Къуажэ еджапIэхэм къыщызэIуахынущ
2019-08-15
- Къэбэрдей-Балъкъэрым и къуажэ еджапIэхэр я лъабжьэу къызэрагъэпэщынущ «Технология», «Информатика», «Основы жизнедеятельности» унэтIыныгъэхэр зиIэ «Зыужьыныгъэм и къежьапIэ» центр 27-рэ.
- А проектым ипкъ иткIэ щIыналъэхэм я егъэджэныгъэ IуэхущIапIэхэм яIэрыхьэнущ 3D-Iэмэпсымэхэр, квадрокоптерхэр, шахматхэм зэрыхуагъасэ комплектхэр, интерактив комплексхэр.
- Технологие лъагэр зи лъабжьэ Iэмалхэр къэгъэсэбэпыныр щIэгъэкъуэнышхуэ хъунущ бжыгъэ, гуманитар унэтIыныгъэхэмкIэ предметхэм еджакIуэхэр нэхъ хэгъуэзэнымкIэ, 3D-Iэмэпсымэхэр, компьютеркIэ итхъэныр, бжыгъэ технологиехэр къадэIэпыкъунущ зыубгъуауэ икIи куууэ гупсысэнымкIэ.
- «Зыужьыныгъэм и къежьапIэ» лэжьыгъэм хэтыну егъэджакIуэхэр иджыпсту абы хуагъасэ.
- Центрхэр къызэIухыныр ирагъэкIуэкI «Егъэджэныгъэ» лъэпкъ проектым хыхьэу Урысей Федерацэм и Президент Путин Владимир и Унафэм тету. Урысейм ЩIэныгъэ егъэгъуэтынымкIэ и министерствэм Къэбэрдей-Балъкъэрри хигъэхьащ программэщIэр щагъэунэхуну яубзыхуа щIыпIэхэм.
- КъБР-м и Iэтащхьэмрэ Правительствэмрэ я пресс-IуэхущIапIэ.