ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Медаль зэмылIэужьыгъуэу 7

2018-06-08

  • Мы махуэхэм Налшык щекIуэкIащ цIыхухъухэмрэ цIыхубзхэмрэ мас-рестлингымкIэ я къэралпсо чемпионат. Ди республикэм и командэ къыхэхам абы медаль зэмылIэужьыгъуэу 7 къыщихьащ — жэзу 4, дыжьыну — 2, дыщэу — 1.

  • Зыхэта гупым нэхъ лъэщу къыщыщIэкIащ икIи чемпион хъуащ КъуэщIысокъуэ Кристинэ. Урысей Федерацэм и командэ къыхэхам и гъусэу ар щэкIуэгъуэм Якутск щекIуэкIыну дунейпсо чемпионатым хэтынущ. Чемпионыр егъасэ Токаревэ Наталье.
  • ЗымащIэкIэ КъуэщIысокъуэм къыкIэрыхуащ Хъущт Анзоррэ Кайгермазовэ Кристинэрэ. Абыхэм дыжьын медалхэр къахьащ икIи СНГ-м и чемпионатым, Къыргъызым щекIуэкIынум, хэтыну Iэмал къахукъуэкIащ.
  • Жэз медалхэр къызэрахьам къищынэмыщIауэ, Урысейм и командэ къыхэхам ирагъэблэгъащ Маргъущ Алан, БищIо Алим, Нэгъуей Астемыр (псори зыгъасэр Гъубж БетIалщ), Былымыхь Каринэ (зыгъасэр Унэж Владимирщ) сымэ.
  • ЖЫЛАСЭ Замир.