Мы махуэхэм
2019-10-19
- Жэпуэгъуэм и 19, щэбэт
- Лицейм щеджэхэм я урысейпсо махуэщ
- Къэзахъстаным къегъэлакIуэм и махуэр щагъэлъапIэ
- Молдовэм и юристхэм я махуэщ
- 1097 гъэм Мономах Владимир Урысейр пщыгъуэ-пщыгъуэу гуэшыныр къыхилъхьэри, абы арэзы дэхъуащ къэралым и пщышхуэхэм я советыр.
- 1812 гъэм Бонапарт Наполеон и дзэр ихъумэн мурадкIэ Москва дэкIыжащ.
- 1872 гъэм Австралием къыщагъуэтащ дунейм щынэхъ ин дыдэ дыщэ кIанэр. Абы килограмм 214-рэ грамм 32-рэ и хьэлъагът.
- 1879 гъэм Америкэм щыщ электротехник Эдисон Томас ищIа уэздыгъэ лампIыр зищIысыр цIыхухэм яригъэлъэгъуащ.
- 1941 гъэм Москва щытыкIэ къызэрымыкIуэ щагъэуващ, къалэм нэмыцэдзэхэр гъунэгъу къызэрыхуэхъум къыхэкIыу.
- 1943 гъэм Америкэм щыщ щIэныгъэлI Ваксман Зельман и лабораторэм стрептомицин антибиотикыр щызэхалъхьащ.
- 1960 гъэм США-м и правительствэм унафэ къищтащ Кубэм сату дэмыщIыным, абы экономикэ блокадэ ещIылIэным теухуауэ.
- 1985 гъэм Мэлбахъуэ Тимборэ и къулыкъум текIащ.
- РСФСР-м и цIыхубэ артисткэ Болотовэ Жаннэ и ныбжьыр илъэс 78-рэ ирокъу.
- Мексикэм щыщ актрисэ, уэрэджыIакIуэ, ди телевизореплъхэми фIыуэ яцIыху Кастрэ Вероникэ и ныбжьыр илъэс 67-рэ ирокъу.
- Техникэ щIэныгъэхэм я доктор, КъБКъУ-м и профессор ЛIыбекъуэ Алексей и ныбжьыр илъэс 63-рэ ирокъу.
- Мэкъумэш щIэныгъэхэм я доктор, КъБКъМУ-м и профессор Шыгунэ Владимир и ныбжьыр илъэс 61-рэ ирокъу.
- Америкэм щыщ боксёр цIэрыIуэ, дунейм и чемпион мызэ-мытIэу хъуа, Олимп джэгухэм жэз медаль къыщызыхьа Холифилд Эвандер и ныбжьыр илъэс 57-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 18 — 20, жэщым градуси 9 — 11 щыхъунущ.
- Жэпуэгъуэм и 20, тхьэмахуэ
- Статистикэм и дунейпсо махуэщ
- Авиадиспетчерым и дунейпсо махуэщ
- ПщафIэм и дунейпсо махуэщ
- ЦIыхур тхышэ зыщI узыфэм пэщIэтыным и дунейпсо махуэщ
- УФ-м и ерыскъыпхъэ промышленностым и лэжьакIуэхэм я махуэщ
- УФ-м и гъуэгу IэнатIэм и лэжьакIуэхэм я махуэщ
- УФ-м и Дзэ связистым и махуэщ
- Сербием щагъэлъапIэ Белград къалэр хуит къыщащIыжа махуэр.1944 гъэм советыдзэхэмрэ Югославием и партизанхэмрэ Белград къалэр нэмыцэ зэрыпхъуакIуэхэм къыIэщIагъэкIыжащ.
- 1714 гъэм Пётр Езанэм къыдигъэкIащ мывэм къыхэщIыкIа унэхэр Урысейм щемыгъэухуэным теухуа унафэ. Мывэ унэхэр щащIыну пащтыхьым хуит ищIыр, уеблэмэ ар къалэну щигъэувар Санкт-Петербург къалэм и закъуэт. Урысейм и щIыпIэ куэдым щыщ мыващIэхэр, лэжьапIэншэу къэна нэужь, къалащхьэщIэм зэрыхьу ар нэхъ екIу, нэгъуэщI къэралхэм я щыхьэрхэм зыкIи къакIэрымыху абыхэм яригъэщIынырт Пётр Езанэм ищIа унафэм и мурад нэхъыщхьэр.
- 1880 гъэм Москва циркыр къызэIуахащ.
- 1930 гъэм РСФСР-м щыщ Красноярск крайм хыхьэу къызэрагъэпэщащ Хакасскэ автономнэ областыр. Иджыпсту УФ-м хыхьэ Хакасие Республикэщ.
- 1938 гъэм Приморскэ, Хабаровскэ крайхэр къызэрагъэпэщащ.
- 1956 гъэм СССР-м и Совет Нэхъыщхьэм и Президиумым унафэ къищтащ «ЩIыщIэхэр къызэраIэтам папщIэ» медалыр гъэувыным теухуауэ.
- 1970 гъэм «Спортлото» лотереем и япэ гъэджэгугъуэр екIуэкIащ.
