ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Япэ ищахэр

2018-06-05

  • «Динамо» физкультурэ-спорт зэгухьэныгъэр илъэс 95-рэ щрикъум ирихьэлIэу Къэбэрдей-Балъкъэрым щекIуэкIащ иджырей пятиборьемкIэ республикэ зэхьэзэхуэ зэIуха. Ар къызэрагъэпэщащ КъБР-м Иджырей пятиборьемкIэ и федерацэмрэ зэгухьэныгъэм ди республикэм щиIэ и къудамэмрэ.

  • Медалхэм щIэбэнащ Къэбэрдей-Балъкъэрымрэ Ставрополь краймрэ щыщ спортсмени 100-м нэблагъэ. Ди республикэм и гупым хэтащ Налшык, Май къалэхэм зыщызыгъасэхэр.
  • НэхъыщIэхэм я гупищыр — 2004-2009 гъэхэм къалъхуа щIалэ, хъыджэбз цIыкIухэр — двоеборьемкIэ зэхьэзэхуащ. Ар къызэдэжэнрэ псы есынрэщ. Нэхъыжьхэр зэпеуащ пятиборьем къызэщIиубыдэ лIэужьыгъуэ псомкIи.
  • Илъэс зыбжанэ хъуауэ Налшык щекIуэкI зэхьэзэхуэм кърохьэлIэ Ставрополь щыщ ныбжьыщIэхэр. Мы гъэм ахэр хэтащ двоеборьеми, троеборьеми.
  • Я ныбжь елъытауэ гуэшауэ щыта гупхэм пашэныгъэр щаубыдащ ГъукIакъуэ Мурат (Налшык), Залевская Элинэ (Ставрополь), ХьэшкIул Беслъэн (Налшык), Гуэн Мазизэ (Ставрополь), Iэпщэ Темболэт (Налшык), Ахкубековэ Самирэ (Налшык), Жылау Ахьмэд (Налшык), ГъукIакъуэ Регинэ (Налшык) сымэ.
  • Мэзкуу Къанщобий.