ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

КъБР-м

И ПАРЛАМЕНТЫМРЭ ПРАВИТЕЛЬСТВЭМРЭ

Я ГАЗЕТ

сайт газеты «Адыгэпсалъэ»

2007гъэм бадзэуэгъуэм (июлым) и19

(№138 - 139)

газетыр 1924 гъэм и мэкъуауэгъуэ мазэм и 1 лъандэрэ къыдокI

ХЪЫБАРЫЩIЭХЭР

ТХЫДЭ

ХЪЫБАРЕГЪАЩIЭ

ТХЫГЪЭХЭР

АРХИВЫР

english

адыгэбзэ

русский

Правительственнэ телеграммэ

Къэзахъстан Республикэ, Акмолинскэ область, Аршалинскэ район,

Ижевскэ жылагъуэ «Ижевский» ПК-м и генеральнэ директор

Жангуразов И. Д. деж

ПщIэ зыхуэтщI Ибрэхьим Даут и къуэ!

Уи гъащIэм и лъэхъэнэ гъуэзэджэмкIэ - укъызэралъхурэ илъэс 70 узэрырикъуамкIэ гуапэу сынохъуэхъу. Уэ къэпкIуа гъащIэ гъуэгуанэр Iуэхум фIыщIэ пылъу хуэлэжьэным и щапхъэщ. ЩIыхь зыпылъ уи юбилейм уэ урохьэлIэ гуапагъэ пхэлъу, уи къару илъыгъуэу, хозяйствэ лэжьакIуэ цIэрыIуэу ущыту. Къэбэрдей-Балъкъэрым щыщыгъуазэщ уи ехъулIэныгъэ инхэм, я хэкуэгъу цIэрыIуэм щрогушхуэ.

Мы махуэм сынохъуэхъу, пщIэ зыхуэтщI Ибрэхьим Даут и къуэ, узыншагъэфI, зэIузэпэщыныгъэ уиIэну, уи Iуэхухэми, гъащIэми ехъулIэныгъэ ущиIэну.

ПщIэ къыпхуищIу,

Къэбэрдей-Балъкъэр Республикэм и Президент

Къанокъуэ Арсен

Къэбэрдей-Балъкъэр Республикэм и Парламентым деж щыIэ

ЩIалэгъуалэ палатэм хэтхэм ятеухуауэ

Къэбэрдей-Балъкъэр Республикэм и

Парламентым и Унафэ

Къэбэрдей-Балъкъэр Республикэм и Парламентым деж щыIэ ЩIалэгъуалэ палатэм теухуа Положенэм и 5.2 пунктым ипкъ иткIэ, Къэбэрдей-Балъкъэр Республикэм и Парламентым унафэ ещI:

1. Къэбэрдей-Балъкъэр Республикэм и Парламентым деж щыIэ ЩIалэгъуалэ палатэм хэтхэр къэщтэн, гуэдзэным ипкъ иткIэ.

2. Къэбэрдей-Балъкъэр Республикэм ЩэнхабзэмкIэ, спортымкIэ, туризмэмкIэ, цIыхубэ хъыбарегъащIэ IэнатIэхэмкIэ и комитетым къызэригъэпэщын хуейщ Бахъсэн, Прохладнэ къалэ округхэм, Дзэлыкъуэ, Аруан, Iуащхьэмахуэ муниципальнэ районхэм къыхэкIыу Къэбэрдей-Балъкъэр Республикэм и Парламентым деж щыIэ ЩIалэгъуалэ палатэм аргуэру хагъэхьэнухэр къыхэхыныр.

3. Мы Унафэм къару егъуэт ар къыщащта махуэм щыщIэдзауэ.

Къэбэрдей-Балъкъэр Республикэм и Парламентым и УнафэщI

Бечелов Ильяс

Налшык къалэ

2007 гъэм бадзэуэгъуэм и 10-м

№1201-П-П

«Къэбэрдей-Балъкъэр Республикэм и Парламентым деж щыIэ ЩIалэгъуалэ палатэм хэтхэм я IуэхукIэ» Къэбэрдей-Балъкъэр Республикэм и Парламентым 2007 гъэм бадзэуэгъуэм и 10-м къищта унафэ №1201-П-П-м и гуэдзэн

Къэбэрдей-Балъкъэр Республикэм и

Парламентым деж щыIэ

ЩIалэгъуалэ палатэм хэтхэр

Республикэ жылагъуэ организацэхэм я лIыкIуэхэр

1. Абшаев Алий Магомет и къуэр - Балъкъэр лъэпкъым и «Алан» Къэбэрдей-Балъкъэр республикэ жылагъуэ организацэ

