Нобэрэ Пщэдейрэ
2020-02-18
- Мазаем и 18, гъубж
- Урысей Федерацэм и Транспорт полицэм и махуэщ
- УФ-м IэщэкIэ ЗэщIэузэда и Къарухэм дзэхэр зыхуей хьэпшыпхэмрэ ерыскъыпхъэхэмкIэ къызэзыгъэпэщ и IэнатIэм и махуэщ
- 1911 гъэм пощтыр зэбгрыхыным кхъухьлъатэ япэ дыдэу къыщагъэсэбэпащ. Ар къыщыхъуар Индиерщ: Аллахабад икIыу Наини кIуэ кхъухьлъатэм письмо мини 6,5-рэ, нэгъуэщI корреспонденцэу 250-рэ илъащ. Абыхэм ящыщ дэтхэнэми «КхъухьлъатэкIэ зэбграха япэ пощт» жиIэу мыхъур тегъэуат.
- 1924 гъэм Налшык Лениным и цIэр зезыхьэ еджапIэ къалэ цIыкIу къыщызэIуахащ.
- 1930 гъэм США-м щыщ астроном Томбэ Клайд Уильям Плутон планетэр зэрыщыIэр къихутащ.
- 1943 гъэм Адыгэ Республикэр нэмыцэ-фашист зэрыпхъуакIуэхэм къыIэщIагъэкIыжащ.
- 1945 гъэм Австрием нэмыцэхэм щаIа Матхаузен гъэрэщым фашистхэм щаукIащ генерал-лейтенант, дзэ щIэныгъэхэм я доктор, Совет Союзым и ЛIыхъужь Карбышев Дмитрий.
- 1960 гъэм США-м щыщ Скво-Вэлли щIыпIэм къыщызэIуахащ VIII ЩIымахуэ Олимп Джэгухэр. Ахэр мазаем и 28 пщIондэ екIуэкIащ. Абы щыгъуэщ биатлоныр олимп зэхьэзэхуэхэм хагъэхьэжауэ щыщытар (1948 гъэм и ужькIэ хагъэкIауэ щытащ).
- 1979 гъэм Сахарэ къумым уэс къыщесащ.
- Италием щыщ физик, химик цIэрыIуэ, электроуэздыгъэм теухуа щIэныгъэм и лъабжьэр зыгъэтIылъа Вольтэ Алессандрэ къызэралъхурэ илъэс 275-рэ ирикъуащ.
- Италием щыщ конструктор, автомобиль къыщIэзыгъэкI компание къызэзыгъэпэща Феррари Энцэ къызэралъхурэ илъэси 122-рэ ирокъу.
- Совет дзэ къулыкъущIэ, Совет Союзым и Маршал, Совет Союзым тIэунейрэ и ЛIыхъужь Тимошенкэ Семён къызэралъхурэ илъэси 125-рэ ирокъу.
- Совет къэрал, парт къулыкъущIэ, СССР-м и Совет Нэхъыщхьэм и Президиумым и УнафэщIу щыта Подгорный Николай къызэралъхурэ илъэси 117-рэ ирокъу.
- ТхакIуэ, КъБР-м щэнхабзэмкIэ щIыхь зиIэ и лэжьакIуэ Къуэдзокъуэ Хьэсэн къызэралъхурэ илъэс 85-рэ ирокъу.
- Критик, литературовед, УФ-мрэ Адыгеймрэ щIэныгъэхэмкIэ щIыхь зиIэ я лэжьакIуэ, ЩIДАА-м и академик ШащIэ Къазбэч къызэралъхурэ илъэс 81-рэ ирокъу.
- Урысей фигуристкэ, гъэсакIуэ, Олимп Джэгухэм (2002) дыжьын медаль къыщызыхьа, УФ-м спортымкIэ щIыхь зиIэ и мастер Лобачёвэ Иринэ и ныбжьыр илъэс 47-рэ ирокъу.
- Урысей теннисист, Олимп чемпион (2000), УФ-м спортымкIэ щIыхь зиIэ и мастер Кафельников Евгений и ныбжьыр илъэс 46-рэ ирокъу.
