ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

КъБР-м

 И ПАРЛАМЕНТЫМРЭ ПРАВИТЕЛЬСТВЭМРЭ

Я ГАЗЕТ

сайт газеты «Адыгэпсалъэ»

2006 гъэм гъатхэпэм и 16

газетыр 1924 гъэм и мэкъуауэгъуэ мазэм и 1 лъандэрэ къыдокI

ХЪЫБАРЫЩIЭХЭР

ТХЫДЭ

ХЪЫБАРЕГЪАЩIЭ

ТХЫГЪЭХЭР

АРХИВЫР

english

адыгэбзэ

русский

Ди къуэш республикэхэм

Фэтэрхэр ират

   Мейкъуапэ. Урысей Федерацэм и правительствэм и унафэщI Фрадков Михаил унафэ къыдигъэкIащ Адыгейм щыщу псыдзэм илъэситI и пэкIэ насыпыншагъэ къызыхуихьа унагъуэ 66-м щхьэкIэ щIыпIэ правительствэм псэупIэ сертификатхэр хуаутIыпщыну.

   Дызэрыт илъэсым фэ­тэрыщIэхэр иратынущ насыпыншагъэ къыщыхъуа Джы­джэ, Куэшхьэблэ, Мейкъуапэ, Теучэж, Щоджэн районхэм, Мейкъуапэ къалэм щыпсэу уна­гъуэ зыбжанэм.

Сымаджэщхэр къагъэщIэрэщIэж

   2005 гъэм щыщIэдзауэ Адыгейм и бюджетым къы­хэкIыу сом мелуан 70 щIыпIэ медицинэм хуаутIыпщащ. Псалъэм папщIэ, иужьрей илъэс 20-м къриубыдэу Мейкъуапэ дэт сымаджэщхэр ремонт ящIакъым, оборудованэхэр иджырей зэманым къезэгъ IэмэпсымэхэмкIэ яхъуэ­жакъым.

   Иджы къалэ сымаджэщым дэт аптекэр мы махуэхэм къагъэщIэрэщIэжащ, зыхуей-зыхуэфIхэмкIэ къызэрагъэпэщащ. Абы трагъэкIуэдащ сом мелуаным щIигъу. Иджыпсту ремонт лэжьыгъэхэр щокIуэкI сымаджэщым и отделенэ щхьэхуэхэм.

   “ЦIыхухэм зэманым къезэгъ медицинэ IэмэпсымэщIэ­хэмкIэ деIэзэну Iэмал дгъуэтащи, абы дыщогуфIыкI”, - жаIэ дохутырхэмрэ медсестрахэмрэ.

Нэгъуейхэм я зэхуэс

   Черкесск. Къэрэшей-Шэрджэсым щыпсэу нэгъуейхэм я лъэпкъ зэхуэс иджыблагъэ екIуэкIащ.

   “Интерфаксым” къызэ­ри­там­кIэ, нэгъуейхэм я еп­лIанэ лъэпкъ зэхуэсым къри­хьэлIахэм къаIэтар зы Iуэху­гъуэщ - Къэрэшей-Шэрджэсым Нэгъуей район къыщы­зэра­гъэпэщынырщ.

Джэдкъаз гриппыр нэсакъым

   Джэдкъаз гриппым щхьэкIэ вакцинэхэр Къэрэшей-Шэр­джэсым къыщысынур гъатхэпэм и 17-рщ. Ветерина­риемкIэ и управленэм къы­зэритамкIэ, республикэм вакцинэ дозэу 1200 000-рэ къыIэрыхьэнущ.

   Республикэм и санэпидемстанцым и пресс-секретарь Покровская Еленэ журналистхэм яжриIащ джэдкъаз гриппыр щIыналъэм зэры­щымыIэр, махуэ зыбжанэ и пэ псы Iуфэм лIауэ къыщагъуэта губгъуэ бабыщхэр щIы­махуэ щIыIэм иукIауэ зэрыарар.

