Къэбэрдей-Балъкъэр Республикэм и Iэтащхьэ КIуэкIуэ К. В. Балъкъэр лъэпкъым и къэщIэрэщIыжыныгъэм и махуэм теухуа и хъуэхъу
2020-03-28
- Къэбэрдей-Балъкъэрым и цIыхухэу пщIэ зыхуэсщIхэ!
- Гъэ къэс гъатхэпэм и 28-м дэ догъэлъапIэ гуфIэгъуэ пIалъэ хьэлэмэтыр — Балъкъэр лъэпкъым и къэщIэрэщIэжыныгъэм и махуэр. Тхыдэм и пэжымрэ захуагъэмрэ зэтегъэувэжыным, Къэбэрдей-Балъкъэрым ис лъэпкъхэм я зэкъуэтыныгъэм, зэныбжьэгъугъэм, зэкъуэшыгъэм и фIыгъуэ мыкIуэдыжым я дамыгъэу щыт а гуфIэгъуэ махуэшхуэмкIэ си гуапэу сынывохъуэхъу.
- Нобэ зи зэхэщIыкIымрэ зи гурыщIэхэмрэ лъагэ балъкъэр лъэпкъыр тегушхуауэ япэкIэ маплъэ, Къэбэрдей-Балъкъэрым лъэпкъ куэду зэхэт и цIыхубэм я унагъуэ зэкъуэтым хэту гъащIэщIэр еухуэ, къару зыбгъэдэлъ, зэпымыууэ ефIакIуэ иджырей Урысейр зэтегъэувэным зэфIэкI нэрылъагъу ирехьэлIэ.
- ЩIэуэ къэунэхуа коронавирус уз зэрыцIалэм земыгъэубгъуным хуэгъэза Iуэхухэр зэрырагъэкIуэкIым къыхэкIыу цIыхубэ гуфIэгъуэ зэхыхьэхэр, щэнхабзэ-нэгузыужь Iуэхухэр, ди жагъуэ зэрыхъущи, дгъэмэщIэн икIи ахэр щедгъэкIуэкIыну пIалъэр дгъэIэпхъуэн хуей мэхъу.
- ДызэщIыгъуу гугъуехь псори къызэрызэднэкIынур, зыхуэдгъэувыжа мурадхэр зэрызэдгъэхъулIэнур, дыщалъхуа Къэбэрдей-Балъкъэрым зэпIэзэрыту зэрызедгъэужьынур икIи ар зэредгъэфIэкIуэнур быдэу си фIэщ мэхъу.
- Республикэм ис псоми узыншагъэ, мамырыгъэ, фIыгъуэ, ефIэкIуэныгъэ яIэну си гуапэщ.