«Сыт? Дэнэ? Дапщэщ?»
2021-01-23
- Урысей Ипщэмрэ Кавказ Ищхъэрэ федеральнэ щIыналъэмрэ хыхьэ субъектхэм щылажьэ еджапIэ нэхъыщхьэхэм я студент гуп нэхъ зэчиифIэхэм, акъылыфIэхэм, жанхэм халъытащ КъБКъУ-м и щIалэгъуалэ гупи.
- Псори зэхэту гупи 8 хъууэ студентхэр мы махуэхэм щызэхьэзохуэ «Сыт? Дэнэ? Дапщэщ?» джэгум хэту. Къэбэрдей-Балъкъэрым щыщу а университетым и лIыкIуэхэм я закъуэщ зэпеуэм хэтыр.
- Джэгу-зэпеуэр видеоконференц щытыкIэм иту къызэрагъэпэщащ, «Ростелеком» интернет-сервисыр я дэIэпыкъуэгъуу. «Сыт? Дэнэ? Дапщэщ?»-м хэтщ Волгоград, Ставрополь, Краснодар, Грозный, Налшык, Тэн Iуфэ Iус Ростов (гупитI къикIащ) къалэхэм ящыщ гупхэр. Зэпеуэр Iыхьищу зэщхьэщыхауэ, Iыхьэ къэс упщIи 7 хэту екIуэкIащ.
- Налшык икIа гупым хъарзынэу зыкъыщагъэлъэгъуащ зэпеуэм. Зэхьэзэхуэр тынштэкъым, сыту жыпIэмэ, абы хэтащ «Сыт? Дэнэ? Дапщэщ?» зэпеуэм блэкIа илъэсхэм щытекIуауэ щыта гупитI: Волгоградрэ Владикавказрэ дэт еджапIэ нэхъыщхьэхэм я студент гупхэр.
- «Ростелеком»-м зэрихабзэу, зэпеуэм щытекIуэхэм тыгъэ екIухэр хуищIынущ. Апхуэдэу къыхабелджылыкIынущ зэхьэзэхуэм хэтахэм нэхъыфIу къадэщIахэми яхэлъа жыджэрагъыр.
- ТАМБИЙ Линэ.