ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Лъэпкъыр тхуэбагъуэрэ бзэр тхуэбзэрабзэм

2017-08-03

  • Джэду Сэкинат 1976 гъэм фокIадэм и 30-м Псыгуэнсу къуажэм къыщалъ-хуащ. Школым щыщIэса лъандэрэ Сэкинат щIэхъуэпсырт егъэджакIуэ хъуну, ауэ апхуэдэ насып  къыщехъулIар илъэсиплI ипэкIэщ — Къэбэрдей-Балъкъэр къэрал университетым филологиемкIэ и институтым адыгэбзэмрэ литературэмкIэ и къудамэм щIэтIысхьащ. Езанэ курсым щIэсу адыгэ IуэрыIуатэмкIэ экзаменыр фIы дыдэу зэритам щхьэкIэ, ЦIыпIынэ Аслъэн и унагъуэм къыбгъэдэкI стипендиер къыхуагъэфэщауэ щытащ Сэкинат. Абы тригъэгушхуагъэнщ — «тху» защIэкIэ еджащ. ФIы дыдэу зэреджам и мызакъуэу, ар хэтащ университетым щрагъэкIуэкI пшыхьхэм, зэIущIэхэм, конференцхэм. ЕхъулIэныгъэу зыIэригъэхьахэм я щыхьэтщ абы зыбжанэрэ къыхуагъэфэща щIыхь, фIыщIэ тхылъхэр, абыхэм я щхьэжщ къихьа диплом плъыжьыр.
  • Джэду Сэкинат

    Сэкинат зэрыжиIэмкIэ, абы фIэфIщ   усэ къеджэни ахэр зэдзэкIыни. Езыми усэ зыбжанэ итхауэ иIэщ.

  • Пщащэм мурад куэд зэриIэм шэч хэлъкъым, ауэ псом япэ иригъэщыр и щIэныгъэм адэкIи хигъэхъуэнырщ.
  • И анэдэлъхубзэр зэрылъэкIкIэ игъэб-зэрабзэу, езым и бынхэм я мызакъуэу еджакIуэ цIыкIухэри абы щIипIыкIыу Сэкинат зытеува гъуэгущIэм хузэфIэкI къимыгъанэу ирикIуэну и гугъэщи, и мурадхэр Алыхьым къыхузэпищэ!
  •  
  • ХЬЭРЭДУРЭ Аллэ.
  •  
  • Анэдэлъхубзэ
  •  
  • УрипсэлъэхукIэ анэдэлъхубзэм
  • КIуэдынкъым, зэгъащIэ, уи лъэпкъыр.
  • ЗебгъэужьыхукIэ уэ уи бзэм,
  • ТегушхуэгъуафIэ ар хъункъым.
  •  
  • ЩIэблэ къыпщIэхъуэм ебгъащIэм,
  • УщыгуIэнкъым мы гъащIэм.
  • ЗыIэпишэнщи бзэ гуакIуэм,
  • ФIэфI хъункъым ар емыфIакIуэм.
  •  
  • Лъэпкъыр тхуэбагъуэрэ бзэр
  •  тхуэбзэрабзэм,
  • Хэнынкъым фIыгъуэшхуэм адыгэр.
  • КIыхь хъунщи и гъащIэр
  •  анэдэлъхубзэм,
  • ХэкIынкъым псэ лъапIэр, зэгъащIэ!
  •  
  • Джэду Сэкинат.