ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

ЛъэныкъуитхукIэ къапщытэ

2018-08-25

  • КъБР-м Узыншагъэр хъумэнымкIэ и министерствэм медицинэ IуэхущIапIэхэм ящIэ Iуэхутхьэбзэхэм я фIагъыр къэзыпщытэ и Жылагъуэ советым хэтхэу Шэрджэс Юрэ, Къагъырмэс Юрэ, Умэ Светланэ сымэ иджыблагъэ щыIащ Чэнджэщ-диагностикэ медицинэ центрым, ЭндокринологиемкIэ республикэ центрым, ЩеIэзэ-физкультурэ республикэ диспансе- рым.

  • IуэхущIапIэхэр лъэныкъуитхукIэ къапщытащ: я лэжьыгъэм теухуа хъыбарым зэрызыщыбгъэгъуэзэфыр; медицинэ дэIэпыкъуныгъэхэр зэрыхуащIэ щIыкIэр, ныкъуэдыкъуэхэм хуащIэ Iуэхутхьэбзэр; медицинэ Iуэхутхьэбзэхэр къыпхуащIэным узэрежьэ зэманыр; медицинэ IуэхущIапIэм и лэжьакIуэхэм сымаджэхэм хуаIэ щытыкIэфIыр, абыхэм я гуапагъыр; хуащIэ Iуэхутхьэбзэхэм арэ-зы къызэрищIыр.
  • Къэпщытэныгъэ ирагъэкIуэкIахэм япкъ иткIэ Жылагъуэ советыр арэзы къищIащ Чэнджэщ-диагностикэ медицинэ центрымрэ (дохутыр нэхъыщхьэр Тет Хьэсэнбийщ), ЩеIэзэфизкультурэ республикэ диспансерым-рэ (дохутыр нэхъыщхьэр КIуэкIуэ Иринэщ) я лэжьыгъэр зэрекIуэкIым. Псом хуэмыдэу къыхагъэщащ а IуэхущIапIэхэм я IэщIагъэлIхэр зэгурыIуэу, зэкъуэту зэрыщытыр икIи абыхэм я дохутыр нэхъыщхьэхэм я IэнатIэм ехъулIэныгъэхэр зэрыщаIэр жаIащ.
  • ЭндокринологиемкIэ республикэ центрым и лэжьыгъэм ныкъусаны-гъэ зыбжанэ халъэгъуащ. Апхуэдэу къагъэлъэгъуащ абы и зытхьэщIыпIэ-зыгъэкъэбзапIэм и щытыкIэр сани-тар мардэхэр къызэремызэгъыр, IуэхущIапIэм и унэр кхъахэ зэры-хъуар.
  • Жылагъуэ cоветым хэтхэм зи гугъу тщIа медицинэ IуэхущIапIэхэм я дохутыр нэхъыщхьэхэм щепсалъэм я IэнатIэхэм щыIэ гугъуехьхэр зэфIэ- хынымкIэ щыIэ хэкIыпIэхэм и гугъу ящIащ. Абыхэм теухуа унафэ пыухыкIахэр зэман гъунэгъум къащтэнущ.
  • ЩхьэщэмыщI Изэ.