2. Iэпщэ Саидэ Аслъэнбэч и пхъур - Адыгэ лъэпкъым и «Адыгэ Хасэ» Къэбэрдей-Балъкъэр республикэ жылагъуэ организацэ

3. Геккиев СулътIан Заур и къуэр - «ЩIалэгъуалэм я IуэхухэмкIэ институт» жылагъуэ организацэ

4. Ковалевэ Алинэ Николай и пхъур - «Патриот» жылагъуэ организацэ

5. Сапрунов Юрий Юрий и къуэр - «Тэрч-Малкэ къэзакъ округ» жылагъуэ организацэу Къэбэрдей-Балъкъэр Республикэм и щIыналъэм щыIэ

6. Шыпш Аслъэн Мухьэмэд и къуэр - «Перспективэ» Къэбэрдей-Балъкъэр жылагъуэ щIалэгъуалэ организацэ

ЩIыпIэ жылагъуэ организацэхэм я лIыкIуэхэр

1. Алехинэ Маринэ Михаил и пхъур - «Налшык къалэ цIыхубзхэм я совет» жылагъуэ организацэ

2. Жанкишиев Вадим Жагъэфар и къуэр - «Къэбэрдей-Балъкъэр Республикэм хыхьэ Шэджэм районым и щIалэгъуалэм я союз» жылагъуэ организацэ

3. Къудалы Ланэ Мухьэмэд и пхъур - «Джулат» Тэрч район жылагъуэ щIалэгъуалэ организацэ

4. Лу Азэмэт Хьэсен и къуэр - «Налшык къалэм и щIалэгъуалэм я союз» жылагъуэ организацэ

5. Моллаев Расул Сэлихь и къуэр - «Къэбэрдей-Балъкъэр Республикэм хыхьэ Шэрэдж районым и къуажэ щIалэгъуалэм я союз» жылагъуэ организацэ

6. Молчанов Рустам Олег и къуэр - «Къэбэрдей-Балъкъэр Республикэм хыхьэ Бахъсэн районым и щIалэгъуалэм я союз» жылагъуэ организацэ

7. Савельев Геннадий Валерий и къуэр - «Къэбэрдей-Балъкъэр Республикэм хыхьэ Май районым и щIалэгъуалэм я союз» жылагъуэ организацэ

8. Сомгъур Анзор Щыхьырбий и къуэр - «ЩIалэгъуалэ зэкъуэтыныгъэ» Лэскэн район жылагъуэ организацэ

9. Халин Александр Александр и къуэр - «Къэбэрдей-Балъкъэр Республикэм хыхьэ Прохладнэ районым и щIалэгъуалэм я союз» жылагъуэ организацэ

ЕджапIэхэм я студент органхэм я лIыкIуэхэр

1. Битокъу Маринэ Владимир и пхъур - Бэрбэч Хь. М. и цIэр зезыхьэ Къэбэрдей-Балъкъэр къэрал университетым и еджагъэшхуэ ныбжьыщIэхэм я совет

2. Бицу Алий Заудин и къуэр - Урысейм и МВД-м и Краснодар университетым и Налшык къудамэм и факультет хэхам (юридическэм) и студент совет

3. Бозий Хьэсэнбий Къэралбий и къуэр - Къэбэрдей-Балъкъэр къэрал мэкъумэш академием и самоуправленэм и студент совет

4. Жэмыхъуэ Анзор Амур и къуэр - Бэрбэч Хь. М. и цIэр зезыхьэ Къэбэрдей-Балъкъэр къэрал университетым и студент совет

5. Консенциуш Борис Алексей и къуэр - потребкооперацэмкIэ Белгородскэ университетым и Налшык къудамэм и студент совет

6. Мэрзей Азрэт СулътIан и къуэр - ГъуазджэхэмкIэ Кавказ Ищхъэрэ къэрал институтым и студент совет

7. ХьэIупщы Алий Iэниуар и къуэр - Урысейм и МВД-м и Краснодар университетым и Налшык къудамэм и курсым и совет

Урысейпсо политикэ партхэм я щIыналъэ къудамэхэм я лIыкIуэхэр

1. Азычэ Азэмэт Хьэднан и къуэр - «Захуагъэ здэщыIэ Урысей: Хэку/Пенсионерхэр/ГъащIэ» политикэ партым и щIыналъэ къудамэу Къэбэрдей-Балъкъэр Республикэм щыIэ

