Мы махуэхэм
2018-07-05
- Бадзэуэгъуэм и 5, махуэку
- Армением и Конституцэм и махуэщ
- Аргентинэм щагъэлъапIэ Сабийхэм я махуэр
- Венесуэлэм и щхьэхуитыныгъэм и махуэщ. Америкэ Ипщэм Испанием щиIа колониехэм ящыщу Венесуэлэращ щхьэхуит хъуным и Iуэху япэу зезыхуар икIи 1811 гъэм ар абы къехъулIащ.
- Брянск, Калугэ, Новгород областхэр къыщызэрагъэпэща махуэщ (1944 гъэм)
- 1829 гъэм Урал щIыналъэм и къухьэпIэмкIэ Урысейм щыяпэу налмэс зыщIэлъ щIыпIэ къыщагъуэтауэ щытащ.
- 1841 гъэм инджылыз Кук Томас дунейм щыяпэу турист агентствэ къызэIуихащ.
- 1921 гъэм къэрал IуэхущIапIэхэр цIыху щхьэхуэхэм бэджэнду къащтэну хуит зэращIым теухуа унафэ совет Урысейм къыщащтащ.
- 1924 гъэм Париж къыщызэIуахащ VIII гъэмахуэ Олимп джэгухэр.
- 1943 гъэм Курск деж щекIуэкIа зауэшхуэм щIидзащ. Хэку зауэшхуэм и зэманым щыIа зэпэщIэтыныгъэ нэхъ гуащIэ дыдэхэм хабжэ а зауэр шыщхьэуIум и 23 пщIондэ екIуэкIащ.
- 1957 гъэм Налшык Лениным и фэеплъ къыщызэIуахащ.
- 1978 гъэм СССР-м Къэрал шынагъуэншагъэмкIэ и комитетыр СССР-м и Министрхэм я Советым и унафэм къыщIагъэкIащ.
- 1995 гъэм «Си Москва» уэрэдыр УФ-м и къалащхьэм и гимну къащтащ. Абы и псалъэхэр ятхащ усакIуэхэу Лисянский Марк, Агранян Сергей сымэ, макъамэр композитор Дунаевский Исаак ейщ.
- Къэбэрдейм и пщы уэлий ХьэтIохъущокъуэ Кургъуокъуэ къызэралъхурэ илъэс 355-рэ ирокъу.
- Урысей дзэзешэ, адмирал Нахимов Павел къызэралъхурэ илъэс 216-рэ ирокъу.
- Шэрджэс тхакIуэ Абыкъу Хъалид къызэралъхурэ илъэси 118-рэ ирокъу.
- Совет режиссёр, Гуащэхэм я театр нэхъыщхьэм и унафэщIу илъэс куэдкIэ лэжьа Образцов Сергей къызэралъхурэ илъэси 117-рэ ирокъу.
- Филологие щIэныгъэхэм я доктор, КъБКъУ-м и профессор, ЩIДАА-м и академик Апажэ Мухьэмэд и ныбжьыр илъэс 88-рэ ирокъу.
- Медицинэ щIэныгъэхэм я доктор, ЩIДАА-м и академик Даут Юрий и ныбжьыр илъэс 77-рэ ирокъу.
- КъБР-м щIыхь зиIэ и юрист, СССР-м спортымкIэ щIыхь зиIэ и мастер Алий Сулеймэн и ныбжьыр илъэс 72-рэ ирокъу.
- КъШР-м и ЦIыхубэ Зэхуэсым и депутат, «Абазашта» газетым и редак-тор нэхъыщхьэ, КъШР-м щIыхь зиIэ и журналист Къул Фардаус къыщалъхуа махуэщ.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, уэшх тIэкIу къыщешхынущ. Хуабэр махуэм градус 21 — 22-рэ, жэщым градус 19 — 20 щыхъунущ.
- Бадзэуэгъуэм и 6, мэрем
- Къэзахъ Республикэм щагъэлъапIэ я къалащхьэ Астана и махуэр
- 1557 гъэм Къэбэрдейр езым фIэфIу Урысейм гухьащ.
- 1661 гъэм Иркутск къалэм и лъабжьэр ягъэтIылъащ.
- 1785 гъэм США-м и Конгрессым унафэ къищтащ долларыр америкэ ахъшэу гъэувыным теухуауэ.
- 1803 гъэм Санкт-Петербург къыщызэрагъэпэщащ мафIэсгъэункIыфI гуп.
- 1912 гъэм Швецием и къалащхьэ Стокгольм къыщызэIуахащ V гъэмахуэ Олимп джэгухэр. ИпэжыпIэкIэ зэхьэзэхуэхэр екIуэкIащ мэлыжьыхьым къыщыщIэдзауэ.
- 1923 гъэм къару игъуэтащ СССР-р къызэгъэпэщынымрэ абы и Конституцэр къэщтэнымрэ теу-хуа унафэм. СССР-м и ЦIыхубэ Комиссархэм я Советымрэ (Правительствэр) наркоматхэмрэ къызэрагъэпэщащ.
- 1957 гъэм КъБАССР-м и Совет Нэхъыщхьэм и гуфIэгъуэ сессие зэхэтащ. Ар теухуауэ щытащ Къэбэрдейр езым фIэфIу Урысейм зэрыгухьэрэ илъэс 400 зэрырикъуам икIи республикэм Ленин орденыр етIуанэу къызэрыратам.
- 1997 гъэм Къэзахъстаным и парламентым унафэ къищтащ я къалащхьэр Алма-Ата ирахыу Акмола (иджы абы зэреджэр Астанащ) яхьыным теухуауэ.
- 2009 гъэм Москва къэкIуащ США-м и президент Обамэ Барак.
- 2013 гъэм Къэзан къыщызэIуахащ ХХVII дунейпсо гъэмахуэ Универсиадэр.
- Урысей император Николай Езанэр къызэралъхурэ илъэс 222-рэ ирокъу.
- Къэзахъ Республикэм и президент Назарбаев НурсулътIан и ныбжьыр илъэс 78-рэ ирокъу.
- Урысей опернэ уэрэджыIакIуэ, СССР-м и цIыхубэ артисткэ Синявская Тамарэ и ныбжьыр илъэс 75-рэ ирокъу.
- Америкэм щыщ актёр цIэрыIуэ, режиссёр, сценарист, фильм 50-м щIигъум щыджэгуа Сталлоне Сильвестр и ныбжьыр илъэс 72-рэ ирокъу.
- США-м и президенту щыта Буш Джордж—нэхъыщIэм и ныбжьыр илъэс 72-рэ ирокъу.
- КъБР-м щыщ спортсмен, СССР-м спортымкIэ щIыхь зиIэ и мастер, 1980 гъэм Москва щекIуэкIа Олимп Джэгухэм я чемпион Рогожин Сергей къызэралъхурэ илъэс 62-рэ ирокъу.
- Экономикэ щIэныгъэхэм мя доктор, КъБКъМУ-м и профессор Мысачэ Валерий и ныбжьыр илъэс 61-рэ ирокъу.
- Техникэ щIэныгъэхэм я доктор, КъБКъМУ-м и профессор Сэхъурокъуэ Анатолий и ныбжьыр илъэс 58-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, уэшх къыщешхынущ. Хуабэр махуэм градус 20 — 21-рэ, жэщым градус 18 — 19 щыхъунущ.