ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

2018-06-23

  • Рахаев А. И. «Къэбэрдей-Балъкъэр Республикэм и пащхьэ щиIэ фIыщIэхэм папщIэ» орденыр етыным и IуэхукIэ
  • Къэбэрдей-Балъкъэр Республикэм и Iэтащхьэм и Указ
  • Егъэджэныгъэм зегъэужьыным, щIэныгъэ лъагэ зыбгъэдэлъ IэщIагъэлIхэр гъэхьэзырыным къаруушхуэ зэрырихьэлIам икIи илъэс куэд лъандэрэ хьэлэлу зэрылажьэм къыхэкIыу «Къэбэрдей-Балъкъэр Республикэм и пащхьэ щиIэ фIыщIэхэм папщIэ» орде-ныр етын Рахаев Анатолий Измаил и къуэм — «Кавказ Ищхъэрэм ГъуазджэхэмкIэ и къэрал институт» щIэныгъэ нэхъыщхьэ щрагъэгъуэт федеральнэ къэрал бюджет IуэхущIапIэм и ректорым.
  •                         Къэбэрдей-Балъкъэр Республикэм и Iэтащхьэ
  •                                                      КIуэкIуэ Юрий
  • Налшык къалэ
  • 2018 гъэм мэкъуауэгъуэм и 22-м
  • №93-УГ

  • Рахаев Анатолий Измаил и къуэр Къыргъыз ССР-м щыщ Фрунзе къалэм 1953 гъэм мэкъуауэгъуэм и 22-м къыщалъхуащ.
  • Налшык дэт музыкэ еджапIэр 1972 гъэм, Римский- Корсаков Н. А. и цIэр зэрихьэу Ленинград дэт, Ленин орден зиIэ къэрал консерваторэр 1977 гъэм, аспирантурэр 1981 гъэм къиухащ.
  • Совет армэм къулыкъу щищIащ.
  • 1981 — 1989 гъэхэм къу- лыкъу зэмылIэужьыгъуэхэр иIыгъыу щылэжьащ СССР-м ЩIэныгъэхэмкIэ и академием хиубыдэ IуэхущIапIэм — Къэбэрдей-Балъкъэрым тхыдэмкIэ, филологиемкIэ, экономикэмкIэ и щIэныгъэ — къэхутакIуэ институтым.
  • 1989 — 1999 гъэхэм Кавказ Ищхъэрэм ГъуазджэхэмкIэ и къэрал институтым и япэ ректору лэжьащ, Налшык къалэ советым и депутату щытащ. 1999 гъэм и фокIадэ мазэм щегъэжьауэ 2004 гъэм и мэкъуауэгъуэ мазэм нэсыху УФ-м щэнхабзэмкIэ и министрым и къуэдзэщ, 2004 гъэм и фокIадэм щегъэжьауэ 2005 гъэм и мэлыжьыхь мазэм нэсыху УФ-м Къэзыбж и палатэм и консультантщ, 2005 гъэм и мэлыжьыхь мазэм щегъэжьауэ 2006 гъэм и мэлыжьыхь мазэм нэсыху Санкт-Петербург дэт Мариинскэ къэрал академическэ театрым и тхьэмадэм — художественнэ унафэщIым и япэ къуэдзэщ.
  • 2006 гъэм и мэлыжьыхь мазэм «Кавказ Ищхъэрэм ГъуазджэхэмкIэ и къэрал институтым и ректору хахыжащ. Ар «Урысей зэкъуэт» партым и республикэ къудамэм и политсоветым хэтщ, КъБР-м и Парламентым и еплIанэ хэхыгъуэм и депутату щытащ.
  • Рахаев Анатолий гъуазджэ щIэныгъэхэм я докторщ, профессорщ. СССР-м и Композиторхэм я союзым, Урысейм и Композиторхэм я союзым хэтщ. Зэныбжьэгъугъэ орденыр, «Санкт-Петербург илъэс 300 зэрырикъум и фэеплъу» медалыр, «Кавказым къулыкъу зэрыщищIам папщIэ» фэеплъ дамыгъэр, Осетие Ищхъэрэ — Алание Республикэм и дамыгъэ нэхъыщхьэр — «ЩIыхь дамыгъэ» медалыр къратащ.
  • КъБР-м, Ингуш Республикэм, Къэрэшей-Шэрджэс Республикэм, Осетие Ищхъэрэ — Алание Республикэм гъуазджэмкIэ щIыхь зиIэ я лэжьакIуэщ.