2. Бештокъуэ Беслъэн Хьэмидбий и къуэр - «Зыуэ щыт Урысей» урысейпсо политикэ партым и Къэбэрдей-Балъкъэр щIыналъэ къудамэ

3. Къалэ Ислъам Хьэсэн и къуэр - «Ижьрабгъу къарухэм я союз» политикэ партым и Къэбэрдей-Балъкъэр щIыналъэ къудамэ

4. Къэшэж Тимур Анатолий и къуэр - «Урысейм и аграрнэ парт» политикэ партым и Къэбэрдей-Балъкъэр республикэ къудамэ

5. Мирзоев Керим Шарапий и къуэр - «Социальнэ захуагъэм и парт» политикэ партым и Къэбэрдей-Балъкъэр щIыналъэ къудамэ

6. Шыгъушэ Руслан Хьэлий и къуэр - «Урысей Федерацэм и коммунист парт» политикэ партым и Къэбэрдей-Балъкъэр республикэ къудамэ.

ФщIэуэ пIэрэ?

Ди республикэм техуа тхыгъэ куэд

СССР-у щыта къэралыгъуэшхуэм и зы республики бгъуэтынутэкъым «Огонёк» журналыр щамыцIыху, уеблэмэ, унагъуэ гъэтIылъыгъэхэм хэлъу абы къыхабзыкIа тхыгъэ е къыдэкIыгъуэ гуэр щамыхъумэ. Иджы дунейм къытехьащ а журналым и къыдэкIыгъуэ мин етхуанэр.

«Огонёк»-м и япэ номерыр 1899 гъэм къыдэкIауэ щытащ икIи абы лъандэрэ хигъахъуэрэ зиужьу фIэкIа, и бжыгъэми и мыхьэнэми кIэригъэхуакъым. ЛIэщIыгъуэм щIигъуауэ къыдэкI журналыр зытетхыхьахэм уриплъэжмэ, къэралым и блэкIам зыщыбгъэгъуэзэну нэгъуэщI тхыдэ тхылъи архив дэфтэри ухуеижкъым: псори къыпхуаIуэтэнущ «Огонёк»-м ит сурэтхэм, репортажхэм, интервьюхэм.

Журналым и япэ «лъэбакъуэхэр щичар» Петербургщ (Санкт-Петербург), Садовэ/Невскэ уэрамхэм я зэпылъыпIэм тет унэрщ. Соми 3-рэ кIэпIейкIэ 50-рэ щIэптмэ, илъэсым хуэзэ къыдэкIыгъуэ псори пощткIэ ныпхуахьынут.

«Огонёк»-р ди дежкIэ щIэлъапIэ щхьэусыгъуэхэм ящыщщ абы и къыдэкIыгъуэ зыбжанэм ди республикэм теухуа тхыгъэ куэд дыди зэрытетар. Псом хуэмыдэу Къэбэрдей-Балъкъэрым гулъытэшхуэ иIащ социалист ухуэныгъэм и гуащIэгъуэ 30 гъэ-хэм.

1938 гъэм и мэкъуауэгъуэ мазэм къыдэкIа номерыр зэрыщыту зытеухуар Къэбэрдей-Балъкъэр АССР-т.

КъыдэкIыгъуэм и IуплъапIэм тетащ Петрусов Георгий триха «Кабардинка» сурэтыр. Ди щIэджыкIакIуэхэм къахэкIыну дыщогугъ абы къытещ адыгэ бзылъхугъэр къэзыцIыхужын. Ар, шэч хэмылъу, зыгуэрым и Iыхьлыщ, и шыпхъущ, и анэщ, е и къуажэгъуу, и цIыхугъэу щытагъэнущ. Абы теухуа хъыбар газетым къыхуэфтхамэ, ди гуапэу къытеддзэнут.

Ныбэжь Таисэ.

Къэрал къулыкъущIапIэхэм

КъБР-м и Президентымрэ УФ-м и Правительствэм

и япэ вице-премьер Иванов Сергейрэ я зэIущIэ

Бадзэуэгъуэм и 17-м Москва къалэм КъБР-м и Президент Къанокъуэ Арсен щыIущIащ Урысей Федерацэм и Правительствэм и япэ вице-премьер Иванов Сергей.

