ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

ЩIэныгъэлI цIэрыIуэхэр КъБР-м щохьэщIэ

2019-12-28

  • КIуэкIуэ Казбек Правительствэм и Унэм щахуэзащ федеральнэ медицинэ центрхэм я IэщIагъэлI пашэхэм: дуней псом щыцIэрыIуэ нейрохирург, Урысейм ЩIэныгъэхэмкIэ и академием и академик, профессор, Склифосовский Н. В. и цIэр зезыхьэ щIэныгъэ-къэхутакIуэ институтым нейрохирургиемкIэ и къудамэм и щIэныгъэлI лэжьакIуэ нэхъыщхьэ Крылов Владимир, Склифосовский Н. В. и цIэр зезыхьэ щIэныгъэ къэхутакIуэ институтым нейрохирургие дэIэпыкъуэгъу псынщIэмкIэ и къудамэм и унафэщI Лукьянчиков Виктор, Евдокимов А. И. и цIэр зэрихьэу Москва дэт къэрал медико-санитар университетым и клиникэм и медицинэ центрым и травматолог-ортопед Сычевский Михаил сымэ.

  • ЗэIущIэм щытепсэлъыхьащ Къэбэрдей-Балъкъэрым ортопедиемкIэ иджырей IуэхущIапIэ къыщызэгъэпэщыным, нейрохирургием и ехъулIэныгъэхэр ди медицинэ IэнатIэхэм къыщыгъэсэбэпыным, нэгъуэщIхэми.
  • Къэпсэлъахэм къыхагъэщхьэхукIащ Бэрбэч Хь. М. и цIэр зезыхьэ Къэбэрдей-Балъкъэр къэрал университетымрэ УФ-м Узыншагъэр хъумэнымкIэ и министерствэмрэ зэращIылIа зэгурыIуэныгъэм тету республикэм и IэщIагъэлI щIалэхэр ищхьэкIэ къыщыгъэлъэгъуа IэщIагъэхэм хуэгъэсэныр федеральнэ центрхэм тэмэму къызэрыщызэрагъэпэщар. Ар ди щIыналъэм медицинэмкIэ и IэнатIэр егъэфIэкIуэнымкIэ сэбэпышхуэ хъунущ.
  • КIуэкIуэ Казбек Сычевский Михаилрэ Лукьянчиков Викторрэ КъБР-м и щIыхь тхылъхэр яритащ икIи узыншагъэр хъумэнымкIэ IэнатIэм зегъэужьыным, цIыхухэр уз хьэлъэхэм къегъэлыным емызэшыжу зэрелэжьым папщIэ фIыщIэ яхуищIащ.
  • Федеральнэ медицинэ IуэхущIапIэхэм я IэщIагъэлIхэм жаIащ Къэбэрдей-Балъкъэрым и хирургхэм зэфIэкIышхуэ зэрабгъэдэлъыр, я IэщIагъэм зэрыхуэIэзэр икIи республикэм и унафэщIхэм фIыщIэ къыхуащIащ узыншагъэр хъумэным пыщIа Iуэхухэм я нэIэ зэрытрагъэтым папщIэ.
  • КъБР-м и Iэтащхьэмрэ
  • Правительствэмрэ я пресс-IуэхущIапIэ.