ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

ЗэIущIитIми  зыщ  къарикIуар

2018-05-23

  • «Спартак-Налшык» (Налшык) — «Армавир» (Армавир) — 0:2 (0:1). Налшык. «Спартак» стадион. Накъыгъэм и 16-м. ЦIыху 200 еплъащ.
  • Судьяхэр: Машлякевич (Мэзкуу), Тюмидов (Элиста), Мирошник  (Ставрополь).
  • «Спартак-Налшык: Щоджэн, Лелюкаев, Тебэрды, Ольмезов, Абазэ, Мэшыкъуэ, Михайлов, Дэхъу (Белоусов, 74), Каркаев, Машэжь, (КIэдыкIуей, 64), Бацэ (Ашу, 16; Къурмэн, 69)
  • «Армавир»: Матюшэ, Гаджибеков, Мирошниченкэ, Соболь, Соловьёв Ал., Суханов, ДыщэкI, Лусикян (Гиоргобиани, 90+2), Поляков (Соловьёв М., 87), Гугуев (Каюмов, 90+1), Синявский.

  • Топхэр дагъэкIащ: Гугуевым, 43 (0:1). Мирошниченкэ, 47, пенальтикIэ  (0:2).
  • Дагъуэ къыхуащIащ: Щоджэным, Ашум, ДыщэкIым.
  • Бэрэжьей кIуам Налшык къеблэгъа «Армавир»-м иджыри и гугъэхэр хихыжатэкъым етIуанэ дивизионым и «Ипщэ» гупым щекIуэкI зэхьэзэхуэм япэ увыпIэр къыщихьу ищхьэкIэ дэкIуэтеину. Абы папщIэ текIуэныгъэр ди къалащхьэм Iэмал имыIэу щызыIэригъэхьэн хуейт, армырамэ «IэфIыпсыр» IэщIэкIыпэнут. Дыдейхэр мы гъэм зыхущIэкъун щIагъуэ щыIэкъым икIи арагъэнущ я псэр питхъыу щIэмыджэгуар.
  • Зэрыхабзэу, хэгъэрейхэм ебгъэрыкIуэныгъэкIэ ирагъэжьащ. Псом хуэмыдэу жыджэрт Бацэ Къантемыр. Абы тIэунейрэ Iэмал гъуэзэджэхэр къыхукъуэкIащ. Ди жагъуэ зэрыхъущи, мыгувэу ди гъуащхьауэм фэбжь игъуэтащ икIи яхъуэжын хуей хъуащ. АдэкIэ хуэмурэ хьэщIэхэм тепщэныгъэр яубыдащ.
  • Бжыгъэр къызэIуамыхауэ зэIущIэм и япэ Iыхьэр щиухым, «Армавир»-м зыкъызэкъуихащ икIи илъэс зыбжанэкIэ «Спартак-Налшыкым» и щIыхьыр зыхъума Гугуев Магомед и командэщIэр япэ иригъэщащ. Ар ди щIалэхэм удынышхуэ яхуэхъуащ.
  • Загъэпсэхуу къызэрихьэжу хьэщIэхэм бжыгъэр ягъэбэгъуащ. Ольмезовым IэщIэкIауэ Синявскэр ди гъуэм къыщыбгъэдыхьэм Щоджэным къыхуэнэжар ар ириудынырт. Пенальти. Ар Iэзэу игъэзэщIащ «Армавир»-м и капитан Мирошниченкэ.
  • Абы иужькIи хьэщIэхэр увыIакъым. Ди гъуащхьэтетым и Iэзагъ лъагэр мыхъуатэмэ, хэт ищIэнт кIэух бжыгъэр дапхуэдизу щытынуми.
  • Налшык зэрыщытекIуам и фIыгъэкIэ «Армавир»-м и гугъэхэр къэщIэрэщIэжащ. Апхуэдэу къэхъуащ «Краснодар-2»-м «IэфIыпсыр» зэрыхигъэщIам къыхэкIыу. Иджы бжьыпэр зыIыгъхэр зэрызэщхьэщыкIыр зы очко закъуэщ. Аращи, япэ дивизионым кIуэну командэр хэтми щызэхэкIынур иужь дыдэ джэгугъуэращ.
  •  
  • «Академия» (Дон Iус Ростов) — «Спартак-Налшык» (Налшык) — 1:0 (0:0). Дон Iус Ростов. «Локомотив» стадион. Накъыгъэм и 20-м. ЦIыхуи 100 еп-лъащ.
  • Судьяхэр: Панин (Дмитров), Харченкэ, Петров (тIури Астрахань щыщщ).
  • «Академия»: Воронин, Чернов, Федотов, Охрименкэ, Романов, Захаров, Далиев, Басов, Ходунов (Молтенинов, 57), Савин (Николаев, 75), Донсков (Крюков, 79).
  • «Спартак-Налшык: Щоджэн, Лелюкаев, Белоусов, Тебэрды, Абазэ, Газаев (Къурмэн, 62) Шаваев, Михайлов (Дэхъу, 59), Каркаев, Машэжь (Бэрбэч, 81), Ашу (КIэдыкIуей, 69).
  • Топыр дигъэкIащ: Басовым, 68, пенальтикIэ (1:0).
  • Дагъуэ къыхуащIащ Абазэм.
  • «Армавир»-м къыхигъэщIа и ужькIэ «Спартак-Налшыкым» и тренерхэм зэхъуэкIыныгъэ зыбжанэ гупым халъхьащ. Абыхэм джэгур нэхъ къагъэжыджэращ, арщхьэкIэ «Понедельник Виктор и цIэр зезыхьэ академием» и футболист ныбжьыщIэхэм зэрапэлъэщын къару къалъыкъуэкIакъым. Уеблэмэ, аргуэру къыхагъэщIащ, я хьэрхуэрэгъухэм я гъуэм зы топи яхудэмыгъэкIыу.
  • Иджы щыгъуазэ фыхуэтщIынщ Урысей Федерацэм футболымкIэ и етIуанэ дивизионым и «Ипщэ» гупым иужьу щызэхэта зэIущIэ-хэм къарикIуа бжыгъэхэм: щэщIрэ етIуанэ джэгугъуэ — «Легион Динамо» (Мэхъэчкъалэ) — «Динамо-Ставрополь» (Ставрополь) — 2:2, «Ангушт» (Нэзрэн) — «Академия» (Дон Iус Ростов) — 0:1, «Краснодар-2» (Краснодар) — «IэфIыпс» (IэфIыпс) — 1:0,Спартак-Владикавказ» (Владикавказ) — «Кубань-2» (Краснодар) — 0:0, «Биолог-Новокубанск» (Прогресс) — «Чайка» (Песчанокопское) — 0:2,«Мэшыкъуэ-КМВ» (Псыхуабэ) «Черноморец» (Новороссийск) 0:2, «Дружба» (Мейкъуапэ) — «Анжи-2» (Мэхъэчкъалэ) — 1:1; щэщIрэ ещанэ джэгугъуэ — «Анжи-2» — «Мэшыкъуэ-КМВ» — 0:1, «IэфIыпс» — «Дружба» — 2:0, «Биолог-Новокубанск»- «Черноморец» — 0:2, «Чайка» — «Легион Динамо» — 2:1, «Армавир» — СКА (Дон Iус Ростов) — 3:0.
  • «Спартак-Налшыкым» къыкIэлъыкIуэ зэIущIэр   пщэдей иригъэкIуэкIынущ. Къэбэрдей-Балъкъэрым и къалащхьэм абы къыщригъэблэгъэнущ «Краснодар-2»-р.
  • Жыласэ  Заурбэч.