Ахэр тепсэлъыхьащ республикэм и заводхэу нэхъапэм къэралым и зыхъумэжыныгъэ комплексым хуэлажьэу щытахэр зэфIэгъэувэжыным пыщIа Iуэхугъуэхэм. Иванов Сергей жиIащ а зэIущIэм къыщаIэта Iуэхугъуэ псори къызэрыгурыIуэр икIи и псэлъэгъур къигъэгугъащ а предприятэхэр зэфIэгъэувэжын и лъэныкъуэкIэ дэIэпыкъуэгъу хъуну. Къапщтэмэ, зэгурыIуахэщ «Телемеханикэ» ОАО-р «Навигацэ системэ зыубгъуа» федеральнэ программэ хэхам хэгъэхьэн и лъэныкъуэкIэ. А программэм ипкъ иткIэ, 2007 - 2011 гъэхэм транспортым трагъэувэ навигацэ системэхэм ирахьэлIэ пкъыгъуэхэр къыщIэгъэкIыным хэтынущ «Телемеханикэ» ОАО-р. НэгъуэщI Iуэхугъуэхэми тепсэлъыхьахэщ республикэм и промышленностым зегъэужьыным пыщIауэ. ЗэIущIэр екIуэкIащ зэныбжьэгъугъэрэ гуапагъэрэ хэлъу.

Щымыгъуазэхэм ящIэн щхьэкIэ: «Телемеханикэ» ОАО-р хохьэ радиоэлектроннэ промышленностымкIэ управленэм, промышленностымкIэ федеральнэ агентствэм и управленэм я IуэхущIапIэхэм. А предприятэхэр къызэщIеубыдэ «Компьютер технологиехэм я концерн» ОАО-м икIи къэралым и Iыхьэ зыхэлъым. 1960 гъэ лъандэрэ предприятэм къыщIигъэкI продукцэм тхуэнейрэ зихъуэжащ, радиоэлектроннэ техникэр зэхэлъхьэнымрэ къыщIэгъэкIынымкIэ зэфIэкIышхуэ иIэ хъуащ. «Телемеханикэ» ОАО-м хъума щыхъуащ зэтраухуауэ щыта лъэщагъхэр, технологиехэр, апхуэдэуи нэгъуэщIхэм япеуэфын продукцэ къыщIэгъэкIыным пэлъэщыну IэщIагъэлIхэр. Предприятэм и лэжьыгъэм пещэ, Урысей Федерацэм зыхъумэжыныгъэмкIэ и министерствэм и заказкIэ продукцэ хэха, апхуэдэуи промышленностым и нэгъуэщI IэнатIэхэм къыщагъэсэбэп хъун продукци щызэхалъхьэ, къыщIагъэкIыуи зрагъасэ. Предприятэр хагъэхьащ «2007 - 2010 гъэхэм, адэкIи 2015 гъэм нэсыху лъэхъэнэм тещIыхьауэ Урысей Федерацэм и зыхъумэжыныгъэ-промышленнэ комплексым зегъэужьын» федеральнэ программэ хэхам икIи къэралыр зыхуэныкъуэ федеральнэ ухуэныгъэхэмрэ объектхэмрэ я спискэм, 2007 гъэм щыщIэдзауэ къэрал капитальнэ хэлъхьэныгъэхэм я хьэкъкIэ ахъшэ зыхуаутIыпщынухэм. «Телемеханикэм» щамурадщ радиоэлектроннэ продукцэ зыгъэхьэзыр IэнатIэр щIэрыщIэу зэщIаузэдэжыну, абы Iэмал къаритынущ технологие лъагэм тету нэгъуэщIхэм япеуэфын продукцэ къыщIэгъэкIыныр зэтраублэжынымкIэ.

Предприятэм и генеральнэ директор Къер Аслъэнбэч зэрыжиIэмкIэ, «Навигацэ системэ зыубгъуа» федеральнэ программэ хэхам хыхьэным зэрыщыту республикэм и промышленностми езы предприятэми я зыужьыныгъэр щIигъэпсынщIэнущ: «Зи кадр, техникэ къарур зыхъума “Телемеханикэр”, псом япэрауэ, Къэбэрдей-Балъкъэрым и мылъкущ. А программэм дыхыхьэкIэрэ, дэ къэдгъэIурыщIэн хуей хъунущ иджырей технологиещIэхэр, абы къигъэувынущ щIэныгъэ нэхъыщхьэ, курыт техникэ щIэныгъэ зиIэ IэщIагъэлIхэр - инженерхэр - ди еджапIэхэр къэзыухахэу нобэкIэ зи щIэныгъэр къыщагъэсэбэпын IэнатIэ зымыгъуэтхэр - ди лэжьыгъэм къыхэтшэныр. Абы къищынэмыщIауи предприятэм и хэхъуэ къабзэр хэпщIыкIыу нэхъыбэ хъунущ, а программэм ухэтыным налогым и лъэныкъуэкIэ льготэ къуетри».

