Къэбэрдей-Балъкъэр Республикэм щыпсэухэм Зэрызахуэдгъазэр
2020-03-26
- Коронавирус уз зэрыцIалэм дунейми Урысейми зэрызыщиубгъур, абы къыхэкIыу щыIэ хъуа щытыкIэр, 2019-nCoV узыфэр цIыху нэхъыбэм къапкърыхьауэ зэрыщытыр, Къэбэрдей-Балъкъэр Республикэм и Iэтащхьэм а узыфэм теухуауэ цIыхухэм зэрызахуигъэзам къыщыгъэлъэгъуахэр къэлъытауэ, КъБР-м щыпсэу псоми дыныволъэIу: шынагъуэншагъэм ехьэлIауэ щыIэ Iэмалхэр уэим фымыщI, абыхэм я нэхъыщхьэр цIыху зэхуэсыпIэхэм фымыкIуэнырщ, къабзагъэм и хабзэхэм фытетынырщ.
- Фи Iыхьлы, ныбжьэгъу, цIыхугъэ куэд зэвгъэблагъэ зэхыхьэхэр щытыкIэр тэмэм хъужыхукIэ зэхэвмышэну зыфхудогъазэ. ХьэгъуэлIыгъуэхэр, цIыхур къыщалъхуа махуэхэр, юбилейхэр гъэлъэпIэныр, сэдэкъэхэр щIыныр, нэгъуэщI дауэдапщэхэр егъэкIуэкIыныр ди хэкуэгъу куэдым я узыншагъэм зэран хуэхъуныр зыхуэIуа щыIэкъым.
- Ди нэхъыжьхэм пщIэ яхуэтщIу, дахуэсакъыу дыкъокIуэкI дэ, аращи, гу лъывэдгъэтэну дыхуейщ коронавирусыр зи ныбжь хэкIуэтахэмрэ уз гъэтIылъа зиIэхэмрэ псом хуэмыдэу яхуэлъэу зэрыщытым. Абы къыхэкIыу тегъэчыныхьауэ дыныволъэIу нэхъыжьхэм гулъытэ хэха яхуэфщIыну, Iэмал зэриIэкIи, ахэр унэм къыщIэмыкIын хуэдэу, зыхуей псомкIи къызэвгъэпэщыну.
- Дыщогугъ дызэхэфщIыкIыну икIи мы Iуэхур къыддэфIыгъыну. Дызэкъуэтмэ, къэхъуа шынагъуэм дыпэлъэщынущ.
- КъБР-м и Жылагъуэ палатэр
- Урысейпсо цIыхубэ фронтым и
- щIыналъэ къудамэу КъБР-м щыIэр
- КъБР-м и ЦIыхубзхэм я зэгухьэныгъэр
- Зауэм, лэжьыгъэм, IэщэкIэ ЗэщIэузэда Къарухэм, хабзэхъумэ органхэм я ветеранхэм (пенсионерхэм) я Къэбэрдей-Балъкъэр жылагъуэ зэгухьэныгъэр
- Зауэм, лэжьыгъэм, IэщэкIэ ЗэщIэузэда Къарухэм, хабзэхъумэ органхэм я ветеранхэм (пенсионерхэм) я Налшык къалэ жылагъуэ зэгухьэныгъэр
- «КъБР-м волонтёр Iуэхум зыщегъэужьыным хуэгъэпса центр» фейдэ къегъэщIыным пымыщIа зэгухьэныгъэр
- «ЩIалэгъуалэм къыхалъхьэ жэрдэмхэм я институт» социальнэ Iуэхухэм тегъэпсыхьа, фейдэ къегъэщIыным пымыщIа зэгухьэныгъэр
- Ныкъуэдыкъуэхэм защIэгъэкъуэным хуэгъэпса «КъэщIэрэщIэжыныгъэ» Къэбэрдей-Балъкъэр жылагъуэ зэгухьэныгъэр