ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Нобэрэ пщэдейрэ

2018-11-08

  • ЩэкIуэгъуэм и 8, махуэку
  • КВН джэгукIэм и дунейпсо махуэщ. 1961 гъэм Москва и телевиденэм къигъэлъэгъуащ КВН программэм и япэ нэтыныр. Абы тращIыхьауэ, 2001 гъэ лъандэрэ къэрал зыбжанэм щагъэлъапIэ КВН-м и махуэр.
  • ФIагъым и дунейпсо махуэщ
  • Радиологием и дунейпсо махуэщ
  • Баку и метром и лэжьакIуэхэм я махуэщ
  • Къэзахъстаным щагъэлъапIэ статистикэм и махуэр
  • Китайм и журналистхэм я махуэщ

  • 1895 гъэм Баварием щыщ нэмыцэ физик Рентген Вильгельм Конрад къихутащ цIыхум и Iэпкълъэпкъым «зэпхрыплъыф» нур телъыджэхэр, иужькIэ «рентген бзийхэр» зыфIащар.
  • 1917 гъэм Советхэм я II Урысейпсо съезд зэхэтащ. Абы хэIущIыIу щащIащ къэрал унафэр дяпэкIэ Советхэм зэращIынур, апхуэдэуи къыщащтащ мамырыгъэм, щIым ятеухуа декретхэр, къыщызэрагъэпэщащ ЦIыхубэ Комиссархэм я Совет, Ленин Владимир и пашэу.
  • 1943 гъэм СССР-м и Совет Нэхъыщхьэм и Президиумым и унафэкIэ ягъэуващ «ТекIуэныгъэ» орденымрэ ЩIыхь орденым и нагъыщищымрэ.
  • УсакIуэ, джэгуакIуэ, Ленин орденыр зрата ХьэхъупащIэ Амырхъан къызэралъхурэ илъэси 136-рэ ирокъу.
  • УФ-м щIыхь зиIэ и артист Жыгун Тимэ къызэралъхурэ илъэси 104-рэ ирокъу.
  • Дзэ къулыкъущIэ, Совет Союзым и маршал, къэралым зыхъумэжыныгъэмкIэ и министру щыта Язов Дмитрий и ныбжьыр илъэс 94-рэ ирокъу.
  • Педагогикэ щIэныгъэхэм я доктор, профессор, ЩIДАА-м и академик, АР-м щIэныгъэмкIэ щIыхь зиIэ и лэжьакIуэ Шорэ Ибрэхьим къызэралъхурэ илъэс 94-рэ ирокъу.
  • Совет актёр, СССР-м и цIыхубэ артист Борисов Олег къызэралъхурэ илъэс 89-рэ ирокъу.
  • Социалист Лэжьыгъэм и ЛIыхъужь Щауэ Iэхьед къызэралъхурэ илъэс 86-рэ ирокъу.
  • Франджы актёр, режиссёр цIэрыIуэ Делон Ален и ныбжьыр илъэс 83-рэ ирокъу.
  • Нидерландхэм щыщ футболист, УФ-м футболымкIэ и командэ къыхэхам и тренер нэхъыщхьэу щыта, Урысейм щIыхь зиIэ и тренер Хиддинк Гус и ныбжьыр илъэс 72-рэ ирокъу.
  • Политик, жылагъуэ лэжьакIуэ, МАТР-м и академик Жаным Руслан и ныбжьыр илъэс 71-рэ ирокъу.
  • Урысей актёр, УФ-м и цIыхубэ артист Меньшиков Олег и ныбжьыр илъэс 58-рэ ирокъу.
  • Дунейм и щытыкIэнур
  • «pogoda.yandex.ru» сайтым зэритымкIэ, Налшык уэфIу щыщытынущ. Хуабэр махуэм градус 11 — 14, жэщым градуси 2 — 3 щыхъунущ.
  • ЩэкIуэгъуэм и 9, мэрем
  • Фашизмэм, расизмэм, лъэпкъ зэхэгъэж щIыным япэщIэтыным и дунейпсо махуэщ
  • Радиацэм пэщIэтыным хуэунэтIа акцэхэм я дунейпсо махуэщ
  • Украинэм щагъэлъапIэ я тхыбзэмрэ я бзэмрэ я махуэр
  • Азербайджан Республикэм и лъэпкъ ныпым и махуэщ
  • 1940 гъэм СССР-м унафэ къыщащтащ курыт школхэм хамэ къэралыбзэхэр щегъэджыным теухуауэ.
  • 1989 гъэм Германием и къалащхьэ Берлин илъэс куэдкIэ зэпызыгъэщхьэхукIыу щыта блыныр къутэн щIадзащ.
  • 2000 гъэм Урысейм IэщэкIэ ЗэщIэузэда и Къарухэм къулыкъу щызыщIэхэм я бжыгъэр цIыху мин 600-кIэ гъэмэщIэным теухуа унафэ къащтащ.
  • Урыс тхакIуэ цIэрыIуэ Тургенев Иван къызэралъхурэ илъэс 200 ирокъу.
  • Уэрэд 400-м щIигъу зытха композитор цIэрыIуэ, СССР-м и цIыхубэ артисткэ, Социалист Лэжьыгъэм и ЛIыхъужь, СССР-м и Къэрал саугъэтыр тIэунейрэ зыхуагъэфэща Пахмутовэ Александрэ и ныбжьыр илъэс 89-рэ ирокъу.
  • Адыгей усакIуэ Хьэлэш Сэфарбий и ныбжьыр илъэс 78-рэ ирокъу.
  • УФ-м и цIыхубэ сурэтыщI, КъБР-м щIыхь зиIэ и сурэтыщI, Красноярск дэт художественнэ институтым и профессор, РАХ-мрэ ЩIДАА-мрэ я академик Пащты Герман и ныбжьыр илъэс 77-рэ ирокъу.
  • Совет шахматист, дунейм и чемпион Таль Михаил къызэралъхурэ илъэс 82-рэ ирокъу.
  • Дунейм и щытыкIэнур
  • «pogoda.yandex.ru» сайтым зэритымкIэ, Налшык уэфIу щыщытынущ. Хуабэр махуэм градус 11 — 15, жэщым градуси 3 — 4 щыхъунущ.