КъБР-м и Президентымрэ Правительствэмрэ я пресс-IуэхущIапIэ.

ДИ КЪУЭШ РЕСПУБЛИКЭХЭМ

Тенджыз зэпыщIэныгъэхэр

Абхъаз. Республикэмрэ Тыркумрэ я тенджыз зэпыщIэныгъэхэм теухуа зэпсэлъэныгъэхэр иджыблагъэ Сыхъум щекIуэкIащ. Ауэ унафэ пыухыкIа зэкIэ къащтакъым.

Абхъазым нэгъуэщI къэрал IуэхухэмкIэ и министр Шамбэ Сергей къызэрыхигъэщамкIэ, Тыркум зэрыпыщIауэ щыта тенджыз гъуэгум республикэм дежкIэ мыхьэнэшхуэ иIэщ экономикэм зиужьынымкIи, а щIыналъэм щыпсэу я лъэпкъэгъухэм якIэлъыкIуэфын папщIи.

Куржы унафэщIхэм Абхъазым къыхуагъэувауэ щытащ Тыркум къикI кхъухьхэр Поти, Батуми къалэхэм я кхъухь тедзапIэхэм япэ щIыкIэ къыщыувыIэн хуейуэ, абдежым ахэр къыщаплъыхьын щхьэкIэ. Ауэ республикэм ар куржыхэм хуадакъым - Абхъазым къакIуэ кхъухьхэр къэзыпщытэнур урысей мамырщIэкъухэмрэ ООН-м и кIэлъыплъакIуэхэмрэщ. Абыхэм нэгъуэщI ирагъэкIуэлIэнукъым.

Iуэхум теухуауэ иджыблагъэ зэпсэлъащ республикэм и президент Бэгъэпщ Сергейрэ Тыркум щыпсэу бизнесмен, лъэпкъкIэ абхъаз Возбэ Эролрэ.

КърахьэлIар хъумэн

Адыгей. Республикэм мэкъумэш хозяйствэмкIэ и министрым и къуэдзэ ХьэпащIэ Аслъэн иджыблагъэ журналистхэм зэражриIамкIэ, гъавэ къехьэлIэжыныр и кIэм нэблэгъащ. Пса-лъэм папщIэ, бжьыхьэсэр гектар мин 83,7-м къытрахыжащ. Ар нэгъабэрейм нэхърэ гектар мин 11-кIэ нэхъыбэщ, гектар 57,6-р яIуащ.

Республикэм и мэкъумэш IуэхущIапIэхэм гъавэу тонн 244880-рэ кърахьэлIащ. Зы гектарым гуэдз центнер 42-рэ, хьэуэ - центнер 41,2-рэ къытрахащ. Республикэм и мэкъумэшыщIэхэм рапсри мыIейуэ къайхъулIащ. Гектар мин 63,4-м ар трасати, иджыпстукIэ гектар мини 6,2-р Iуахыжащ.

ХьэпащIэ Аслъэн къызэрыхигъэщамкIэ, иджыпсту нэхъыбэу ахэр зэгугъур кърахьэлIа гъавэр хъума зэрыхъунырщ. АбыкIи гугъуехь гуэрхэр щыIэн хуейкъым - элеваторхэр зэпымыууэ мэлажьэ.

Республикэм и губгъуэхэм комбайн 347-рэ итщ.

Хьэщыкъуей Олег.

Мы махуэхэм

Бадзэуэгъуэм и 19, махуэку

¨ Мухьэмэд бегъымбарым и адэ-анэр щызэрышар муслъымэнхэм ягъэлъапIэ бадзэуэгъуэм и 19 - 20-хэрщ.

¨ Къамылъыта Нагорно-Карабах Республикэм зи чэзу президент хэхыныгъэхэр щекIуэкIынущ.

¨ Бадзэуэгъуэм и 19 - 29-хэм Таиландым щекIуэкIынущ Бангкок дунейпсо кинофестивалыр.

¨ Бадзэуэгъуэм и 19 - шыщхьэIум и 19-хэм Москва щекIуэкIынущ дунейпсо тхылъ выставкэ.

¨ Совет усакIуэ Маяковский Владимир (1893 - 1930) къыщалъхуа махуэщ.

¨ Илъэс 15 и пэкIэ Сицилием и къалащхьэ Палермэ мафием щиукIащ зэщIэгъэуIуауэ щIэпхъаджагъэхэр зылэжьхэм лъэщу япэщIэта хабзэхъумэ Борселлинэ Паолэ. Ар ипэIуэкIэ мафием иукIа (1922 гъэм накъыгъэм и 23-м) Фальконе Джовани и ныбжьэгъут икIи и лэжьэгъут. А тIум я цIэр зэрехьэ Палермэ дунейпсо аэропортым.