   Ветеринархэм я лэжьыгъэр дагъуэншэу ягъэзэщIэн пап­щIэ, щIыпIэ правительствэм ахъшэ яхуиутIыпщащ.

Хуэмейуэ къалъытэ

   Сыхъум. Абхъазым и правительствэм и унафэкIэ     иджыблагъэ ягъэкIуэдыжащ республикэм и къэрал автоинспекцэр (ГАИ).

   Иджы гъуэгум тет автомобилхэр къэзыпщытэнур Iэщэ­кIэ зэщIэузэдауэ щытыну военно-патруль гупхэрщ. Ап­хуэдэуи милицэ постхэр ягъэ­быдэнущ.

Хьэщыкъуей Олег.

Ныбжьыщ1эхэр зэроц1ыху

   УФ-м и илъэс Китайм зэры­щрагъэкIуэкIым теухуауэ гъатхэпэм и 15 - 25 махуэхэм Урысеймрэ Китаймрэ я щIа­лэгъуалэм и фестиваль щызэхэтынущ Пекин, Ханчжоу, Шэньчжень къалэхэм.

   Ди республикэм и лIыкIуэу а фестивалым ирагъэблэгъащ КъБКъУ-м и “Амикс” уэрэдым и театр гупым и унафэщI Къул Амиррэ университетым и студентищрэ. Щэнхабзэ зэIущIэм хэтыну ныбжьыщIэхэр къыщыхахым ахэр еджэныгъэм зэре­хъулIэри творческэ зэфIэкIыу яIэри къалъытащ.

   Фестивалым утыку къыщрахьэнущ адыгэхэмрэ балъкъэрхэмрэ я щэнхабзэм щыгъуазэ ухуэзыщI гъэлъэгъуэныгъэхэр; уэрэдхэр, къафэхэр щагъэзэ­щIэнущ, апхуэдэуи урысей-китай зэхущытыкIэхэм теухуа я Iуэху еплъыкIэхэр щыжаIэ зэпсэлъэныгъэхэр ирагъэкIуэ­кIы­нущ.

   Фестивалым и мурад нэхъыщхьэр къэрал щхьэхуэхэм щыпсэу ныбжьыщIэхэр зэрыгъэцIыхунырщ, абыхэм я зэпыщIэныгъэм зегъэужьынырщ, щIалэ­гъуалэ политикэм лъабжьэ быдэ иIэн папщIэ Урысеймрэ Китаймрэ къагъэсэбэп Iэмал­хэм­кIэ, лэжьыгъэ и пIалъэкIэ зэхъуэжэнырщ.

Тхьэхущынэ Ланэ.

Зэф1ах Iуэхугъуэм хагъахъуэ

   Ди пщэрылъхэми, ди хуитыныгъэхэми фIыуэ дызэрыщымыгъуазэм, къэралым щызе­кIуэ хабзэхэм тэмэму зэрыхэ­д­мыщIыкIым ди Iуэхур къе­лъахъэ жызыIэ куэд урохьэлIэ. ИкIи ар пэжу къыщIэкIынущ.

   А щыщIэныгъэр ягъэзэ­кIуэжын мурадкIэ, 1998 гъэ лъандэрэ ди къэралым лэ­жьыгъэшхуэ щокIуэкI хабзэ и лъэныкъуэкIэ къэпщIэну узыхуейр къыщыбгъуэтын центрхэр къызэIухыным теухуауэ. Нэхъыбэу ар къыщызэрагъэпэщри цIыху кIуапIэу щыт библиотекэхэращ.

   КъБР-м и Лъэпкъ библиотекэм къыщызэIуаха “Центр правовой информации” жы­хуиIэм а Iуэхум хуэIэкIуэ­лъакIуэу цIыхуиплI щолажьэ. Ахэр хьэзырщ цIыхур зы­щIэуп­щIэ дэфтэрыр къыхуа­гъуэтыну, тхылъымпIэм е дискетэм тедзауэ иратыну.

