Лъэпкъ уэрэдхэм я зэфIэкIыр
2018-08-18
- Лъэпкъ уэрэдхэм я «Этновидение-2019» япэ урысейпсо телевизионнэ фестивалыр ирагъажьэ.
- Ди къэралым щыпсэу лъэпкъхэм я уэрэд щэнхабзэ зэмылIэужьыгъуэр утыку къызэрырахьэнум мыхьэнэшхуэ иIэщ анэдэлъхубзэхэр хъумэнымкIэ, щIалэгъуалэм ар яIурылъ къудей мыхъуу, фIыуэ ялъагъунымкIэ.
- Фестивалым хэтын папщIэ абы и къызэгъэпэщакIуэхэм ирагъэблагъэ УФ-м и щIыналъэхэм я щэнхабзэ IуэхущIапIэхэри, лъэпкъ-щэнхабзэ щIыналъэ зэгухьэныгъэхэри, профессиональнэ гупхэри, езыр-езыру зызыгъэсэжахэри, зи уэрэд жыIэкIэ щхьэхуэ зиIэжхэри.
- Фестивалым хэтынухэр къыщыхах зэIущIэхэр 2018 гъэм шыщхьэуIум и 1 — дыгъэгъазэм и 30-хэм щекIуэкIынущ муниципальнэ щIыналъэхэмрэ апхуэдэ зэхыхьэхэр щызэхашэну хуит ящIа хэгъэгухэмрэ.
- ЛъэIу тхылъхэр ебгъэхь хъунущ икIи фестивалыр зэрекIуэкIыну щIыкIэм нэхъ зыубгъуауэ зыщыщыбгъэгъуэзэфынущ http: //etnovision.ru/.сайтым.
- Фестивалым и кIэух гала-концертыр 2019 гъэм накъыгъэм и 21-м екIуэкIынущ, ар эфир занщIэкIэ телевизорым къигъэлъэгъуэнущ. Пшыхьыр къатыху, абы еплъхэм ягу ирихьым Iэ хуаIэт хъунущ.
- ИСТЭПАН Залинэ.