Къэбэрдей-Балъкъэр Республикэм и Iэтащхьэ КIуэкIуэ Юрий Урысейм и махуэм ирихьэлIэу цIыхухэм зэрехъуэхъур
2017-06-10
- Къэбэрдей-Балъкъэрым и цIыхухэу пщIэ зыхуэсщIхэ!
- Си гуапэу сынывохъуэхъу Урысейм и махуэмкIэ!
- Мы гуфIэгъуэ махуэм къызэщIеубыдэ Хэкум, хэкур фIыуэ лъагъунымрэ лъэпкъ зэкъуэтыныгъэмрэ ехьэлIа лъапIагъэхэр, къегъэлъагъуэ ди къэралым — Урысейм — худиIэ хуабагъымрэ гухэлъ IэфIхэмрэ, абы и нобэмрэ пщэдеймрэ, дэ тфIэлъапIэ псомкIи ди жэуаплыны-гъэр. Ар и нэщэнэщ ди къэралым лIэщIыгъуэ куэдкIэ къикIуа гъуэгуанэм, лъэпкъ куэду зэхэт цIыхубэм и зэхуэдэ гъащIэм, зы щIэблэм адрейм иритыжу къыддекIуэкI мамырыгъэрэ зэгурыIуэныгъэрэ дяку дэлъу дызэдэпсэуным, дыщалъхуа Хэкум дыхуэсакъыным. Дызэкъуэтмэщ дэ Урысейр иджырей, экономикэ лъэщ зиIэ къэрал щытщIыфынур.
- Шэч хэлъкъым, Къэбэрдей-Балъкъэрым и цIыхубэр Урысей Федерацэ зэкъуэтым икIи лъэщым хэту экономикэмрэ социальнэ зыужьыныгъэмрэ я лъагапIэщIэхэм зэрынэсынум.
- Мамырыгъэ, насып, гуапагъэ, зэIузэпэщыныгъэ фиIэну сынывохъуэхъу.