Къэбэрдей-Балъкъэрым и медицинэ IуэхущIапIэхэм IэмэпсымэщIэхэр къаIэрохьэ
2021-01-14
- КъБР-м узыфэ зэрыцIалэ нэхъ шынагъуэхэр зэфыкIхэм щеIэзэ и госпиталхэм щIэт диагностикэ Iэмэпсымэжьхэм я пIэкIэ щIэхэр къаIэрыхьащ.
- Рентген Iэмэпсымэхэр Май къалэм дэт «Севкаврентген-Д» заводым щащIащ. Ахэр щагъэув ХьэцIыкIу А. А. и цIэр зезы-хьэ ЩIыналъэ сымаджэщ нэхъыщхьэм, ММБ-м и Лэскэн къудамэм, Налшык СПИД узыфэм ебэнынымкIэ и центрым.
- Иджырей Iэмэпсымэ лъэщхэм Iэмал къатынущ сымаджэм и узыр нэхъ псынщIэу, щыуагъэншэу къахутэнымкIэ. Аппаратхэм я ефIэкIыныгъэхэм ящыщщ ахэр рентгенографиеми флюорографиеми папщIэ къызэрагъэсэбэпыр, абыхэмкIэ трахахэр тумыгъэкIыжу бгъэтIылъ зэрыхъур, гъуджэм къигъэлъэгъуар узыхуей щIыпIэм электрон IэмалкIэ ебгъэхьыну иджы Iэмал зэрыщыIэр.
- Апхуэдэуи рентгеноскопие IэзэкIэм хуэщIа Iэмэпсымэхэр ММБ-м и Нарткъалэ къудамэми, Налшык дэт къалэ клиникэ сымаджэщ №1-ми, Республикэ сабий клиникэ сымаджэщми щагъэувынущ.
- Iэмэпсымэхэм псори зэхэту сом мелуан 92-рэ хуэдиз хуозэ. Ахэр къэрал бюджетым къахуиутIыпщащ.
- ДЖАТЭ Къантемыр.