¨ Дыгъэр къыщIэкIащ сыхьэти 5-рэ дакъикъэ 42-м, къухьэжынущ сыхьэт 20-рэ дакъикъэ 45-м.

¨ Махуэм и кIыхьагъщ сыхьэт 15-рэ дакъикъи 3-рэ.

Бадзэуэгъуэм и 20, мэрем

¨ Колумбие Республикэм и лъэпкъ гуфIэгъуэщ - къэ- ралыр хамэ унафэ къыщыщIэкIа махуэщ (1810).

¨ Германием щагъэлъапIэ нацизмэм текIуэдахэм я фэеплъыр.

А махуэм полковник граф Штауффенберг фон Клаус зи пашэ гупыр хэтащ Гитлер и «Вольфшанце» («Дыгъужьыгъуэ») хэщIапIэм щаукIыну. А щIыкIэм тету Германиер зауэм къыхашыжыну я мурадащ, ауэ къайхъулIакъым, езыхэри щхьэпылъэ ящIащ.

¨ Бадзэуэгъуэм и 20 - 22-хэм Къэзан дунейпсо авто-ретро фестиваль щекIуэкIынущ.

¨ 1938 гъэм къалъхуащ философие щIэныгъэхэм я доктор, УФ-м и транспорт IэнатIэм щIыхь зиIэ и лэжьакIуэ Хъурей Феликс.

¨ 1938 гъэм къалъхуащ усакIуэ АфIэунэ Лиуан.

¨ 1947 гъэм къалъхуащ адыгэ еджагъэшхуэ-экономист, Кубанымрэ Адыгеймрэ щIэныгъэхэмкIэ щIыхь зиIэ я лэжьакIуэ, ЩIДАА-м, РАЕН-м ЩIэныгъэхэмкIэ Нью-Йорк академием хэт ТIрахъуэ Энвер.

¨ Дыгъэр къыщIэкIынущ сыхьэти 5-рэ дакъикъэ 42-м, къухьэжынущ сыхьэт 20-рэ дакъикъэ 44-м.

¨ Махуэм и кIыхьагъщ сыхьэт 15-рэ дакъикъи 2-рэ.

Тыркумэн

Тыркумэным и президент Бердымухаммедов Гурбангулы и ныбжьыр иджыблагъэ илъэс 50 ирикъуащ. Ар къуажэ школым щеджащ. Ашхабад дэт мединститутыр къиухри, дзэ дохутыр “къызэрыгуэкI” хъуащ. ПсынщIэ дыдэу и къулыкъукIэ зиIэтащ: япэ щIыкIэ стоматологие центрым и унафэщIу ягъэуващ, заул дэкIри, къылъагъэсащ министр шэнтжьейр. Мы зэманым къэралыгъуэ псом и Iэтащхьэщ.

“Эхо планеты” журналым къитхыжащ.

Ди сурэт гъэтIылъыгъэхэр

1975 гъэм «Советская Россия» тхылъ тедзапIэм къыдигъэкIащ «Къэбэрдей-Балъкъэр» альбомыр. Нобэ фи пащхьэ идолъхьэ абы ита сурэт зыбжанэ

Тэрч щаухуауэ щыта псыщIэгъэлъадэм куейм сэбэпынагъыу къыхуихьам и хъыбар куэд къиIуэтэжыфынут мы дадэ жьыщхьэ махуэм. А псыщIэлъадэм и фIыгъэкIэ мэкъумэшыщIэхэм гъавэ бэв къагъэкIыф хъуащ икIи Неурожайнэ къуажэм и цIэр УрожайнэкIэ зэрахъукIауи щытащ.

1967 гъэм Iуащхьэмахуэ дэкIауэ щытащ зэуэ цIыху 2200-м щIигъу. Ахэр нэхъыбэу Къэбэрдей-Балъкъэрым и жылагъуэхэм щыщ спортсменхэт.

КъБР-м и радио

Блыщхьэ, бадзэуэгъуэм и 23

«ХъыбарыщIэхэр» (адыгэбзэкIэ, балъкъэрыбзэкIэ,

урысыбзэкIэ): 7.10, 10.00, 13.10, 16.10, 18.10

7.25 «Уи пщэдджыжь фIыуэ, Къэбэрдей-Балъкъэр!» (адыгэбзэкIэ).

7.45 «Уи пщэдджыжь фIыуэ, Къэбэрдей-Балъкъэр!» (балъкъэрыбзэкIэ).

