Лэжьыгъэр зэпыуркъым
2020-12-10
- Налшык дэт Музыкэ къэрал театрым и лэжьакIуэ емызэшыжхэр IуэхущIэхэм яужь итщ. Куэд мыщIауэ IуэхущIапIэм къихьа грантым и фIыгъэкIэ, абыхэм Iэмал яIэщ лэжьыгъэ купщIафIэ ягъэхьэзырыну.
- Театрым и балет труппэм, КъБР-м гъуазджэхэмкIэ щIыхь зиIэ и лэжьакIуэ ПащIэ Рамед зи унафэ-щIым, егъэув «Тясяча и одна ночь» классикэ тхыгъэ купщIафIэм къытращIыкIа балетыр.
- Музыкэ театрым и режиссёр нэхъыщхьэ, КъБР-м гъуазджэхэмкIэ щIыхь зиIэ и лэжьакIуэ Дэбагъуэ Роман утыкум кърихьэнущ Верди Джузеппе и «Травиата» оперэр.
- Артистхэм репетицэ ящIыху, утыкум екIуу я ролхэр зэрыщагъэзэщIэнум зыхуагъэхьэзырыху, абыхэм я щыгъынхэр щад цехым, Iэджэрэ Иннэ зи унафэщIым, и IэпщIэлъапщIэхэр увыIэркъым, егугъуу дэтхэнэ фэилъхьэгъуэми, дэтхэнэ зы щIыIунэми зрагъэлIалIэ.
- Зи гугъу тщIа лэжьы гъитIри ИлъэсыщIэм дытемыхьэ щIыкIэ ятыну я мурадщ, абыхэм я премьерэми тепыIэншэу дыпоплъэ.
- ИСТЭПАН Залинэ.