ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

КъулыкъущIэхэм зэрызагъэпсэхунур

2017-09-12

  • «Урысей Федерацэм муниципальнэ къулыкъур зэрыщыгъэувам и IуэхукIэ» Федеральнэ законым зэхъуэкIыныгъэхэр халъхьащ 2017 гъэм накъыгъэм и 1-м къыдэкIа Федеральнэ закон №90-ФЗ-м ипкъ иткIэ.
  •  
  • Абы ипкъ иткIэ муниципальнэ къулыкъущIэм хуагъэув:
  • — илъэс къэс календарь махуэ 30-кIэ загъэпсэхуну, яIыгъ къулыкъухэр зыхуэдэм емылъытауэ;
  • — муниципальнэ къулыкъум зэрыпэрыт стажым и кIыхьагъым елъытауэ, ахъшэ ирату а илъэс бжыгъэм тещIыхьауэ зэрызырагъэгъэпсэху махуэ бжыгъэм хагъэхьэнур нэхъыбэ дыдэу — махуи 10-щ, нэхъапэм махуэ 15 хъууэ щытащ.
  • ПIалъэ пыухыкIам темыт и лэжьэгъуэ махуэм пэкIуэу муниципальнэ къулыкъущIэхэм зыгъэпсэхугъуэ махуищ хухах. Мы Федеральнэ законым къару щигъуэт махуэм ирихьэлIэу къамыгъэсэбэпа зыгъэпсэхугъуэ махуэхэр зиIэхэр къыхуагъанэ ахэр къагъэсэбэпыну е къамыгъэсэбэпа зыгъэпсэхугъуэ махуэхэр (зэрыщытуи Iыхьэ-Iыхьэуи зэпыудауэ) иратыным е пэкIуэ ахъшэр къыIахыным теухуа хуитыныгъэр.
  • Мы Федеральнэ законым къару щигъуэт махуэм ирихьэлIэу муниципальнэ къулыкъум пэрыувэхэм хабзэщIэм тету зыгъэпсэхугъуэ махуэхэр ират.
  • ЗэхуэкIыныгъэхэм къару ягъуэтащ 2017 гъэм накъыгъэм и 1-м къыщыщIэдзауэ.