Сабийхэр ягъэгушхуэ
2018-01-23
- Гуэдзэн щIэныгъэ щрагъэгъуэту Налшык дэт «Эрудит» IуэхущIапIэхэм хабзэ дахэ хъуауэ къыдокIуэкI ныкъуэдыкъуагъ зыбгъэдэлъ сабийхэм папщIэ нэгузыужь пшыхьхэр къызэгъэпэщыныр.
- Зэхуэсхэр щагъэхьэзыракIэ, сабийхэм я адэ-анэхэм йочэнджэщ-ри, цIыкIухэм яфIэфI уэрэдхэр, дэзыхьэх джэгукIэхэр хагъэхьэ. Мы зи чэзу зэхыхьэм сабий 15 кърашэлIат центрым и лэжьакIуэхэм куэд щIауэ яцIыху защIэу.
- ХьэщIэхэмрэ бысымхэмрэ зэгъусэу уэрэд жаIащ, къэфащ, иужькIэ акъылым зезыгъэужь джэгукIэхэм я зэфIэкI щагъэлъэгъуащ. КъахэжаныкIа цIыкIухэм тыгъэхэр иратащ. КъызэгъэпэщакIуэхэм зэрыжаIэмкIэ, зы махуэшхуи къанэркъым зи узыншагъэр мыщIагъуэ сабий ямыгъэгушхуэу, абыхэм зыщыгуфIыкIын саугъэтхэмкIэ пэмыIэбэу. Мы гъэми пащэнущ псапащIэ Iуэхум.
- Шэрэдж Дисэ