ДгъэлъэпIэнущ фи цIэр
2019-05-21
- Бемырзэ Мухьэдин
- Ди шыпхъухэ, дядэ-анэхэ, ди къуэшхэ,
- ЩIы фIыцIэр жэнэт пщIащэ зыхуэхъун,
- Насыпыр лъэпкъ къабзагъэкIэ ягуэштэм,
- ЩымыIэт хьэрхуэрэгъу фэ къыфхуэхъун.
- Фи лIыгъэкIэ фэ псоми фраплъапIэт,
- Фи хабзэкIэ Кавказым фрищIыхьт,
- Фи Хэкум къизышием зэ и лъапэ
- Къыщыхъурт илъэгъуахэр жэнэт пщIыхь.
- АрщхьэкIэ пцIыр здэуэркъ мы дунеижьу,
- Здэмысэу хейхэр, мысэхэр здэхейм,
- Лъыпсае зауэм къыфхукъуэури и жьыр,
- ИщIащ фи натIэу щыIэм я нэхъ Iейр.
- Иныкъуэр фикIуэдащ зэуапIэ губгъуэм,
- Иныкъуэр гъеймрэ узымрэ фихьащ.
- Абыхэм къащIэнар ищхъэрэ жьыбгъэм
- Зэрыдунейуэ дыщрикъухьащ.
- Дэ дыпсэухукIэ дгъэлъэпIэнущ фи цIэр,
- ФлъэкIащи фи псэ къабзэхэр щIэфтын,
- КъарукIэ къывэбэкI хамэдзэ фIыцIэм
- Лъэпкъ щIыхьыр имыщIыным лъэгущIэтын.
- Лъэпкъ щIыхьым зи псэр шэпэIудз хуэзыщIу,
- ЯукIыхункIэ бийм хуимыкIуэтахэм,
- Хьэжрэту мыжурэпэм ирихужьэу,
- ИстамбылакIуэ гъуэгум текIуэдахэм
- Щана псэ нэхухэм я фэеплъщ мы сынри.
- Адыгэ, зэтеувыIи, хуэгумэщI…
-
Къэбэрдей зауэлI. Сурэтыр Гагарин Григорий ищIащ. 1842 гъэ
-
Адыгэ зауэлIхэр бгым къох. Сурэтыр Грузинский Павел ищIащ. 1852 гъэ
-
Iэнапэ щыщ адыгэ зауэлI. Сурэтыр Гагарин Григорий ищIащ. 1840 гъэ