Мы махуэхэм
2019-12-07
- Дыгъэгъазэм и 7, щэбэт
- ЦIыхухэр къызэрырашэкI авиацэм и дунейпсо махуэщ. 1944 гъэм дыгъэгъазэм и 7-м Чикагэ (США) Iэ щытрадзащ цIыхухэр къызэрырашэкI кхъухьлъатэхэм я лэжьэкIэр зыубзыху конвенцэм.
- Урысейм и Дзэ-Хьэрш Къарухэм я инженер-авиацэ къулыкъум и лэжьакIуэхэм я махуэщ
- Къэрал Эрмитажыр къыщызэрагъэпэща махуэщ. 1764 гъэм Урысейм и пащтыхь гуащэ Екатеринэ ЕтIуанэм Бельгием, Голландием щыщ сурэтыщI зыбжанэм я IэдакъэщIэкIхэр къищэхуащ. Аращ дуней псом щыцIэрыIуэ, УФ-м и лъэпкъхэм я щэнхабзэ хъугъуэфIыгъуэ нэхъыщхьэхэм хабжэ музейм лъабжьэ хуэхъуар.
- Украинэм щIыпIэ самоуправленэмкIэ и органхэм я махуэщ
- Армением щIыр щыщыхъеям хэкIуэдахэм я фэеплъ махуэщ. 1988 гъэм дыгъэгъазэм и 7 пщэдджыжьым щIыр баллибгъу и лъэщагъыу щыхъеящ Армением и ищхъэрэ щIыналъэм. А къэхъукъащIэ шынагъуэм хэкIуэдащ цIыху мин 25-м щIигъу, мин 19-м нэблагъэ ныкъуэдыкъуэ хъуащ, псэупIэншэу къэнауэ щытащ цIыху мин 530-рэ. ЩIым щыщ хъуат Спитак къалэмрэ къуажэ 58-рэ, жылэ 300-м щIигъум зэранышхуэ хуэхъуат щIыхъейр.
- 1725 гъэм Петербург щызэхэтащ Урысейм щIэныгъэхэмкIэ и академием и япэ зэхыхьэр.
- 1732 гъэм инджылыз актёр Рич Джон къызэригъэпэщащ Лондон и Пащтыхь театрыр. Абы фIащащ здэщыт Ковент-Гарден утыкум и цIэр.
- 1877 гъэм США-м щыщ къэхутакIуэ, хьэрычэтыщIэ Эдисон Томас къигупсыса граммофоным и зэфIэкIыр игъэлъэгъуащ.
- 1934 гъэм Киров, Омск, Оренбург областхэмрэ Красноярск краймрэ къызэрагъэпэщащ.
- 1941 гъэм Япониер США-м и дзэ-тенджыз флотым и базэ нэхъыщхьэхэм я хэщIапIэ Пёрл-Харбор кхъухь тедзапIэм уащхъуэдэмыщхъуэу теуащ. Абы кхъухьрэ кхъухьлъатэу, нэгъуэщI техникэу куэд дыдэ щызэтракъутат, америкэ сэлэт мини 3,5-рэ хэкIуэдат. США-м а зэманым иIа хы Хуэм флотым и нэхъыбапIэр абдежым щыщыфIэкIуэдауэ къалъытэ.
- 1958 гъэм РСФСР-м и тхакIуэхэм я япэ съездыр къызэIуахащ.
- 1976 гъэм Тулэ «Къалэ-лIыхъужь» цIэр фIащащ.
- 1994 гъэм Осетие Ищхъэрэ — Алание Республикэм и Конституцэр къащтащ.
- Парт, къэрал къулыкъущIэу, СССР-м щэнхабзэмкIэ и министру щыта Фурцевэ Екатеринэ къызэралъхурэ илъэси 109-рэ ирокъу.
- Совет кхъухьлъатэзехуэ Будановэ Екатеринэ къызэралъхурэ илъэси 103-рэ ирокъу. Хахуагъэ къигъэлъагъуэу Хэку зауэшхуэм хэтащ ар, нэмыцэхэм я кхъухьлъатэ 11 къриудыхащ. 1943 гъэм бадзэуэгъуэм и 19-м Екатеринэ уэгум къыщебгъэрыкIуащ нэмыцэ кхъухьлъатищ. Зы истребителыр къриудыхын хузэфIэкIами, езым и кхъухьлъатэми уэгум зыщиIигъыфакъым, къехуэхри Екатерини хэкIуэдащ. УФ-м и Президентым и УказкIэ 1993 гъэм и жэпуэгъуэм Будановэ Екатеринэ Урысейм и ЛIыхъужь цIэр фIащауэ щытащ.
- Совет актёр цIэрыIуэ, РСФСР-м и цIыхубэ артист, СССР-м и Къэрал саугъэтыр зрата Вельяминов Пётр къызэралъхурэ илъэс 93-рэ ирокъу.
- Урысей музыкант, уэрэджыIакIуэ, актёр, УФ-м щIыхь зиIэ и артист Мазаев Сергей и ныбжьыр илъэс 60 ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Махуэм хуабэр градуси 2 – 3, жэщым щIыIэр градуси 5 — 4 щыхъунущ.
- Дыгъэгъазэм и 8, тхьэмахуэ
- СурэтыщIым и дунейпсо махуэщ. Ар гъэлъэпIэныр 2007 гъэм къыхилъхьауэ щытащ «Дунейм щыпсэу лъэпкъхэм я гъуазджэ» дунейпсо зэгухьэныгъэм.
- Урысей казначействэр къыщызэрагъэпэща махуэщ. 1992 гъэм УФ-м и Президент Ельцин Борис Iэ щIидзащ «Федеральнэ казначействэм теухуауэ» законым.
