ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Бахъсэн муниципальнэ районым и щIыпIэ администрацэм и Iэтащхьэ Балъкъыз Артур

2018-08-18

  • ЩIыпIэ унафэр зегъэкIуэнымкIэ советым и зэIущIэм щыхэплъэжащ Бахъсэн муниципальнэ районым и щIыпIэ администрацэм и Iэтащхьэр зыхуэфащэхэр къыхэхыным теухуауэ екIуэкIа конкурсым кърикIуахэм икIи а къулыкъум ягъэуващ Балъкъыз Артур Хьэчим и къуэр.

  • Бахъсэн муниципальнэ районым щIыпIэ унафэр зегъэкIуэнымкIэ и советым и сессием хэтащ КъБР-м и Iэтащхьэм и Администрацэм и УнафэщIым и къуэдзэ — щIыпIэ унафэр зегъэкIуэным пыщIа IуэхухэмкIэ управленэм и унафэщI Сарбашевэ Светланэ, КъБР-м и Iэтащхьэм и администрацэм къэрал къулыкъумрэ кадрхэмрэ я IуэхухэмкIэ и управленэм и унафэщI Емуз Алихъан, КъБР-м и Парламентым ЗаконодательствэмкIэ, къэрал ухуэкIэмкIэ, щIыпIэ унафэр зегъэкIуэнымкIэ и комитетым и унафэщI Мэлбахъуэ Борис, КъБР-м и Парламентым и депутат Токъмакъ Азик сымэ.
  • Балъкъыз Артур Хьэчим и къуэр 1969 гъэм Дыгулыбгъуей къуажэм къыщалъхуащ. КъБКъУ-м экономикэмкIэ и факультетыр къиухащ. 1992 гъэм и шыщхьэуIу мазэм щегъэжьауэ ар НалогхэмкIэ къэрал инспекцэм и къудамэу Бахъсэн районым щыIэм налогхэмкIэ и къэрал инспектор нэхъыжьщ, НалогхэмкIэ къэрал инспекцэм и къудамэу Бахъсэн районым щыIэм и отделым унафэщIым и къуэдзэщ, 1998 гъэм и жэпуэгъуэ мазэм щегъэжьауэ НалогхэмкIэ къэрал инспекцэм и къудамэу Бахъсэн районым щыIэм и унафэщIым и къуэдзэщ. 2013 гъэм и жэпуэгъуэм щегъэжьауэ Урысейм НалогхэмкIэ и федеральнэ къулыкъущIапIэм и Управленэу КъБР-м щыIэм налогхэмкIэ законодательствэр зэрагъэзащIэм кIэлъыплъынымкIэ и къудамэм и унафэщIу щытащ. Урысей Федерацэм къэрал граждан къулыкъумкIэ япэ класс зиIэ и советникщ. Къэбэрдей-Балъкъэр Республикэм щIыхь зиIэ и экономистщ.
  •  
  • Дыгулыбгъу Маринэ.