Сингапур — телъыджэхэм я къалэ
2016-08-18
Ипщэ-къуэкIыпIэ Азием и хытIыгухэм тет мы къалэ-къэрал мыиным, Сингапурым, щыплъагъухэр апхуэдизкIэ телъыджэщ икIи куэдщи, уи нэхэр, плъэмыкIыу, пIэпах. Абы щыIэщ хытIыгухэр пIалъэ кIыхькIэ зи унафэм щIэта Инджылызым и мызакъуэу, хьэрып къэралхэми, Китайми я архитекторхэм я IэдакъэщIэкIхэри, уеблэмэ, Индиер уигу къэзыгъэкIыж мэжджыт цIыкIуи. Мы къэлэ-къэрал дахащэр дунейм и щIыналъэ псоми икIа цIыху куэд щыпэкIу щIыпIэщ.