Бахъсэн щIыналъэм щыщ Пыхъхэ я унагъуэр ящыщщ «Анэм и щIыхь» медалыр зыхуагъэфэщахэм
2020-12-01
- Бахъсэн щIыналъэм Анэм и махуэм и пэ къихуэу щызэхэтащ республикэм и къэрал дамыгъэр — «Анэм и щIыхь» медалыр — зыхуагъэфэщахэм етыжыным теухуа гуфIэгъуэ зэхыхьэр.
- Дамыгъэ лъапIэр хуагъэфэщащ Ислъэмей къуажэм щыщ, сабиитхум я анэ Пыхъ Анетэ Хьэбас и пхъум.
- Къэбэрдей-Балъкъэрым и Iэтащхьэ КIуэкIуэ Казбек зэхыхьэ гуапэм ирагъэблэгъахэм видеозэпыщIэныгъэ IэмалымкIэ защыхуигъазэм къыхигъэщащ а махуэшхуэм къэралми жылагъуэми я дежкIэ мыхьэнэшхуэ зэриIэр: «Анэр лъагъуныгъэм, гулъытэмрэ гуапагъэмрэ я дамыгъэщ. Анэ лъагъуныгъэм дэ къару, гушхуэныгъэ къытхелъхьэ, гъащIэм ды-зыщыIууэ гугъуехьхэм дапэлъэщынымкIэ щIэгъэкъуэн къытхуохъу, ехъулIэныгъэхэм дыхуегъэпс. Бын куэд щапI унагъуэхэм мыхьэнэшхуэ яIэщ иджырей жылагъуэм и унагъуэ лъапIэныгъэхэр зэфIэувэнымкIэ».
- ГуфIэгъуэ зэхыхьэм кърихьэлIащ КъБР-м и Парламентым и УнафэщI Егоровэ Т. Б., КъБР-м и Правительствэм и УнафэщI Мусуков А. ТI., КъБР-м и Iэтащхьэм и Администрацэм и УнафэщI Къуэдзокъуэ М. М., республикэм и министерствэхэмрэ IуэхущIапIэхэмрэ я унафэщIхэр.
- КъБР-м и Iэтащхьэ КIуэкIуэ К. В. пщэрылъ къызэрыщищIам ипкъ иткIэ, Бахъсэн щIыналъэм и администра- цэм и унафэщI Балъкъыз Артур Пыхъ А. Хь. иритыжащ «Анэм и щIыхь» медалыр икIи абы ехъуэхъуащ зэIузэпэщу псэуну.
- Пыхъхэ Анетэ Хьэбас и пхъумрэ Мухьэмэдин Музариф и къуэмрэ илъэс 29-рэ хъуауэ зэщхьэгъусэщ. Я пхуитхур абыхэм ягъэсащ лъагъуныгъэ, гуапагъэ, зызэхэщIыкIыныгъэ яку дэлъу, нэхъыжьхэм пщIэ хуащIын, зэгурыIуэу псэун зэрыхуейм хуаущийуэ.
- ЧЫЛАР Аринэ,
- Бахъсэн щIыналъэ администрацэм
- и пресс-IуэхущIапIэм и унафэщI.