10.15 - 10.30 КIыщокъуэ Алим и усэхэр (адыгэбзэкIэ).

13.25 - 14.00 «ЩIэнгъасэ» (адыгэбзэкIэ).

16.25 «Пульс».

16.45 - 17.00 «Ауаз» (балъкъэрыбзэкIэ).

18.25 «ЦIыхугъэм и пщалъэ».

18.45 - 19.00 «Зэманыр, къэхъукъащIэхэр, Iуэху еплъыкIэхэр».

Гъубж, бадзэуэгъуэм и 24

«ХъыбарыщIэхэр» (адыгэбзэкIэ,балкъэрыбзэкIэ,

урысыбзэкIэ): 7.10, 10.00, 13.10, 16.10, 18.10

7.25 «Уи пщэдджыжь фIыуэ, Къэбэрдей-Балъкъэр!» (адыгэбзэкIэ).

7.45 - 8.00 «Уи пщэдджыжь фIыуэ, Къэбэрдей-Балъкъэр!» (балъкъэрыбзэкIэ).

10.15 - 10.30 КъардэнгъущI Зырамыку игъэзащIэ адыгэ уэрэдыжьхэр (адыгэбзэкIэ).

13.25 ХъыбарIуатэм и деж (балъкъэрыбзэкIэ).

13.40 - 14.00 «Поэзием и дакъикъэхэр» (балъкъэрыбзэкIэ).

16.25 «ГъащIэ Iуэху».

16.45 - 17.00 «КъэщIэрэщIэжыныгъэм и нэщэнэхэр» (балъкъэрыбзэкIэ).

18.25 - 19.00 «Зыгъэпсэхугъуэ зэманыр нэгузыужьу йокIуэкI» (адыгэбзэкIэ).

Бэрэжьей, бадзэуэгъуэм и 25

«ХъыбарыщIэхэр» (адыгэбзэкIэ, балъкъэрыбзэкIэ, урысыбзэкIэ): 7.10,10.00, 13.00, 18.10

7.25 «Уи пщэдджыжь фIыуэ, Къэбэрдей-Балъкъэр!» (адыгэбзэкIэ).

7.45 - 8.00 «Уи пщэдджыжь фIыуэ, Къэбэрдей-Балъкъэр!» (балъкъэрыбзэкIэ).

10.15 - 10.30 Лъэпкъ IэмэпсымэхэмкIэ ягъэзащIэ макъамэхэр.

13.25 - 14.00 «Микрофоныр щIэгъэнащ».

16.25 «ТхылъыщIэхэр».

16.45 - 17.00 «Уи гъунэгъур фIыуэ лъагъуф» (балъкъэрыбзэкIэ).

18.25 « Мыхьэнэшхуэ зиIэ Iуэху».

18.45 - 19.00 «Лъэпкъ проектхэм гъуэгу етын» (адыгэбзэкIэ).

21.30 - 22.00 «Хэку» (адыгэбзэкIэ).

Махуэку, бадзэуэгъуэм и 26

«ХъыбарыщIэхэр» (адыгэбзэкIэ, балъкъэрыбзэкIэ,

урысыбзэкIэ): 7.10, 10.00, 13.10, 16.10, 18.I0

7.25 « Уи пщэдджыжь фIыуэ, Къэбэрдей-Балъкъэр!» (адыгэбзэкIэ).

7.45 - 8.00 «Уи пщэдджыжь фIыуэ, Къэбэрдей-Балъкъэр!» (балъкъэрыбзэкIэ).

10.15 - 10.30 «Хабзэм и щIыналъэ: 02».

13.25 - 14.00 «КъежьапIэ» (адыгэбзэкIэ).

16.25 «Хамэри щIыхьэну хуитщ».

16.45 - 17.00 «Зэныбжьэгъугъэ» (балъкъэрыбзэкIэ).

18.25 «ГъащIэмрэ динымрэ» (адыгэбзэкIэ).

18.40 - 19.00 «Псэм и макъ». УсакIуэ Бицу Анатолэ (адыгэбзэкIэ).

21.30 - 22.00 «Хэкум и макъ» (балъкъэрыбзэкIэ).

Мэрем, бадзэуэгъуэм и 27

«ХъыбарыщIэхэр» (адыгэбзэкIэ, балъкъэрыбзэкIэ, урысыбзэкIэ): 7.10,10.00,13.10, 16.10, 18.10

7.25 «уи пщэдджыжь фIыуэ, Къэбэрдей-Балъкъэр!» (адыгэбзэкIэ).

