ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Къалэн телъыджэ

2018-08-16

  • Темыркъанхэ Юрэ, Хьэту и къуэ хахуэм,
  • И IэщIагъэ дахэм дунейр къегъэуш.
  • А IэщIагъэ лъапIэм егъэин цIыхугъэр,
  • ЕгъэгуфIэр гухэр, псэхэр егъэтынш.

  • ЦIыхуу дунейм тетыр абы Iэгу къыхуоуэ,
  • ЯгъэлъапIэу псэкIэ, Iэджэ къраIуэкI.
  • КъигъэщIащи ар макъамэ пащтыхьу,
  • А къалэн телъыджэр лъагэу кърехьэкI.
  • ПщIэ ин дыдэ хуащIу дунейм тет цIыху мащIэм
  • Халъытами Юрэ, зыкъыфIэмыщIыж.
  • ДэнкIэ уиплъми плъагъуу, и фэеплъыр лъагэу
  • Игъэувыжами, и щхьэм емыпцIыж.
  • Адыгэ лъэпкъыжьыр дунейм зэрытетрэ
  • Абы хуэдэ щIалэ дэ къытщIэмыхъуа,
  • Ар ди Сосрыкъуэщ, ар ди Бэдынокъуэщ,
  • Гъуэгугъэлъагъуэ вагъуэу нобэ къытхэхъуащ.
  • Абы хуэдэ щIалэ дэ къыщытхэкIакIэ,
  • Лъэпкъым и лъабжьэжьым щIэуэ къуэпс едзыж.
  • Тхыдэм и гъуэгу гугъухэм лей къыщытлъысами,
  • Къэсащ ди зэманри, фызэрыубыдыж.
  • ГУБЭЩIЫКI Владимир.