- Узбекистан Республикэм и лъэпкъ гуфIэгъуэщ — я Конституцэм и махуэщ
- 1832 гъэм къызэрагъэпэщащ Урысейм IэщэкIэ ЗэщIэузэда и Къарухэм я Штаб нэхъыщхьэм и Дзэ академиер.
- 1955 гъэм Европэм и Советым и ныпыр къащтащ. Иджыпсту ар Евросоюзым и ныпщ.
- 1980 гъэм рок-музыкант, уэрэджыIакIуэ цIэрыIуэ, композитор, усакIуэ, художник, «Битлз» гупым (Инджылыз) и къызэгъэпэщакIуэ икIи и пашэ Леннон Джон Нью-Йорк щаукIащ.
- 1991 гъэм РСФСР-м и Президент Ельцин Борис, Украинэм и президент Кравчук Леонид, Беларусь Республикэм и Совет Нэхъыщхьэм и УнафэщI Шушкевич Станислав сымэ Iэ щIадзащ СССР-р зэрыщымыIэжым, Къэрал Щхьэхуитхэм я Зэгухьэныгъэр (СНГ) къызэрызэрагъэпэщым теухуа зэгурыIуэныгъэм.
- УэрэджыIакIуэ, УФ-м щIыхь зиIэ и артисткэ Шэрий Иринэ къыщалъхуа махуэщ.
- Совет космонавт, авиацэм и генерал-лейтенант, Совет Союзым тIэунейрэ и лIыхъужь Шаталов Владимир и ныбжьыр илъэс 92-рэ ирокъу.
- Совет актрисэ, РСФСР-м щIыхь зиIэ и артисткэ Румяновэ Кларэ къызэралъхурэ илъэс 90 ирокъу.
- Киномрэ театрымрэ я актёр цIэрыIуэ, Урысейм и цIыхубэ артист Борисов Лев къызэралъхурэ илъэс 86-рэ ирокъу.
- СССР-ми УФ-ми я цIыхубэ артисткэ, УФ-м и Къэрал саугъэтыр плIэнейрэ зыхуагъэфэща Фрейндлих Алисэ и ныбжьыр илъэс 84-рэ ирокъу.
- Урысейм и цIыхубэ артист Стеблов Евгений и ныбжьыр илъэс 74-рэ ирокъу.
- США-м щыщ, дуней псом щыцIэрыIуэ актрисэ, «Оскар» саугъэтыр зрата Бэсинджер Ким и ныбжьыр илъэс 66-рэ ирокъу.
- Сирием щыщ адыгэ кинорежиссёр, Японием, Иракым, Иорданием щекIуэкIа кинофестивалхэм я саугъэтхэр зыхуагъэфэща Анзор Нэждэт и ныбжьыр илъэс 66-рэ ирокъу.
- Экономикэ щIэныгъэхэм я доктор, КъБКъУ-м и профессор Шыд Андемыркъан и ныбжьыр илъэс 65-рэ ирокъу.
- Урысей актрисэ, УФ-м щIыхь зиIэ и артисткэ Голуб Маринэ къызэралъхурэ илъэс 62-рэ ирокъу.
- АР-м и цIыхубэ сурэтыщI Еутых Iэсият къыщалъхуа махуэщ.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Махуэм хуабэр градуси 3 — 5, жэщым щIыIэр градуси 3 — 2 щыхъунущ.
- Дыгъэгъазэм и 9, блыщхьэ
- ЛъэпкъгъэкIуэд щIэпхъаджагъэм хэкIуэдахэр ягу къыщагъэкIыж, геноцидыр мыдэным я дунейпсо махуэщ
- Iулъхьэ тын-къеIыхыным пэщIэтыным и дунейпсо махуэщ. 2003 гъэм Меридэ къалэм (Мексикэ) щекIуэкIа конференцым Iэ щытрадзауэ щытащ Лъэпкъ Зэкъуэтхэм я Зэгухьэныгъэм Коррупцэм пэщIэтыным хуэунэтIауэ къищта Конвенцэм.
- Урысейм щагъэлъапIэ Хэкум и ЛIыхъужьхэм я махуэр
- Урысейм и гъущI гъуэгу транспортым шынагъуэншагъэм щыкIэлъыплъынымкIэ и IэнатIэр къыщызэрагъэпэща махуэщ
- 1968 гъэм къагупсысащ компьютерым пыщIауэ зэрылажьэ «дзыгъуэ цIыкIур».
- 1992 гъэм США-м щIэныгъэхэмкIэ и лъэпкъ академием къыщызэрагъэпэщащ «Сорос и Фонд» зыфIаща зэгухьэныгъэр. Ар зи жэрдэмри зи мылъкукIэ лажьэри мелардырыбжэ Сорос Джорджщ (иджыпсту абы доллар мелард 24,9-рэ иIэу къагъэлъагъуэ).
- Урысей армэм и генерал-майор, къэралым и дамыгъэ лъапIэ куэд зыхуагъэфэща Анзор Хьэту къызэралъхурэ илъэс 217-рэ ирокъу.
- Тхыдэ щIэныгъэхэм я доктор, профессор, Къэрал Эрмитажым и унафэщI Пиотровский Борис и ныбжьыр илъэс 75-рэ ирокъу.
- Америкэм щыщ актёр, продюсер, режиссёр цIэрыIуэ Малкович Джон и ныбжьыр илъэс 66-рэ ирокъу.
- Медицинэ щIэныгъэхэм я доктор, КъШКъУ-м и профессор Шауэхужь Замир и ныбжьыр илъэс 57-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Махуэм хуабэр градуси 4 — 5, жэщым щIыIэр градуси 3 — 2 щыхъунущ.