ЦIыхухъу бгырыпх лъапIэ
2020-03-26
- Налшык къалэм и полицейхэм къыщIагъэщащ хьэпшып щащэ тыкуэнхэм сом 247100-рэ и уасэ бгырыпхрэ джэдыгурэ къыщызыдыгъуахэр.
- Урысей МВД-м Налшык къалэм щиIэ управленэм зыхуэзыгъэза, щIыпIэм щыпсэу цIыхубзым зэрыжиIамкIэ, Налшык дэт сату центрхэм ящыщ зым мы гъэм мазаем и 25-м щIадыгъукIащ сом 87100-рэ и уасэ цIыхухъу бгырыпх.
- УМВД-м и лэжьакIуэхэм яубзыхуащ шэч зыхуащIыр. Ар илъэс 36-рэ зи ныбжь, Шэджэм щIыналъэм щыпсэу цIыхухъурщ. Абы илэжьамкIэ зиумысыжащ. Иды-гъуар къытрахыжащ.
- Апхуэдэ щIэпхъаджагъэ илэжьауэ иджыри яубыдащ Шэджэм щIыналъэм щыпсэу зы цIыхухъу.
- Полицэм зыхуэзыгъэза цIыхубзым зэрыжиIамкIэ, тыкуэным щIадыгъукIат сом 160000-рэ и уасэ норкэ джэдыгу.
- Налшык къалэ УМВД-м и къудамэ №2-м и лэжьакIуэхэм яубзыхуащ а щIэпхъаджагъэм пыщIа, илъэс 53-рэ зи ныбжь шэджэмдэсыр. ЦIыхухъум илэжьамкIэ зиу- мысыжащ. Ар щаубыдам джэдыгур ищакIэт.
- Уголовнэ Iуэхухэр къаIэтащ УФ-м и УК-м и 158-нэ статьям ипкъ иткIэ (дыгъуэн).
- ЩIэп игъэкIырт
- Тэрч щIыналъэм и полицейхэм къыщIагъэщащ щIэп зыгъэкIыр.
- Урысей МВД-м Тэрч щIыналъэм щиIэ къудамэм и лэжьакIуэхэм Плановскэ къуажэм щыпсэум наркотикхэкIхэр зыхэлъ къэкIыгъэхэр игъэкIыу къыщIа-гъэщащ.
- Илъэс 51-рэ зи ныбжь, щIыпIэм щыпсэум и лъапсэр къыщащым, теплицэм къыщагъуэтащ афиянымэ къызыхих къэкIыгъэу 21-рэ. Ахэр бысымым удз гъагъэхэр зрасэ кхъуэщыным щигъэкIырт.
- ЦIыхухъум зэрыжиIамкIэ, ар игъэкIырт езым къигъэсэбэпын папщIэ.
- Экспертизэм къигъэлъэгъуащ ар щIэп къэкIыгъэу зэрыщытыр.
- Шэч зыхуащIым теухуа уголовнэ Iуэху къаIэтащ, УФ-м и Уголовнэ кодексым и 231-нэ статьям и 1-нэ Iыхьэм къыщыгъэлъэгъуа щIэпхъаджагъэр илэжьауэ шэч хуащIу.
- Зыгъэхьэзырар
- УЭРДОКЪУЭ Женящ.