Зыри къащыгъупщакъым
2019-01-15
- КъБР-м и спорт адаптивнэ школым екIуалIэ зи узыншагъэм щыщIэныгъэ зиIэ сабийхэм папщIэ ИлъэсыщIэм ирихьэлIэу Къэбэрдей-Балъкъэрым СпортымкIэ и министерствэм гуфIэгъуэ зэхыхьэ щекIуэкIащ.
- Сабийхэм, абыхэм я адэ-анэхэм, тренер-егъэджакIуэхэм ИлъэсыщIэмкIэ ехъуэхъуащ республикэм спортымкIэ и министрым и къуэдзэ Анаев Аслъэн. КъБР-м и министерствэхэмрэ ведомствэхэмрэ я лIыкIуэхэм ягъэзэщIащ школым и гъэсэнхэм я хъуэпсапIэ куэд.
- Махуэшхуэм и программэм къызэщIиубыдащ зэпеуэ, зэхьэзэхуэ зэмылIэужьыгъуэхэр, IэфIыкIэ куэду зытет Iэнэр цIыкIухэм къыхуагъэуващ, уэрэдхэмрэ къафэхэмкIэ гъэнщIа концерт къызэрагъэпэщащ. Спортым ехъулIэныгъэ хэха зэрыщызыIэрагъэхьам папщIэ щIыхь тхылъхэр иратащ къыхэжаныкIа сабийхэмрэ абыхэм я адэ-анэхэмрэ.
- Пшыхьым и кIэухыу кърагъэблэгъахэм IэфIыкIэхэмрэ саугъэт цIыкIухэмрэ ира-тащ.
- ЖЫЛАСЭ Замир.