпIэм къыщаубыдауэ щытащ дунейм щынэхъ жьы дыдэу къалъытэ латиме-риер, метррэ ныкъуэрэ зи кIыхьагъ бдзэжьей дыжьыныфэ-щхъуафэр.
- 1965 гъэм Сингапурыр республикэ хъуащ.
- 2001 гъэм Налшык къыщызэIуахащ Къэрал киноконцерт гъэлъэгъуапIэ.
- 2005 гъэм Москва щызэхэтащ Урысейм и Юристхэм я зэгухьэныгъэр къыщызэрагъэпэща зэIущIэ.
- Италием щыщ, дуней псом щыцIэрыIуэ композитор Пуччини Джакомо къызэралъхурэ илъэси 159-рэ ирокъу.
- Совет тхакIуэ, сценарист, сабийхэм папщIэ тхылъ куэд къыдэзыгъэкIа Успенский Эдуард и ныбжьыр илъэс 80 ирокъу.
- Гу дохутыр цIэрыIуэ, медицинэ щIэныгъэхэм я доктор, РАН-ми РАМН-ми я академик, УФ-м щIэныгъэмкIэ щIыхь зиIэ и лэжьакIуэ, Урысей Федерацэм и Къэрал саугъэтыр зыхуагъэфэща Бокерие Лео и ныбжьыр илъэс 78-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык уфауэ, къешх-къесу щыщытынущ. Махуэм хуабэр градуси 2 — 3, жэщым щIыIэр 1 градус щыхъунущ.