Жэз медалыр къехь
2019-08-29
- Минск дэт спорт уардэунэм щекIуэкIащ алыдж-урым бэнэкIэмкIэ XXVI дунейпсо рейтинг зэхьэзэхуэр. Ар фэеплъ хуащIащ япэ белорус бэнакIуэ, Олимп чемпион Караваев Олег.
- Урысейм и командэ нэхъыщхьэм хэту Белоруссием и къалащхьэм щыбэнащ Къэбэрдей-Балъкъэрым щыщ КъуийцIыкIу Ахьмэд. ПэщIэдзэ зэIущIэхэр фIы дыдэу езыгъэкIуэкIа ди лъэпкъэгъур финал ныкъуэ зэпэщIэтыныгъэм къыщыхигъэщIащ иужькIэ пашэныгъэр зыубыда хэгъэрей Лях Павел. «Финал цIыкIум» КъуийцIыкIур щытекIуащ Китайм къикIа Чанг Хаюн икIи жэз медалыр къихьащ.
- ЖЫЛАСЭ Замир.