ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Екатериноград станицэр игъэлъапIэу

2018-08-23

  • Налшык къалэ дэт, Котляровхэ Викторрэ Мариерэ я тхылъ тедзапIэм къыщыдэкIащ илъэс 240-рэ зи ныбжь, 1780 гъэхэм Кавказ губернием и къалащхьэу щыта Екатериноградскэ станицэм теухуа тхылъ.

  • Тхылъ тедзапIэм и редактор нэхъыщхьэ Котляров Виктор къызэрыхигъэщамкIэ, зи гугъу тщIы лэжьыгъэр зи IэдакъэщIэкI, тхыдэ щIэныгъэхэм я кандидат Тютюнинэ Евгение иужьрей илъэсхэм ди щIыналъэм и блэкIам теухуа тхылъ зыбжанэ къыдигъэкIащ. Апхуэдэхэщ: «Грани региональной истории XIX-XX вв.», «Моя Пушкиниана», «Живой отголосок прошлого: Жизнь и творчество писателя Евгения Баранова», «Краеведческая мозаика», «Поселения Кабардино-Балкарии XVIII-XX вв.» тхылъхэр.
  • КъБР-м и дэфтэр хъумапIэм илъэс куэдкIэ щылэжьа цIыхубзым ди нэгум къыщIегъэувэ Екатериноградскэ станицэм и тхыдэ напэкIуэцIхэр, а зэманым щIыпIэм щыпсэуа цIыхухэм я IуэхущIафэхэм щыгъуазэ дыхуещI. 1777-1860 гъэхэм быдапIэу, къалэу, станицэу, иужькIэ жылагъуэ псэупIэу зэрыщытам, апхуэдэуи 1860 гъэм щегъэжьауэ 1917 гъэм нэблэгъэху абы и зыужьыкIам авторыр къытхутопсэлъыхь. ЕтIуанэ Iыхьэр теухуащ совет властыр щызэфIэува 1917 гъэм къыщыщIэдзауэ ди нобэм къэсыху. Тхылъыр купщIафIэу зэрыщытым и мызакъуэу, икIи дахэщ, сурэтхэр, дэфтэрхэр куэду къыщыхьащ.
  • Махуэщ Шумахуэ.