- Урысей баскетболист, Пекин щекIуэкIа Олимп Джэгухэр къыщызэIуахым УФ-м и къэрал ныпыр утыкум къизыхьа Кириленкэ Андрей и ныбжьыр илъэс 39-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык уфауэ, къешх-къесу щыщытынущ. Махуэм хуабэр градуси 4 — 6, жэщым щIыIэр 1 градус щыхъунущ.
- Мазаем и 19, бэрэжьей
- Джейхэр хъумэным и дунейпсо махуэщ
- Тыркумэным и къэрал ныпым и махуэщ
- Къыргъызым и финанс полицэм и лэжьакIуэм и махуэщ
- Армением щагъэлъапIэ тхылъхэр тыгъэ щIыным и махуэр
- Исландием и цIыхубзхэм я махуэр хуагъэлъапIэ
- США-м и президентхэм я махуэщ
- 1837 гъэм Лермонтов Михаил «УсакIуэм и лIэныгъэ» усэр, Пушкин Александр зэраукIам теухуар, итхащ.
- 1855 гъэм синоптикхэм я япэ картэр дунейм къытехьащ. Ар ищIат Париж дэт обсерваторием и унафэщI, Нептун планетэр зэрыщыIэр къэзыхута астроном Леверье Урбен.
- 1878 гъэм макъ зытх Iэмэпсымэ къызэригупсысам щыхьэт техъуэ патент иратащ США-м щыщ физик Эдисон Томас.
- 1921 гъэм Профсоюз зэгухьэныгъэхэм я союзпсо совет нэхъыщхьэм къыдигъэкI «Труд» газетым и япэ номерыр дунейм къытехьащ.
- 1926 гъэм СССР-мрэ Сауд Хьэрып Пащтыхьыгъуэмрэ дипломатие хабзэхэмкIэ зэпыщIа хъуащ.
- 1954 гъэм СССР-м и Совет Нэхъыщхьэм и Президиумым и унафэкIэ Кърым областыр РСФСР-м хагъэкIри, Украинэм иратащ.
- 1955 гъэм Москварэ Берлинрэ зэпызыщIэ гъущI гъуэгум лэжьэн щIидзащ.
- 1986 гъэм СССР-м «Мир» станцыр хьэршым иутIыпщащ. Абы зэрыщыIа илъэсипщIым щIигъум къриубыдэу станцым зызэблахъуурэ щылэжьащ къэрал 12-м щыщ космонавти 104-рэ.
- Туркмением и президенту щыта Ниязов Сапармурат къызэралъхурэ илъэс 80 ирокъу.
- Тхыдэдж, академик Успенский Фёдор къызэралъхурэ илъэси 175-рэ ирокъу.
- Композитор, уэрэджыIакIуэ, Урысей Федерацэм и цIыхубэ артист, УФ-м гъуазджэхэмкIэ щIыхь зиIэ и лэжьакIуэ Антонов Юрий и ныбжьыр илъэс 75-рэ ирокъу.
- Урысей композитор, УФ-м и цIыхубэ артист, РСФСР-м гъуазджэхэмкIэ щIыхь зиIэ и лэжьакIуэ, Москва къэрал филармонием и унафэщI Чайковский Александр и ныбжьыр илъэс 74-рэ ирокъу.
- УсакIуэ, критик, публицист Рубинштейн Лев и ныбжьыр илъэс 73-рэ ирокъу.
- Урысей уэрэджыIакIуэ, УФ-м и цIыхубэ артист Митяев Олег и ныбжьыр илъэс 64-рэ ирокъу.
- Урысей дзюдоист, Олимп чемпион (2012), Урысейм спортымкIэ щIыхь зиIэ и мастер Галстян Арсен и ныбжьыр илъэс 31-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Махуэм хуабэр градус 11 — 13, жэщым градуси 2 — 3 щыхъунущ.
- Зыгъэхьэзырар
- ЖЬЭКIЭМЫХЪУ
- Маринэщ.