НыбжьыщIэхэр ягъэгушхуэ
2020-09-08
- Гъэ еджэгъуэщIэр щыщIидзэжым ирихьэлIэу, Тэрч районым щекIуэкIащ «ЕджакIуэ кIуэным хуэгъэхьэзырынымкIэ дэIэпыкъу» урысейпсо псапащIэ Iуэхур. Ар къызэрагъэпэщащ Урысейм и ОМВД-м Тэрч районым щиIэ къудамэм и унафэщI, полицэм и полковник Кърымыкъуэ Заур и нэIэм щIэту.
- ЩытыкIэ гъугъу ит сабийхэм зыщIагъэкъуэн щхьэкIэ, апхуэдэуи хабзэр къызэпауд зэрымыхъунур гурагъаIуэу, еджэным драгъэхьэхын мурадыр яIэу, IуэхущIапIэм и IэщIагъэлI-хэр екIуэлIащ апхуэдэ ныбжьыщIэхэр зиIэ унагъуэхэм.
- «ЕджакIуэ кIуэным хуэгъэхьэзырынымкIэ дэIэпыкъу» Iуэхум хыхьэу, къызэгъэпэщакIуэхэр еблэгъащ къэрал кIуэцI IуэхухэмкIэ IэнатIэхэм зи къалэныр щезыхьэкIыу ныкъуэдыкъуэ хъуа цIыхуихым я унагъуэхэмрэ щытыкIэ гугъу ихуа, балигъ ныбжьым нэмыса сабий 47-рэ щапI унагъуэ 22-мрэ.
- Полицэм и лэжьакIуэхэм я гъусэу а Iуэхум хэтащ Кърымыкъуэ Заури.
- Сабийхэм школым кIуэн щхьэкIэ нэхъ зыхуэныкъуэу къалъытэ хьэпшыпхэр абыхэм къыхуащэхуащ: зэреджэну, зэрытхэну Iэмэпсымэхэр, портфелхэр, фэилъхьэгъуэхэмрэ вакъэхэмрэ, спорт щыгъынхэр, нэгъуэщIхэри.
- Хабзэм и хъумакIуэхэр ныбжьыщIэхэм епсэлъащ, ахэр зыдихьэххэр, я гугъуехьхэр зыхуэдэр зрагъащIэу. Гъэ еджэгъуэщIэм ехъулIэныгъэ куэд яIэну ахэр цIыкIухэм ехъуэхъуащ.
- КЪАНЩАУЭ Мэлычыпхъу.