   УзыщIэс унэр ууей зэрып­щIынум, псэупIэм техуэ ахъшэр зыхуэдизым, льготэу щы­Iэхэр зыхуэдэм, нэгъуэщI къи­нэмыщI куэдми я жэуап мы Центрым къыщагъуэтынущ.

   Центрым щIэупщIэ зэриIэ­нум и щыхьэтщ нэгъабэ и закъуэ абы студентми, пенсионерми, хабзэхъумэ IуэхущIа­пIэ­хэм щылажьэми цIыху 4500-рэ зэрекIуалIэр.

Исхьэкъ Лианэ.

Гъуэрдэгъуэжь зэкъуэшхэм я уэрам

   ХьэтIохъущыкъуей (Къыз­­брун 1-нэ) къуажэм щыщ Гъуэрдэгъуэжь зэ­къуэшищыр Хэку зауэшхуэм хэкIуэдащ. Иджы абыхэм я фэеплъу ахэр зытеса уэрамым зэкъуэшхэм я цIэр фIащащ.

   Зауэмрэ лэжьыгъэмрэ, хабзэхъумэ IэнатIэхэм я ветерахэм, къуажэдэсхэм Iуэху гуа­пэр зи жэрдэм къуажэ администрацэм фIыщIэ хуащI.

Бекъалды Илья.

Мэремым – Нарткъалэ щэбэтым – Налшык

   Налшык и «Спартакымрэ» Москва и ЦСКА-мрэ я зэ­IущIэр щыщыIэну зэманыр кIэухыу яубзыхуащ.

   Къэралым и чемпионхэр хущIэкъуащ командэ нэ­хъыщ­хьэри дублерхэри зы махуэм - гъатхэпэм и 18-м - ягъэджэгуну. Ар къыхуадаи хуэдэт, ди «Спартакри» арэзыт. АрщхьэкIэ иужькIэ Урысейм и Футбол Зэгухьэны­гъэм и унафэщIхэр щIегъуэжащ икIи зэхьэзэхуэр зэ­ры­ра­гъэкIуэкI регламентым зэхъуэкIыныгъэ хамылъхьэну мурад ящIащ. Абы къызэригъэувымкIэ, командэ нэ­хъыщхьэхэр щыджэгунум и пэ къихуэ махуэм абыхэм я дублерхэр зэIущIэн хуейщ.

   Аращи, гъатхэпэм и 17-м сыхьэтыр 15-м Нарткъалэ и­ «Химик» стадионым Налшык и «Спартакымрэ» Москва и ЦСКА-мрэ я дублерхэр щызэдэджэгунущ. Щэбэтым сыхьэтыр 16-м Къэбэрдей-Балъкъэрым и къалащхьэм ди командэм къэралым и чемпионхэр къыщригъэблэгъэнущ. Абы и пэ сыхьэт ныкъуэкIэ зэхьэзэхуэр гуфIэгъуэкIэ къызэIуахынущ, концерти ятынущ.

Жыласэ Заур.

ЗэIущIэхэр

Иджыблагъэ ди республикэм щыхьэщ1э, Дуней псом къыщац1ыхуа сурэтщ, скульптор ц1эры1уэ Шемякин (Къардэн) Михаилрэ ди лъэпкъ интеллигенцэмрэ я зэ1ущ1э Къэрал концерт гъэлъэгъуап1эм щызэхэтащ.

Шемякин Михаил фэеплъ тыгъэ хуащ1.

Сурэтыр МАМИЙ Руслан трихащ.

Сурэтыщ1 Шемякин Михаил къыщрагъэблагъэм.

Сурэтыр МАМИЙ Руслан трихащ.

ссылки

ГАЗЕТЫМ И ЛЭЖЬАКIУЭХАР

къыдэкIыгъуэхэр

Copyright © 2005 Buch e-mail: [email protected]