Нобэрэ пщэдейрэ
2019-10-22
- Жэпуэгъуэм и 22, гъубж
- ЩыпсалъэкIэ зэIынэ цIыхухэм я дунейпсо махуэщ
- УФ-м IэщэкIэ ЗэщIэузэда и Къарухэм и финанс-экономикэ IэнатIэм и махуэщ
- 1612 гъэм Минин Кузьма, Пожарский Дмитрий, Черкасский Михаил сымэ зи пашэ урысеидзэм лыхьхэр (полякхэр) Москва дахужащ.
- 1721 гъэм Урыс сенатым пащтыхьыцIэр игъэкIуэдыжри, Пётр Езанэр Урысейм и император ищIащ.
- 1730 гъэм Ладогэ псыдэжыпIэр къызэIуахащ.
- 1883 гъэм Нью-Йорк къыщызэIуахащ дунейм и театр нэхъ ин дыдэхэм ящыщ зыр — Метрополитен-оперэ жыхуиIэр.
- 1938 гъэм США-м щыщ къэхутакIуэ Карлсон Честер дунейм щыяпэу ксерокопие зэращI Iэмэпсымэр зэпкърилъхьащ.
- 1941 гъэм СССР-м ЗыхъумэжыныгъэмкIэ и къэрал комитетым унафэ къищтащ зыхъумэжыныгъэмкIэ къалэ комитетхэр Севастополь, Сталинград, Тулэ, Ростов, Курск — псори зэхэту къалэ 46-м къыщызэрагъэпэщыну.
- 1962 гъэм щIидзащ тхыдэм «Кариб кризис» жиIэу хыхьа, США-мрэ СССР-мрэ яку къыдэхъуа зэпэщIэтыныгъэм. Ар къызытехъеикIар Совет Союзым и дзэхэр Кубэм игъэкIуауэ, и Iэщэхэр, ядернэхэри яхэту, иригъэшауэ зэрыщытарщ.
- 1987 гъэм усакIуэ Бродский Иосиф литературэм щиIэ зэфIэкIхэм папщIэ Нобель и саугъэтыр къыхуагъэфэщащ.
- 1990 гъэм Горький къалэм и пасэрей цIэр — Новгород Ищхъэрэр — игъуэтыжащ. Къалэм и лъабжьэр 1221 гъэм ягъэтIылъауэ щытащ.
- Мэжэр (венгр) музыкант, композитор цIэрыIуэ Лист Ференц къызэралъхурэ илъэс 208-рэ ирокъу.
- Адыгэ узэщIакIуэ цIэрыIуэ ХьэтIохъущокъуэ Къазий къызэралъхурэ илъэси 178-рэ ирокъу.
- Франджы актрисэ цIэрыIуэ Бернар Сарэ къызэралъхурэ илъэси 175-рэ ирокъу.
- Урысей тхакIуэшхуэ, Нобель и саугъэтым и лауреат Бунин Иван къызэралъхурэ илъэси 149-рэ ирокъу.
- Совет футболист, тренер, СССР-м спортымкIэ щIыхь зиIэ и мастеру щыта Старостин Андрей къызэралъхурэ илъэси 113-рэ ирокъу.
- Театрымрэ киномрэ я актёр, УФ-м и цIыхубэ артист Мишулин Спартак къызэралъхурэ илъэс 93-рэ ирокъу.
- КъБР-м и цIыхубэ тхакIуэ, УФ-м щэнхабзэмкIэ щIыхь зиIэ и лэжьакIуэ Къэрмокъуэ Мухьэмэд къызэралъхурэ илъэс 90 ирокъу.
- Футболист, гъуащхьэтет, 1956 гъэм Мельбурн (Австралие) щекIуэкIа ХVI Гъэмахуэ Олимп Джэгухэм я чемпион Яшин Лев къызэралъхурэ илъэс 90 ирокъу.
- Италием щыщ уэрэджыIакIуэ цIэрыIуэ Лоретти Робертинэ и ныбжьыр илъэс 72-рэ ирокъу.
- Мэкъумэш щIэныгъэхэм я доктор, КъБКъМУ-м и профессор, КъБР-м мэкъумэш хозяйствэмкIэ щIыхь зиIэ и лэжьакIуэ Уэлджыр Мушэхьид и ныбжьыр илъэс 86-рэ ирокъу.
- Франджы актрисэ, дунейпсо кинематографым и вагъуэу къалъытэ Денёв Катрин и ныбжьыр илъэс 76-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 15 — 17, жэщым градуси 6 — 8 щыхъунущ.
- Жэпуэгъуэм и 23, бэрэжьей
- Щомыщ хужьым и дунейпсо махуэщ
- Венгрием щагъэлъапIэ Республикэм и махуэр
- Урысейм щагъэлъапIэ рекламэ IэнатIэм щылажьэхэм я махуэр
- 1814 гъэм инджылыз хирург Карпю Джозеф Лондон къалэм щригъэкIуэкIащ дунейм щыяпэ пластикэ операцэ.
- 1914 гъэм Япэ дунейпсо зауэм инджылызхэм къыщагъэсэбэпат зи калибрыр мм 457-рэ хъу топ. Абы тонни 127-рэ и хьэлъагът.
- 1914 гъэм Москва Щукиным и цIэр зезыхьэ театральнэ училищэр къыщызэIуахащ.
- 1946 гъэм ООН-м и Ассамблее Нэхъыщхьэм и япэ зэхуэсыр екIуэкIащ.
- 1953 гъэм Сахаров Андрей СССР-м ЩIэныгъэхэмкIэ и академием и действитель-нэ члену хахащ.
- 1956 гъэм Венгрием зыкъыщаIэтащ совет къэрал ухуэкIэр зымыдэхэм.
- 1974 гъэм Дунейпсо Олимп Комитетым Венэ (Австрие) щригъэкIуэкIа 75-нэ сессием унафэ къыщащтащ ХХII Гъэмахуэ Олимп Джэгухэр СССР-м и къалащхьэ Москва щегъэкIуэкIыным теухуауэ.
- 1995 гъэм Инджылызым щыщ дохутыр Уэстеби Стивен цIыхугум и пIэкIэ токкIэ лажьэ гу япэу ирилъхьат.
- 2002 гъэм Москва и Дубровкэ щIыпIэм щыIэ театр центрым теракт щалэжьащ. Шэшэн щIэпхъаджащIэ 50 ятеуэри, «Норд-Ост» мюзиклым еплъу абы щIэс цIыху 700-м щIигъур абы щIаубыдащ. Урысейм и дзэхэр Шэшэным кърашыжыну къэзыгъэува гупым зыкIи ягурымыIуэу, Iуэхум хабзэхъумэ IэнатIэхэр хыхьэн хуей хъури, унэм ебгъэрыкIуащ. Абы щыгъуэ цIыху мамыру 130-рэ хэкIуэдауэ щытащ.
- Урысей император Пётр ЕтIуанэр къызэралъхурэ илъэс 304-рэ ирокъу.
- Италием щыщ сабий тхакIуэ цIэрыIуэ Родари Джанни къызэралъхурэ илъэс 99-рэ ирокъу.
- Совет композитор, уэрэдус, УФ-м и цIыхубэ артист Саульский Юрий къызэралъхурэ илъэс 91-рэ ирокъу.
- Бразилием щыщ футболист цIэрыIуэ, дунейм и чемпион щэнейрэ хъуа, «Футболым и пащтыхь» цIэ леймкIэ зэджэу щыта Пеле и ныбжьыр илъэс 79-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 14 — 16, жэщым градуси 6 — 8 щыхъунущ.