ЛIыгъэм и дерс
2019-12-12
- Хэкум и ЛIыхъужьхэм я махуэм и щIыхькIэ республикэм и полицейхэм Аруан районым хыхьэ Къэхъун къуажэм дэт курыт еджапIэ №2-м щрагъэкIуэкIащ лIыгъэм и дерс.
- Абы хэтащ КъБР-м щыIэ МВД-м Экстремизмэм пэщIэтынымкIэ и центрым (ЦПЭ) и лэжьакIуэхэр, курыт еджапIэм и унафэщIхэр, Зауэм, лэжьыгъэм, къэрал кIуэцIыдзэхэмрэ Аруан район ОВД-мрэ я ветеранхэм я советым и тхьэмадэ Езий Юрий.
- ШколакIуэхэр яфIэгъэщIэгъуэну еплъащ Урысейм и ЛIыхъужьхэу генерал-майор Горшков Анатолий Пётр и къуэм — иужьрей наркомым, КъБР-м къэрал кIуэцI IуэхухэмкIэ и япэ министру щытам, милицэм и полковник КIарэ Анатолий СулътIан и къуэм — КъБР-м и МВД-м и УБОП-м и унафэщIу щытам — ятеухуауэ ирагъэлъэгъуа фильм кIэщIхэм.
- Дерсыр щекIуэкIым еджакIуэхэр еплъащ «Герои России моей», «9 декабря – День Героев Отечества в России» роликхэм, усэхэм къеджащ, сурэт щIынымкIэ зэпеуэм хэтащ.
- КъБР-м щыIэ МВД-м и ЦПЭ-м и лэжьакIуэхэм лIыхъужьыгъэ-псэкупсэ Iуэхум жыджэру хэтахэм иратащ я унафэщIым къыбгъэдэкI фIыщIэ тхылъхэр, лIыгъэм и дерсым кърихьэлIа псоми «Россия против террора» жиIэу зытет футболкэхэр, бейсболкэхэмрэ нып цIыкIухэмрэ IэщIалъхьащ.
- Зыгъэхьэзырар УАРДЭ Жантинэщ.