Кlуэкlуэ Казбек жылагъуэ лэжьакlуэхэм яхуозэ
2020-09-22
- КъБР-м и lэтащхьэ Кlуэкlуэ Казбек Правительствэм и унэм щахуэзащ Дунейпсо Адыгэ Хасэм и тхьэмадэ Сэхъурокъуэ Хьэутий, Къэбэрдей Адыгэ Хасэм и тхьэмадэ, ДАХ-м и Хасащхьэм хэт Хьэфlыцlэ Мухьэмэд, ДАХ-м и тхьэмадэм и япэ къуэдзэ Бырсекъуэ Орфан сымэ.
- Сэхъурокъуэ Хьэутий КъБР-м и lэтащхьэм хуиlуэтащ ДАХ-м и Хасащхьэм и зэlущlэу мэрем кlуам зэхэтам зи гугъу щащlахэр, хамэ къэрал щыпсэу ди лъэпкъэгъухэм я деж щэнхабзэр, бзэр, хабзэр хъума щыхъунымкlэ хасэшхуэм иджыпсту зэфlигъэкl lуэхухэмрэ хэхэс адыгэхэр адэжь хэкум нэхъри къыпыщlа хъужынымкlэ ялэжьхэмрэ.
- Лlыщхьэхэр щызэпсалъэм къыхагъэщащ Къэбэрдей-Балъкъэрым къыщlэхъуэ щlэблэр хэкупсэу гъэсэным, зэныбжьэгъугъэмрэ зэкъуэтыныгъэмрэ гъэбыдэным, хамэ lуэху еплъыкlэ нэпцlхэм демыгъэхьэхыным теухуауэ зэдэлэжьэным мыхьэнэшхуэ зэриlэр.
- Кlуэкlуэ Казбек и деж еблэгъахэм фlыщlэ яхуищlащ пандемием и лъэхъэнэм унагъуэ хуэмыщlахэм зэрызыщlагъэкъуам папщlэ икlи Адыгэхэм я дунейпсо махуэмкlэ ехъуэхъуащ.