- 2000 гъэм Шэджэм къуажэр къалэ хъуащ.
- Москварэ Владимиррэ я пщышхуэ Донской Дмитрий къызэралъхурэ илъэс 669-рэ ирокъу.
- Къэрал лэжьакIуэ, политик, Социалист Лэжьыгъэм и ЛIыхъужь, СССР-м и Совет Нэхъыщхьэм и зэхуэсыгъуитхум я депутату щыта Тэрчокъуэ Къамболэт къызэралъхурэ илъэси 108-рэ ирокъу.
- Совет актёр, режиссёр, егъэджакIуэ, СССР-м и цIыхубэ артист Горбачёв Игорь къызэралъхурэ илъэс 92-рэ ирокъу.
- Химие щIэныгъэхэм я доктор, КъБКъУ-м и профессор, ЩIДАА-м и академик, КъБР-м щIэныгъэхэмкIэ щIыхь зиIэ и лэжьакIуэ Шурдым Гъэзалий къызэралъхурэ илъэс 85-рэ ирокъу.
- Къэрал, жылагъуэ лэжьакIуэ, КъБР-м щIыхь зиIэ и юрист Жыгун Хьэту къызэралъхурэ илъэс 83-рэ ирокъу.
- Биологие щIэныгъэхэм я доктор, КъБКъУ-м и профессор Къущхьэ Хъусен и ныбжьыр илъэс 81-рэ ирокъу.
- УсакIуэ, егъэджакIуэ, АР-м щIыхь зиIэ и егъэджакIуэ Мэхъуэш Руслан и ныбжьыр илъэс 79-рэ ирокъу.
- Урысей тележурналист, публицист, жылагъуэ лэжьакIуэ Соловьев Владимир и ныбжьыр илъэс 56-рэ ирокъу.
- «Адыгэ псалъэ» газетым и корреспондент ТекIужь Заретэ къыщалъхуа махуэщ.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 18 — 22-рэ, жэщым градуси 10 — 12 щыхъунущ.
- Жэпуэгъуэм и 21, блыщхьэ
- Инджылызым щагъэлъапIэ мыIэрысэм и махуэр
- 1520 гъэм Португалием щыщ зыплъыхьакIуэ Магеллан Фернан хы Щэхумрэ Атлантикэ хымрэ я псыдэжыпIэр къихутащ, иужькIэ абы езым и цIэр фIащыжащ.
- 1899 гъэм Владивосток къыщызэIуахащ КъуэкIыпIэ институтыр, иджыпсту ар КъуэкIыпIэ Жыжьэ федеральнэ университетырщ.
- 1935 гъэм Германиер Лъэпкъхэм я Лигэм къыхэкIыжащ.
- 1945 гъэм Франджым цIыхубзхэми хэхыныгъэхэм Iэ щаIэтыну япэу хуит щащIащ.
- 1958 гъэм Инджылызым и Парламентым и лордхэм я палатэм япэу цIыхубз хахащ.
- 1994 гъэм Къэрал Думэм УФ-м и Граждан кодексыр къищтащ.
- 1994 гъэм Урысей телевиденэм и академием илъэс къэс ятыну «ТЭФИ» саугъэтыр игъэуващ.
- 1997 гъэм Солженицын Алек-сандр и цIэр зезыхьэ Литературэ саугъэтыр ягъэуващ.
- 1997 гъэм Къэзахъстаным и президент Назарбаев НурсулътIан Iэ щIидзащ къэралым и къалащхьэщIэу Акмола къалэр къызэрыхахам теухуа унафэм. ИужькIэ абы и цIэр Астана жиIэу зэрахъуэкIащ.
- 2010 гъэм Собянин Сергей Москва къалэм и Iэтащхьэу ягъэуващ.
- Швецием щыщ химик, инженер, динамитыр къэзыгупсыса, езым и цIэр зезыхьэ саугъэтыр зыгъэува Нобель Альфред къызэралъхурэ илъэси 186-рэ ирокъу.
- Актрисэ, Урысей Федерацэм щIыхь зиIэ и артисткэ Санаевэ Еленэ и ныбжьыр илъэс 77-рэ ирокъу.
- Израилым и премьер-министр Нетаньяху Биньямин и ныбжьыр илъэс 70 ирокъу.
- Кинорежиссёр, актёр, продюсер, РСФСР-м и цIыхубэ артист, «Хэкум и пащхьэм щиIэ фIыщIэхэм папщIэ» орденым и нагъыщэ псори зрата Михалков Никитэ и ныбжьыр илъэс 74-рэ ирокъу.
- Физик цIэрыIуэ, Нобель и саугъэтыр зыхуагъэфэща, Налшык дэт курыт школ №3-р дыщэ медалкIэ къэзыуха Гейм Андрей и ныбжьыр илъэс 61-рэ ирокъу.
- УФ-м щIыхь зиIэ и дохутыр КIуэкIуэ Аслъэн и ныбжьыр илъэс 56-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэрмахуэм градус 16 — 18, жэщым градус 11 — 12 щыхъунущ.