ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

«Адыгэ макъ» газетым и редакцэм деж

2018-03-22

  • Ди ныбжьэгъу лъапIэхэ, ди лэжьэгъухэ!
  • Ди къуэш Адыгэ Республикэм и лъэпкъ газетыр илъэс 95-рэ ирикъуащ. НыбжьыфI иIэми, абы къыдэкIыгъуэ къэс хегъахъуэ бгъэдэлъ зэхэщIыкIымрэ зэфIэкIымрэ, апхуэдэу хъыбархэр, аналитикэ тхыгъэхэр щIэщыгъуэу утыку ирелъхьэ, напэкIуэцIхэр нэхъ дахэ ещI. Фи журналистхэм зэфIэкIышхуэ зэрабгъэдэлъыр сэбэп мэхъу лъэпкъым къыпэщыт Iуэху нэхъ гугъухэр дэгъэкIынымкIэ, цIыхухэм хэкур фIыуэ ялъагъуу, социальнэ жыджэрагъ яхэлъу гъэсэнымкIэ, зэгурыIуэныгъэр гъэбыдэнымкIэ, экстремизмэм пыщIа Iуэхухэр къэмыгъэхъунымкIэ.
  • Адыгэ лъэпкъым къыпэщыт гугъуехьхэмрэ абы иIэ ехъулIэныгъэхэмрэ къэгъэлъэгъуэнымкIэ зэтеува хабзэфIхэр «Адыгэ макъ» газетым и редакцэм щылажьэхэм яхъумэн яхузэфIэкIащ. Урысейм и иджырей тхыдэм къыщыхъуа зэхъуэкIыныгъэхэм къагъэуващ лъэпкъ газетым щылажьэ журналистхэр гупсэхуу блэкIам егупсысу, иджырей зэманым лэжьыпхъэхэр яубзыхун хуейуэ икIи ахэр а къалэным нэгъэсауэ йохъулIэ, хъыбарегъащIэ лэжьыгъэр иджырей псэукIэм езэгъыу ягъэпс.
  • Газетым и щхьэ хуигъэфащэркъым «пцIым фIыщIэ хуищIу» лэжьэну. «Адыгэ псалъэм» и лэжьакIуэхэм я фIэщ мэхъу XXI лIэщIыгъуэм «Адыгэ макъ» газетыр зэманым къигъэувхэм езэгъыу, лъэпкъым и мурадхэр и гъуазэу, абы и зэхэщIыкIыр къигъэлъэгъуэфу зэрылэжьэнур.
  • «Адыгэ макъ» газетыр илъэс 95-рэ щрикъу махуэм дохъуэхъу абы щылажьэ дэтхэнэ зыми творческэ ехъулIэныгъэ, узыншагъэ иIэну, хъыбарыфIхэр лэжьыгъэм щефIэкIыу щытыну, ди къуэш Адыгейм мамырыгъэрэ ефIэкIуэныгъэрэ иIэну.
  •  
  • ХЬЭФIЫЦIЭ Мухьэмэд,
  • «Адыгэ псалъэ» газетым и редактор нэхъыщхьэ.
  • 2018 гъэм гъатхэпэм и 22-м.