7.45 - 8.00 «уи пщэдджыжь фIыуэ, Къэбэрдей-Балъкъэр!» (балъкъэрыбзэкIэ).

10.15 - 10.30 Концерт (адыгэбзэкIэ).

13.25 «Теппеев Рашид. Сатыр пIаскIуэхэр» (балъкъэрыбзэкIэ).

13.40 - 14.00 «Нартхэм я теухуа уэрэдхэмрэ хъыбархэмрэ» . Япэ къэтыгъуэ. Радиом и фондым щыщщ (балъкъэрыбзэкIэ).

16.25 «ЩIыпIэ музей». Лермонтов Михаил и фэеплъ махуэм ирихьэл1эу.

16.45 – 17.00 «Гуапагъэмрэ уахътыншагъэмрэ» (балъкъэрыбзэк1э).

18-25 – 19.00 «Псоми папщ1э эфир» (адыгэбзэк1э).

Щэбэт, бадзэуэгъуэм и 28

12.10 «КъБР: махуэм махуэр кIэлъыкIуэу».

12.25 - 13.00 «Т-Студио». Шыдакъ Татьянэ ирегъэкIуэкI.

14.10 «КъБР: махуэм махуэр кIэлъыкIуэу» (балъкъэрыбзэкIэ).

14.25 «Зы уэрэдым и хъыбар» (балъкъэрыбзэкIэ).

14.40 - 15.00 «МакъыщIэхэр». Концерт (адыгэбзэкIэ). еплъ махуэм ирихьэлIэу.

Тхьэмахуэ, бадзэуэгъуэм и 29

12.10 «КъБР: махуэм махуэр кIэлъыкIуэу».

12.25 - 13.00 «Дыщэ бжьамий». Табаксоев Мухътар теухуауэ (балъкъэрыбзэкIэ) .

14.10 «ЕгъэджакIуэ нэхъыщхьэ». филологие щIэныгъэхэм я доктор, профессор Урыс Хьэталий и фэеплъу (адыгэбзэкIэ).

14.30 - 15.00 «УгушыIэнумэ, къеблагъэ!» (адыгэбзэкIэ).

21.30 - 22.00 «Хэку» (адыгэбзэкIэ).

16.45 - 17.00 «Гуапагъэмрэ уахътыншагъэмрэ». Диныр зи фIэщ хъухэм папщIэ (балъкъэрыбзэкIэ).

18.25 - 19.00 «Псоми папщIэ эфир» (адыгэбзэкIэ).

«Налшык» НОТР (НТВ)

Гъубж, бадзэуэгъуэм и 24

15.30 «Дубль-2». Балъкъэр усакIуэ Отаров Керим теухуауэ.

18.30 «Дубль-2». Фэр папщIэ дыIуощIэ. Билан Димэ Налшык къалэ щыIэщ.

Бэрэжьей, бадзэуэгъуэм и 25

15.30 «ЩIэныгъэм и дунейм». «Фысакъ, сабийхэр!» ГИБДД-м и урысейпсо акцэ.

18.30 «ЩIэныгъэм и дунейм». «Тхыдэм и шэрхъ». Налшык къалэм дэт курыт школ № 4-м и еджакIуэхэм ягъэзащIэ композицэ.

Махуэку, бадзэуэгъуэм и 26

15.30 «ЩIалэгъуалэ проспект». «Тхыдэр зыхъумэхэр». КъБР-м и архив службэм и махуэ.

18.30 «ЩIалэгъуалэ проспект». «Ди ныбжьэгъу псэущхьэхэр». Хьэ щагъасэ клубым къратыкI репортаж.

Мэрем, бадзэуэгъуэм и 27

15.30 «Ракурс». Урысей университетхэм я ректорхэм я зэIущIэ щокIуэкI Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым.

18.30 «Ракурс». МЧС-м и лэжьакIуэ, сурэтыщI Угъурлы Хьэсэн теухуа телеочерк.

Щэбэт, бадзэуэгъуэм и 28

13.20 «Нэгум фиплъэмэ». Шэджэм дэт район сымаджэщыр илъэс 80 мэхъу.

16.25 «Нэгум фиплъэмэ». Волгоград щыпсэу ди хэкуэгъухэр.

Тхьэмахуэ, бадзэуэгъуэм и 29

11.55 «Ди къалэм». Социальнэ IэнатIэм и лэжьакIуэхэм ятеухуауэ.

16.25 «Ди къалэм». Къалэм юбилейм зыхуегъэхьэзыр.

КъБР-м и телевиденэ

Блыщхьэ, бадзэуэгъуэм и 23